Joxua 10:13 - Tshwa Bible

¹³ Zonake a gambo gi lo yima, ni hweti yi lo yima, Kala a vanhu va ti photela ka valala vabye. Lezi a zi tsaliwangi lomu bhukwini ga Loyi a Lulamileko ke? A gambo gi lo yima le tilweni gi nga hatlisi ku pela siku gontlhe. 2 Sam. 1:18; Isa. 38:8

Joxua 10:13 Referans Kwoze

Habakuka 3:11

A gambo ni hweti zi lo yima matshanwini ya zona, Hi kota ya kuhatima ka tigalala ta wena loku ti hunza, Ni kukwezima ka tlhari ga wena gi hatimako.

Isaya 38:8

nzi ta tlhelisa hi khume ga zikanzihelo a nzhuti lowu wu cikisilweko hi gambo laha ka xikombiso xa xikhati xa Ahazi. Hakunene a gambo gi lo tlhela khume ga zikanzihelo laha ka xikombiso xa xikhati.

Joxua 10:14

Cima a ku na ngava kona a siku go fanana ni lego hi mahlweni, hambu ni nzhako ka lezo, a kuva. Jehova a ingisa a gezu ga munhu, hakuva Jehova i wa lwela va ka Israeli.

Valamuli 16:28

Zonake Samsoni i lo vitana ka Jehova, aku: Hosi Jehova, nzi alakanye! Nungungulu nzi nyike ntamu zalezi, nzi ti photela a mahlo ya mina ya mambiri ka maFilistia. Maheb. 11:32

Luka 18:7

Xana Nungungulu a nga ta va photela a vahlawulilweko vakwe, lava va rilako ka yena a mumu ni wusiku ke, a nga ta timisela ha vona ke? Kuv. 6:10

Joeli 3:15

A gambo ni hweti zi pfhupelisilwe, ni tinyeleti ta timeka.

Joeli 2:10

A misava yi rurumela mahlweni kabye, a matilo ma tsekatseka; a gambo ni hweti za pfhupeliswa, a tinyeleti ta timeka.

Tisimu 148:3

Mu dumiseni, nwina gambo ni hweti, Mu dumiseni, nwina nwentlhe tinyeleti ta kuwonekela.

Tisimu 19:4

Hambu zi hi tano, a mhaka ya zona yi humele misaveni yontlhe, Ni magezu ya zona ma chikele magemeta-musi. I akele gambo a tenda xikari ka wona.

Estere 8:13

A tiko ginwe ni ginwani gi lo rumelwa a papilo ga mutsalo wa nayo kasi wu fela ku huwelelwa ka tixaka tontlhe ta vanhu, ni ku kasi a vaJuda va fela ku ti longisela ku vikela wutsumbu gabye ka valala vabye.

2 Samueli 1:18

I lo kombela vanhu lezaku a lisimu la kona li gonziswa ha vanana va ka Juda, a lisimu la Wura. Zinghaho li lo tsaliwa lomu bhukwini ga Loyi a Lulamileko. Jox. 10:13

Isaya 24:23

Zonake a hweti yi tava ni tingana, ni gambo gi wiswa tingana; hakuva Jehova wa tiyimpi i ta fuma le xitsungeni xa Zioni ni le Jerusalema, ni masingalakati yakwe ma ta wona kungangamela kakwe.

Valamuli 5:2

Kota lezi a varangeli va rangeleko Israeli, Vonawu vanhu va nyikela wutsumbu gabye hi kumbheleleko, Khesani Jehova!

Joxua 10:11

Ku te na va ha chava va ka Israeli, na va relela le Bete-Horoni, Jehova i lo nisa maribye ya hombe hehla kabye mata hi le tilweni, kala le Azeka, vona va lo dawa, lava va nga dawa hi vula ya maribyana va wa tele nguvu ku hunza lava va nga dawa hi va ka Israeli hi matlhari. Ekso. 9:17

Mitsengo 31:2

Photela a vanana va ka Israeli ka vaMidiani, anzhako ka lezo u ta amukelwa ka va ka nwina.

Kuvululelwa 21:23

Lomu mutini a ku laveki gambo ni hweti a kuva zi woninga; hakuva wu woningwa hi kungangamela ka Nungungulu, ni kandiya ya wona hi Yivana. Isa. 24:23; 60:19, 20

Kuvululelwa 8:12

Ni ngelosi ya wumune yi loba mpunzu wa yona, ku biwa xipanze xa wunharu xa gambo, ni xipanze xa wunharu xa hweti, ni xipanze xa wunharu xa tinyeleti; lezaku a xipanze xa wunharu xa zona xi phumiswa, a hlikanhi wu vumala a xipanze xa wunharu xa kuwonekela ka wona, ziva tano ni wusiku. Isa. 13:10; Am. 8:9

Kuvululelwa 6:12

Nzi lo wona laha yi nga namula a xifungo xa wuntlhanu ni xinwe, ku wa hi kona a kutsekatseka ka hombe ka misava; a gambo gi lo hunzuka gi maha ntima khwatsi hi nguwo ya xirilo, a hweti yontlhe yi lo maha ku khwatsi i nkhata. Joeli 2:31; Mat. 24:29

Kuvululelwa 6:10

Va loba huwa hi gezu ga hombe, vaku: Hosi yo basa ni ya zinene, ku ta kala rini u nga lamuli u photela a nkhata wa hina ka lava va akileko misaveni ke? Ekso. 19:6; 1 Ped. 2:5, 9

Mitiro 2:20

A gambo gi ta pfhupeliswa, A hweti yi hunzuka yi maha nkhata, Na gi nga se nga chikela a siku ga Hosi, Legi ga hombe ni gi dumileko. Mat. 24:29

Mateu 5:45

kasi mu fela kuva vana va Raru wa nwina loyi a nga le tilweni; hakuva wa tsuwukisa gambo gakwe hehla ka vobiha ni ka vosaseka, a nisa vula hehla ka valulamileko ni ka va nga lulamangiko.

Mitsengo 21:14

Hi kwalaho ku wuliwako ha kona bhukwini ga Tiyimpi ta Jehova: “Vaheb le Sufa, Ni le mikoveni ya Amoni,

Mateu 24:29

Loku ku mbhelile a kuxaniseka ka lawo masiku; a gambo gi ta pfhupeliswa, ni hweti yi nga ta humesa a kuwoninga ka yona, ni tinyeleti ti tawa hi le tilweni, ni mintamu ya matilo yi ta tsekatsekiswa, Isa. 13:10; Ezek. 32:7; Am. 5:20; Joeli 2:10; Lu. 21:25

Joeli 2:31

A gambo gi ta pfhupeliswa, a hweti yi hunzuka yi maha nkhata, na gi nga se nga chikela a siku lego ga hombe go tshisa ga Jehova.

2 Tihosi 20:10

Hezekia i lo hlamula, aku: Za hehuka ka nzhuti a kuya mahlweni hi 10 wa zikanzihelo, kasike ngha wu tlhela nzhako hi 10 wa zikanzihelo.

Joba 9:7

Loyi a rumako a gambo lezaku gi nga humi, Ni ku umisa a tinyeleti.