Jona 4:11 - Tshwa Bible

¹¹ Makunu mina ngha nzi nga tsetsi Niniva, a muti lowu wa hombe, lowu wu nga ni tsengo wa 120,000 wa vanhu va hlamusa, lava va nga zi tiviko a ku hambanyisa a woko gabye ga xinene ni leʼga xibhabha, ni zifuyo leʼzo tala ke?

Jona 4:11 Referans Kwoze

Mateu 18:33

xana u wa nga fanelangi a kuva ni wuxinji ka nanza-kuloni, kota lezi mina nzi nga ku mahela wuxinji ke?

Jona 1:2

Suka, uya Niniva, a mutini lowu wa hombe, u ya wu kanelela, hakuva a kubiha ka wona ku chikele mahlweni ka mina. Gen. 10:11; 18:20

Tisimu 36:6

A kululama ka wena ku fanana ni zitsunga za hombe, Ni kulamula ka wena ku etile ku fanana ni bimbi, Jehova, u lonzowota vanhu ni zihari. Rom. 11:33

Deuteronome 1:39

Kasike a vanana va nwina, lava mu nga wula ha vona lezaku va ta khomiwa va maha tihloko, ni vana va nwina lava inyamutlha va nga tiviko kusaseka ni kubiha, hi vonake va ta nga enghena ka tiko lego; nzi ta va nyika gi maha tiko gabye.

Tisimu 104:14

U milisela tihomu a byanyi, Ni matsawu ya ku vuna munhu; Kasi a humesa zakuga hi lomu misaveni,

Jona 3:10

Laha Nungungulu a nga wona hi mitiro yabye, lezaku va hunzulukile ndleleni yabye ya kubiha, i lo hunzuluka a tlhelisa a khombo legi a nga wulile lezaku i ta va fumela gona, a nga ha gi wiseli hehla kabye. Gen. 6:8; Ekso. 32:14

Isaya 1:18

Tanani, hi wulawulisana timhaka, ku wula Jehova. Hambu loku zionho za nwina zi pswhukile, zi nga basa khwatsi i gapongo; hambu loku zi pswhukisile ku zirila, zi nga ku khwatsi i woya go basa.

Isaya 7:16

Hakuva a mahlweni a nwanana na a nga se ku tiva ku ala za kubiha, ni ku hlawula kusaseka, a tiko legi u chavako a tihosi ta gona ta timbiri gi tava xiwula. 2 Tih. 15:29; 16:9

Isaya 37:37

Zonake Sennakeribe a hosi ya le Assiria yi lo suka yi tlhela yi ya tshama le Niniva.

Jona 4:10

Jehova aku: Wena u tsetsa a khungu lowu u nga wu tirelangiko, u nga wu kulisangiko; lowu wu ti mileleko hi wusiku, wu tlhela wufa hi wusiku gi gamelako.

Genesisi 9:10

zinwe ni zilo zontlhe lezi zi hanyako zi nga na nwina: a tinyanyani ta tilo, ni zifuyo, ni zihari zontlhe za khwati zi nga na nwina; zontlhelele lezi zi nga huma hi lomu tarwini, ku kala ka zontlhe zihari za misava.