Jona 2:4 - Tshwa Bible

⁴ Mina nziku: Nzi hlongolwe mahlweni ka wena, Kanilezi nzi ta tlhela nzi cuwuka tempeleni ya wena yo basa.

Jona 2:4 Referans Kwoze

Tisimu 31:22

A kuxanisekeni ka mina nzite: Nzi hlongolwe mahlweni ka wena, Hambu zi hi tano, u zwile a mikhongelo ya mina Laha nzi ngaba huwa ka wena.

Tisimu 5:7

Kanilezi mina nzi enghena ndlwini ya wena hi kota ya wuxinji ga wena ga hombe; Nzi khizama hi xichawo ngomama ni tempeli ya wena yo basa.

Isaya 38:17

A hlomulo loʼwa hombe wa mina wu nzi nehele kurula; Hi liranzo la wena u humesile moya wa mina rinzini ga kubola; Hakuva u hoxile zionho za mina zontlhe lenzhako ka wena.

2 Kronekele 6:38

loku va tlhelela ka wena hi timbilu tabye tontlhe, ni mihefemulo yabye yontlhe, na va hi kwaleyo tikweni ga wukhumbi gabye; loku va khongela na va cuwukile a tlhelo ga tiko legi u nyikileko vararu vabye, ni muti lowu u wu hlawuleko, ni tlhelo ga yindlu leyi nzi yi akeleko vito ga wena,

Danieli 6:10

Laha Danieli a ngazwa lezaku a nayo wu tiyisilwe, i loya ndlwini yakwe, laha a tinjhanela ta kwaruto yakwe ya le hehla ti nga vululwe ngomama ni Jerusalema, a khizama hi madzolo a khongela makhati manharu hi siku, na a bonga Nungungulu wakwe khwatsi hi zikhati zi hunzileko. 1 Tih. 8:44, 48

Jeremia 7:15

Nzi ta mu hlongola mahlweni ka mina, kota lezi nzi sinako nzi hlongole a vamakabye vontlhe va nwina, a lixaka lontlhe la ka Efraime. 2 Tih. 17:23

Ezekieli 37:11

Zonake aku ka mina: Nʼwana wa munhu, a marambu lawa hi yindlu yontlhe ya ka Israeli. Languta, ve ngalo: A marambu ya hina ma womile, hi mbhelelwe hi kutsumba, hi lovele magumo.

Jeremia 15:1

Zonake Jehova i te ngalo ka mina: Hambu loku Mosi na Samueli va wa ta yima mahlweni ka mina a mbilu ya mina ngha yi nga zi koti ku kongomana ni lava vanhu. Va hlongole mahlweni ka mina, va ti fambela. Ekso. 32:11; Mitse. 14:13

Isaya 49:14

Kanilezi Zioni i te ngalo: Jehova i nzi tsikile, A Hosi ya mina yi nzi rivele!

1 Tihosi 9:7

mina nzi ta susa va ka Israeli tikweni legi nzi va nyikileko gona, nzi hoxa kule na mina a yindlu leyi nzi yi basiseleko a vito ga mina; na Israeli i tava tsheketo ni xihlekiso xikari ka matiko wontihe. Deut. 28:37; Jer. 7:15; 24:9

1 Tihosi 8:48

Loku va tlhelela ka wena hi timbilu tabye tontlhe ni mihefemulo yabye yontlhe na va hi kwaleyo tikweni ga valala vabye lava va va khomileko; va khongela na va cuwukile tlhelo ga tiko gabye legi u nyikileko vararu vabye, ni tlhelo ga muti lowu u wu tengileko, ni tlhelo ga yindlu leyi nzi yi akeleko vito ga wena; Dan. 6:10

1 Tihosi 8:42

hakuva va tazwa a timhaka ta vito ga wena ga hombe, ni canja ga wena ga ntamu, ni woko ga wena gi tlakukileko; loku yena a ta khongela ndlwini leyi;

Jona 2:7

Laha a muhefemulo wa mina wu nga rerekile nzeni ka mina nzi lo alakanya Jehova; A mukombelo wa mina wu lo chikela ka wena lomu tempeleni ya wena yo basa.

Tisimu 42:8

Laha hlikanhini Jehova i wa lelela a wuxinji gakwe ha mina, Ni laha wusikwini nzi wa kari nzi yimbelela ha yena, Nzi kombela ka Nungungulu wa wutomi ga mina.

Tisimu 88:6

U nzi hoxile lomu kueteni ka nkele, Lomu lieswileni la munyama.

Tisimu 88:7

A zanga ya wena ya nzi tikela, Nzi hlokiswa hi mabyandlati ya wena wontihe. (Sela.)

Mikosi 3:54

A mati ma lo khulungela hloko ya mina, Mina nziku: Nzi file!