Johani 8:12 - Tshwa Bible

¹² Zonake Jesu i lo engeta a kanela ka vanhu, aku: Mina nzi kuwonekela ka tiko. Loyi a nzi lanzelako a nga ta ha famba munyameni; kanilezi i tava ni kuwonekela ka wutomi. Xip. 1:5, 9; 9:5; 12:35, 46

Johani 8:12 Referans Kwoze

Johani 12:46

Nzi tile nzi hi kuwonekela tikweni, lezaku ni wihi a kholwako ka mina a nga tshami munyameni. Xip. 3:19

Johani 9:5

Laha nzi nga kona tikweni, nzi kuwonekela ka tiko. Xip. 1:5, 9; 3:19; 8:12

Johani 12:35

Jesu aku ngalo kabye: A kuwonekela ka ha hi na nwina a xikhatanyana. Fambani na ma ha hi ni kuwonekela, kasi a munyama wu nga mu kamanyeti. Loyi a fambako munyameni a nga ku tivi laha a yako kona. Jer. 13:16; Xip. 1:9; 11:10

Mateu 5:14

Nwina mu kuwonekela ka tiko; a muti lowu wu nga hehla ka xitsunga a wu na ku sirelwa. Mav. 4:18; Fil. 2:15

Joba 33:28

Yena i tlhatlhisile muhefemulo wa mina, wu nga weli rinzini; Ni wutomi ga mina gi ta wona kuwonekela.

Johani 3:19

A kulamula hi kwaloku, lezaku a kuwonekela ku tile misaveni, kanilezi vanhu va ranzile munyama ku hunza kuwonekela; hakuva mitiro yabye yi wa bihile. Joba 24:13, 17; Efe. 5:13

Tisimu 18:28

U maha kandiya ya mina yi hatima, Jehova, Nungungulu wa mina, i nzi woningela munyameni wa mina.

Isaya 9:2

A vanhu lava va nga fambile munyameni va wonile a kuwonekela ka hombe; Lava va akileko tikweni ga nzhuti wa kufa A kuwonekela ku woningile hehla ka vona. Lu. 1:79; Joh. 1:9

2 Pedro 2:4

Hakuva Nungungulu a nga tsetselelangi a tingelosi leti ti nga onha, kanilezi i lo ti hoxa Gehena, a ti valela marinzini ya munyama, a kuva ti gongiwa kala kulamulweni. Joba 4:18; Lu. 8:31; Joh. 8:44

Isaya 50:10

Himani xikari ka nwina a chavako Jehova, A ingisa a gezu ga nanza gakwe? Loye a fambako munyameni, na a nga hi na kuwonekela, Ngha a tsumba vito ga Jehova, a khegela ka Nungungulu wakwe.

Isaya 49:6

E ngalo: A zi ringani loku u hi nanza ga mina Lezaku u vuxa a tixaka ta ka Jakobe ntsena, Ni ku wuyiseta lava va ponileko va ka Israeli; Kambe nzi ta ku veka a kuva kuwonekela ka vamatiko, Kasi a kuhanyisa ka mina ka chikela magumelweni ya misava. Lu. 1:79; 2:32; Miti. 1:47

Mitiro 13:47

Hakuva zinghaho a Hosi yi hi layile, yiku: Nzi ku yimisile a kuva a kuwonekela ka vamatiko, Kasi uva kuhanyiswa kabye ku kala le magemeta-musi. Isa. 49:6

Tisimu 97:11

A kuwonekela ku xwanyelwe lava va kululama, Ni kutsaka ka lava va lulamileko timbilu.

Mitiro 26:23

Lezaku Kristu i yimelwe hi kuxaniseka, ni kuva wo ranga a ku vuka kufeni, aba hungu hi kuwonekela ka vanhu va hina ni ka vamatiko. Lu. 2:32; 1 Kor. 15:20; Kol. 1:18

Johani 14:6

Jesu aku kakwe: Mina nzi ndlela, ni zinene, ni wutomi; a nga kona a tako ka Dadani, loku a ngati ha mina. Xip. 1:4; 8:32; 10:9; Maheb. 9:8

Johani 7:17

Loku munhu a xuva ku maha kuranza ka Nungungulu, i ta yi tiva a gonzo leyi, loku yita hi ka Nungungulu, kutani nzo ti wulawulela mina wutsumbu. Xip. 8:43

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Kuvululelwa 21:24

A vamatiko va ta famba kuwonekeleni ka wona, ni tihosi ta misava ti neha ka wona a wukosi ga tona. Isa. 60:3, 5, 11

Luka 2:32

A kuwonekela ka ku woninga a vamatiko, Ni wudzunzo ga vanhu va wena va Israeli. Isa. 9:2; 60:1, 2, 3; Miti. 13:47

Hosea 6:3

A hi tiveni Jehova, a hi hatliseni ku mu tiva. A kuhuma kakwe ku tiyile ku khwatsi wuronga; i tata ka hina khwatsi i vula, kukotisa a vula ya xirimo leyi yi tsakamisako misava.

Juda 1:13

va hi mabyandlati ma gobhozako ya bimbi, lawa ma pupumako a khuvi ga tingana tabye; va hi tinyeleti ti nzulanzulako, leti ti vekelweko a munyama wo tshisa kala kupinzuka. Isa. 57:20; 2 Ped. 2:17

2 Pedro 2:17

A vanhu lava tihlowo ti nga hiko na mati, marefu ma susumetwako hi bhubhutsa; va hlayiselwe a munyama lowu wa ntima. Juda 12, 13

Juda 1:6

Ni tingelosi leti ti nga kala ku gonga a wuhosi ga tona, ti siya kaya ka tona, yena i ti hlayisile makhotsweni ya pinzukelwa ya munyama kala sikwini ga hombe ga kulamulwa. 2 Ped. 2:4; Kuv. 20:10

Tisimu 49:19

U taya xizukulwaneni xa vadadani va wena, Lava cima va to kala va nga ha woni kuwonekela.

Johani 12:36

Kholwani hi kuwonekela na ma ha hi nako, kasi ma fela ku maha vanana va kuwonekela. Jesu i lo kanela timhaka leti, a suka ka vona, a ya ti fihla. Lu. 16:8; Efe. 5:8; Xip. 11:54

1 Johani 1:6

Loku hi wula lezaku hi hlengele zinwe naye, kasi lezo ha ha famba munyameni, ha hemba wunwa, a hi mahi zinene. 2 Kor. 6:14