Joxua 1:17 - Tshwa Bible

¹⁷ Kota lezi hi ingisileko Mosi ka zilo zontlhe, zinghaho hi ta ku ingisawu. Ntsena lezaku Jehova Nungungulu wa wena ave zinwe na wena, kota lezi a nga wa hi zinwe na Mosi.

Joxua 1:17 Referans Kwoze

Joxua 1:5

A ku kona munhu loyi a ta nga tiya a yima mahlweni ka wena ka wontihe masiku ya wutomi ga wena; khwatsi hi lezi nzi nga hi na Mosi, nzi tava na wena, cima nzi nga ta ku tsika, hambu ni ku ku siya.

1 Tihosi 1:37

Khwatsi hi lezi Jehova a nga wa hi zinwe ni hosi ya mina, zinghaho ave na Solomoni kotisa zalezo, a kulisa a xitshamu xa yena xa wukosi ku hunza xitshamu xa wukosi xa Davida a nwinyi wa mina!

Joxua 1:9

Xana a nzi ku leletelangi, nziku: Tiyisa a mbilu, uva ni ntamu: u nga chavi, u nga tsemeki hlana; hakuva Jehova Nungungulu wa Wena i zinwe na wena kontlhe lomo u ta ngava kona.

Mateu 21:9

Ni zidlemo lezi zi nga rangile ni lezi zi nga lanzela, zi lo kanyuluka, ziku: Hozana ka Nʼwana Davida; a ku khesiwe yena loyi a tako vitweni ga Hosi; Hozana ka le hehla-hehla. Tis. 118:26; Xip. 23:39

Tisimu 20:9

Jehova, hi nyike kuhlula, Ngha hosi yi ingisa loku hi vitana.

Tisimu 20:4

Ngha a ku nyika a mixuvo ya mbilu ya wena, A mbhelelisa a makungo ya wena wontihe.

Tisimu 20:1

Ngha Jehova a ku hlamula hi siku ga hlomulo, A vito ga Nungungulu wa Jakobe a gi ku vikele.

1 Kronekele 28:20

Davida i lo engeta kambe aku ka nʼwana wakwe Solomoni: Tiya hlana, u ngavi na hlenekera; maha zalezo! U nga chavi, u nga mbheli ntamu, hakuva Jehova Nungungulu, yena Nungungulu wa mina, i tava zinwe na wena; cima a nga ta ku tsika hambu ni ku ku rivala ka yontlhe mitiro ya yindlu ya Jehova kala yi mbhela.

1 Samueli 20:13

Jehova a mahe hi ntamu ka Jonatani, ni ku engeta kambe! Ni kambe loku dadani a xuva ku maha kubiha ha wena, nzi ta ku tivisa nzi ku byela lezaku u tsutsuma, u famba hi kurula. Jehova a ave zinwe na wena khwatsi hi lezi a nga hi zinwe na dadani.

Joxua 1:16

Na vona va lo hlamula Joxua, vaku: Hina hi ta maha zontlhe lezi U hi leletelako zona, hi taya ni kwihi laha u ta nga hi ruma kona.

Joxua 1:18

Kani hi wihi a ta nga ala ku maha zileletelo za wena, a nga ingisi timhaka ta wena leti u ta nga hi leletela ka zilo zontlhe, loye munhu i ta dawa. Ntsena lezaku wena u tiya hlana u nga mbheli ntamu.

Mitsengo 27:18

Jehova aku ngalo ka Mosi: Teka Joxua nʼwana Nuni, a munhu loyi a nga ni moya, u tlhateka a canja ga wena hehla kakwe;

Mitsengo 27:20

U ta veka wudzunzo ga wena hehla kakwe, kasi tlhangano wontihe wa vanana va ka Israeli wu fela ku mu ingisa.

Deuteronome 34:9

Joxua nʼwana Nuni i lo tala hi moya wa wutlhari, hakuva Mosi i wa mu tlhatekile mandla yakwe. Ni vanana va ka Israeli va lo mu ingisa, va maha kota lezi Jehova a leleteleko Mosi.

Joxua 4:14

Hi lego siku Jehova i lo kulisa Joxua mahlweni ka vaIsraeli vontlhe, zonake va lo mu chava kota lezi va nga wa chava Mosi ka wontihe masiku ya wutomi gakwe.

1 Samueli 17:37

Davida a engeta aku: Jehova loyi a nga nzi ponisa canjeni ga nghala ni ga urso, hi yaloye a ta nga nzi ponisa canjeni ga loyi muFilistia. Zonake Saule i te ngalo ka Davida: Famba, Jehova ave na wena!

2 Samueli 14:17

A nanza ga wena gi waku: A gezu ga hosi yanga gi ta nzi nyika kurula, hakuva a hosi ya mina yi fanana ni ngelosi ya Nungungulu a ku tiva kusasa ni kubiha; hikwalaho Jehova Nungungulu wa wena ave zinwe na wena!