Johani 3:11 - Tshwa Bible

¹¹ Hizinene nziku ka wena: Hi wula lezi hi zi tivako, hi maha wukustumunyu ga lezi hi zi wonileko, kanilezi a mu amukeli a wukustumunyu ga hina. Mat. 11:27; Xip. 12:49

Johani 3:11 Referans Kwoze

Johani 8:38

Mina nza mu byela lezi nzi zi wonileko ka Dadani, na nwina mu maha lezi mu zi zwileko ka raru wa nwina. Xip. 3:32; 5:19, 30; 14:10, 24

Johani 14:24

Loyi a nga nzi ranziko, a nga hlayisi timhaka ta mina; kasi a mhaka leyi mu yi zwako a hi ya mina, kanilezi nja Dadani loyi a nzi rumileko. Xip. 12:49

Johani 12:49

Hakuva a nzi kanelangi hi wutsumbu ganga; kanilezi Dadani loyi a nzi rumileko, i nzi layile hi lezi nzi ta nga wulawula, ni lezi nzi ta nga kanela. Deut. 18:18; Xip. 8:38; 14:10

Johani 8:14

Jesu i lo va hlamula, aku: Hambu loku nzi ti mahela wukustumunyu mina nwinyi, a wukustumunyu ga mina gi nene; hakuva nza ku tiva laha nzi humako kona, ni laha nzi yako kona; kanilezi nwina a mu ku tivi laha nzi humako kona, ni laha nzi yako kona. Xip. 7:28; 9:29

Johani 7:16

Jesu i lo va hlamula, vaku: A gonzo ya mina a hi ya mina, kanilezi ya loyi a nzi rumileko. Xip. 8:28

Johani 1:18

Nungungulu cima a nga woniwangi hi munhu; a Nʼwana loyi a belekilweko yece, loyi a nga xifuveni xa Dadani, hi yena a hi tivisileko lezi Nungungulu a nga zona. Ekso. 33:20; 1 Joh. 4:9

2 Va le Korinte 4:4

hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. Isa. 6:10; Joh. 12:31; 14:30; 16:10; Efe. 6:12; Fil. 2:6; Kol. 1:15; Maheb. 1:3

Isaya 65:2

Nzi nawulutile a mandla ya mina siku gontlhe a ka tiko gi hluwukileko, Legi gi fambako hi ndlela leyi yi nga hiko yi nene, Va lanzela maalakanyo yabye wutsumbu.

Johani 1:11

I lota kaya kakwe, kanilezi lava va nga hi vakwe a va mu amukelangi.

Luka 10:22

Na a hunzulukela ka vapizani, aku: Zontlhe zi nyikilwe ka mina hi Dadani. A nga kona a mu tivako Nʼwana lezaku himani, sine Dadani yece; niku himani Dadani, sine. Nʼwana yece, ni wihi loyi Nʼwana a xuvako ku mu wonekelisa ka yena. Mat. 28:18; Joh. 1:18; 3:35; 5:27

Isaya 53:1

Himani a kholilweko lezi hi nga byeliwa zona ke? A woko ga Jehova gi wonekelisilwe ka mani ke? Joh. 12:38; Rom. 10:16

Isaya 50:2

A xikhati lexi nzi ngata, hikuyini ku nga hi hava muyimeli ke? Ni laha nzi nga vitana, hikuyini ku nga kala ku huma wo hlamula? Xana a woko ga mina gi komile ko kala nzi tsanzeka ku tlhatlhisa ke? Kutani nzi vumala ntamu wa ku hanyisa ke? Languta, hi kukawuka ka mina nza womisa a bimbi, A micongo nzi yi maha xiwula, kasi a zidluwani za bola, zifa hi tora, Hi kota ya ku vumala mati. Ekso. 14:21; Jox. 3:5, 16

Kuvululelwa 1:5

ni ka Jesu Kristu, a kustumunyu a tsumbekileko, loyi a nga matewula ya vafileko, a Hosi ya tihosi ta misava. A ka yena loyi a hi ranzako, a nga hi tlhatlha zionhweni za hina hi nkhata wakwe, Joh. 8:14; 15:9; Efe. 1:20

Mitiro 22:18

nzi lo mu wona, aku ka mina: Hatlisa, u suka Jerusalema; hakuva va nga ta amukela lezi u kustumunyako ha mina. Mat. 10:14

Johani 5:43

Nzi tile hi vito ga Dadani, a mu nzi amukeli; kasi loku ata munwani hi vito gakwe yena nwinyi, yena mu ta mu amukela.

Johani 3:13

A ku na munhu a kanzihileko le tilweni, sine loyi a releleko hi le tilweni, a nga Nʼwana wa munhu, loyi a nga hi le tilweni. Mat. 30:4; Miti. 2:34; Efe. 4:9

Johani 3:5

Jesu i lo hlamula, aku: Kunenenene nziku ka wena: Loku munhu a nga belekiwi hi mati ni Moya, a nga na ku enghena mufunweni wa Nungungulu. Mar. 16:16; Miti. 2:38

Johani 3:3

Jesu i lo hlamula aku ngalo kakwe: Hakunene loku munhu a nga belekiwi luswa, a nga na ku wona mufumo wa Nungungulu. Xip. 1:13; Gal. 6:15; Tit. 3:5

Mateu 23:37

Jerusalema, Jerusalema, loyi u dayako vaprofeti, ni ku gandla hi maribye lava va rumelweko ka wena! Zikhati zingani nzi nga lava ku wungeletela a vanana va wena, kota a pswele gi wungeletelako a zihukwana za gona lahasi ka tipapa ta gona, kanilezi a mu vumelangi. Deut. 32:11; Tis. 17:8; Lu. 13:34

Mateu 11:27

Zilo zontlhe zi nyikilwe ka mina hi Dadani; a ku na munhu loyi a tivako Nʼwana, sine Dadani yece; hambu ni wa ku tiva Dadani, sine Nʼwana yece, ni wihi loyi a Nʼwana a ranzako ku mu wonekelisa ka yena. Lu. 10:22; Joh. 3:35; 1 Kor. 15:27

Isaya 55:4

Langutani, nzi mu yimisile a kuva mboni ka vamatiko, A hosana ni murangeli wa matiko.

Kuvululelwa 3:14

Tsalela a ngelosi ya bandla ga le Laodikea, uku: Loyi a nga Amen, a kustumunyu a tsumbekileko ni wa zinene, a masangulo ya kuvanga ka Nungungulu, i ngalo: Isa. 65:16; Kol. 1:15; Xip. 1:5

Johani 3:12

Lezi mu nga kholwiko loku nzi mu byela hi zilo za misava, mu ta kholwisa kuyini loku nzi mu byela hi zilo za le tilweni ke?

Johani 8:26

Nzi na ni timhaka to tala ku wulawula ni ku ti lamula hi tlhelo ga nwina; ahemba-lokoke, loyi a nzi rumileko wa tsumbeka; ni lezi nzi zi zwileko ka yena, hi zona lezi nzi wulawulako tikweni. Xip. 3:32; 7:28; 15:15