Joxua 10:24 - Tshwa Bible

²⁴ Ni laha va nga wa tisile tihosi leto mahlweni ka Joxua, Joxua i lo tsombanyisa vontlhe vavanuna va ka Israeli. Zonake aku ka tinduna ta vanhu va yimpi lava va fambako zinwe na yena: Tshinelani mu ta kanzihela hehla ka tinhamu ta leti tihosi hi mikonzo ya nwina. Va lo tshinela va ta kanzihela hehla ka tinhamu ta tona.

Joxua 10:24 Referans Kwoze

Va le Roma 16:20

Nungungulu wa kurula i ta hatla a lamata Satani lahasi ka mikonzo ya nwina. A tipswalo ta Hosi ya hina Jesu Kristu a tive na nwina.

Malaki 4:3

Mu ta kanzihela a vakubiha, hakuva va ta fanana ni khuma lahasi ka mikonzo ya nwina, a sikwini legi nzi ta nga tira a ntiro wa mina, ku wula Jehova wa tiyimpi.

Tisimu 110:5

A Hosi yi nga reveni ga wena ga xinene, Yi ta hihirita tihosi hi siku ga zanga ya yona.

Tisimu 110:1

Jehova i te ngalo ka hosi ya mina: Tshama hi le reveni ga mina ga xinene, Kala nzi veka a valala va wena a kuva xikegetelo xa mikonzo ya wena. Mat. 22:44; 1 Kor. 15:25; Maheb. 1:13

Tisimu 107:40

Kanilezi loyi a chelako kusoleka ka tihosana, A ti pepetsekisa xiwuleni lomu ku nga hiko na ndlela, Isa. 40:23; Dan. 4:33

Deuteronome 33:29

U katekile wena, Israeli! Himani a fananako na wena, Wena tiko u hanyiswako hi Jehova! A nga xitlhangu xi vikelako, Ni supado ya wukulu ga wena! A valala va wena va ta khoziswa mahlweni ka wena, Kanilezi wena u ta kanzihela a matshamu yabye ma tlakukileko!

Tisimu 91:13

U ta kanzihela nghala ni mamba. U ta gandletela xinghalana ni nyoka. Deut. 3:15; Mar. 16:18; Lu. 10:19

Tisimu 18:40

U nzi hlongolele a valala va mina, Nzi lovisa lava va nzi vengako.

Valamuli 8:20

Zonake i te ngalo ka matewula yakwe Jetera: Suka u va daya! Kanilezi a mufana a nga hlomulangi a supado yakwe hi kota ya wutoya, hilezi i wa ha hi tsongwani.

Maheberu 1:13

Hakuva ka yihi xikari ka tingelosi a ngaku ka yona: Tshama hi le reveni ga mina ga xinene, Kala nzi veka valala va wena a kuva xikhegetelo xa mikonzo ya wena? Tis. 110:1; Mat. 22:44; Mar. 12:36; Lu. 26:42; Xip. 10:12

2 Samueli 22:41

Wena u nzi hlongolele valala va mina, Kasi nza fela ku lovisa lava va nzi vengako.

Isaya 51:23

Kanilezi nzi ta yi veka mandleni ya vaxanisi va wena, Lava va teku ka wena: Korama, hi hunza; Zonake a hlana wa wena u wu maha a kuva misava, U ku khwatsi u ndlela ka vahunzi.

2 Samueli 22:39

Nzi va hetisile nzi va kanzihela, va tsanzeka ni ku nzi vukela; Ina, va wile lahasi ka mikonzo ya mina.