Jona 3:5 - Tshwa Bible

⁵ A vaaki va le Niniva va lo kholwa ka Nungungulu, va yimisa a siku go yila ha gona, va ambala tinguwo ta xirilo, lava va hombe ni vatsongwani.

Jona 3:5 Referans Kwoze

Luka 11:32

A vavanuna va le Niniva va ta yima kulamuleni zinwe ni lexi xizukulwana, va ta xi kona; hakuva va lo hunzuluka laha Jona a nga kanela kabye; kasi a wahombe ku hunza Jona i kona laha, Jona 3:5

Mateu 12:41

A vavanuna va le Niniva va ta yima ni xizukulwana lexi hi siku ga kulamula, va ta xi kona; hakuva va lo hunzuluka hi kukanela ka Jona; kasi a wahombe ku hunza Jona i kona laha. Lu. 11:32; Rom. 2:27

Danieli 9:3

Nzi lo tlakusa a mahlo ya mina ka Hosi Nungungulu nzi maha mikhongelo, nzi kombela hi kuyila, nzi ambala tisakwa nzi ti chela khuma.

Joeli 1:14

Yimisani a siku ga kuyila, mu ramba a gotsovanyano wa ximuse. Tsombanyisani a zikhosana ni vontlhe a vaaki va tiko lomu ndlwini ya Jehova a Nungungulu wa nwina, mu rila ka Jehova.

2 Kronekele 20:3

Jehoxafate i lo chava, a ti longisela ku hlota Jehova; i lo laya vontlhe va ka Juda lezaku va yila.

Maheberu 11:1

Makunu a kukholwa hi kona ku tiyisako hi zilo lezi zi languteliwako, a xikholwiso xa zilo zi nga woniwiko. Rom. 8:24

Maheberu 11:7

Hi kukholwa Noa na a byelilwe hi Nungungulu hi zilo zi nga kala zi nga se woniwa, i lo ingisa, a aka a taru kasi ku hanyisa a nghamu yakwe; hi ku maha lezo i lo kona a tiko, a maha xiga-tshomba ya kululama loku ku nga ka kukholwa. Gen. 6:13; Rom. 3:22

Mitiro 27:25

Hikwalaho, vavanuna, tiyanihlana; hakuva nza tsumba ka Nungungulu, lezaku ku ta maheka kota lezi ku wulawulileko ka mina. Lu. 1:45; Rom. 4:20, 21; 2 Tim. 1:12

Mitiro 8:10

Vontlhe va lo mu ingisa, a vatsongwani ni vahombe, vaku: Loyi munhu i ntamu wa Nungungulu lowu wu vitwako Wa hombe.

Jeremia 42:8

Yena i lo vitana Johannani a nʼwana Karea, ni tinduna tontlhe ta mabutho lawa ma nga hi naye, ni vanhu vontlhe a vatsongwani ni vahombe,

Jeremia 42:1

Zonake a tinduna tontlhe ta mabutho na Johannani nʼwana Karea, na Jezania a nʼwana Hoxaia, ni vontlhe vanhu, lava va tsongwani ni vahombe,

Jeremia 36:9

Hi lembe ga wuntlhanu ga Jehoiakimu nʼwana Josia, hosi ya ka Juda, hi hweti ya wuntlhanu ni mune, ku lo biwa hungu hi siku ga kuyila mahlweni ka Jehova a ka vontlhe vanhu va Jerusalema, ni vanhu vontlhe va humako mitini ya ka Juda vata Jerusalema.

Jeremia 31:34

A vaakelani va nga ta ha gonzisana, Munhu a nga ta gonzisa makabye, aku: Tiva Jehova! Hakuva vontlhe va ta nzi tiva, Kusukela ka vatsongwani vabye kala vahombe, ku wula Jehova. Hakuva nzi ta va tsetselela a kubiha kabye, Cima nzi nga ta ha alakanya a zionho zabye. Mika 7:18; Joh. 6:45; Rom. 11:27

Ezra 8:21

Na ha hi le Congweni wa Ahava, nzi lo tiyisa a siku ga kuyila, hi ti koramisa mahlweni ka Nungungulu wa hina, a ku kasi hi ti kombelela ka yena hi pfhumba ga hina go saseka, ni vanana va hina, ni zontlhe zilo za hina.

Kuvululelwa 11:3

Zonake nzi ta nyika a vakustumunyu vambiri va mina, a kuva va profeta a 1,260 wa masiku, na va ambele tinguwo ta tisakwa. Xip. 12:6; 19:10; 20:4

Estere 4:1

Makunu laha Mordekai a ngazwa zontlhe lezi zi nga wa mahilwe, i lo hanzula a tinguwo takwe, a ambala a tinguwo ta xirilo, a huma aya laha xikari ka muti a ya rila hi gezu ga hombe a tsikwila;

Jona 3:7

Zonake i lo rumisa lezaku ku biwa nyiwo ka Niniva gontlhe hi kuleletela ka hosi ni vahombe va yona, lezaku: A vanhu ni zihari, a mitlhambi ya tiyivu ni ya tihomu ngha zi ngagi nchumu; zi ngagi hambu kunwa mati.

Eksodusi 33:6

Zinghaho a vanana va ka Israeli va lo susa lezi va hembako ha zona ku suka le xitsungeni xa Horebe.

2 Tihosi 19:1

Laha hosi Hezekia a nga wa zi zwile, i lo hanzula a tinguwo takwe, a fenengela a tinguwo ta tisakwa, a enghena lomu ndlwini ya Jehova. Isa. 37:1