Johani 1:51 - Tshwa Bible

⁵¹ A engeta aku: Hizinene, hizinene, nziku ka nwina: Mu ta wona tilo na gi vululekile, a tingelosi ta Nungungulu na ti kari ti kanziha ti relela hehla ka Nʼwana wa munhu. Gen. 28:12

Johani 1:51 Referans Kwoze

Genesisi 28:12

I lo lora, a wona mayingo na ma yimisilwe laha misaveni, na magumo ka wona ku chikele tilweni; languta, a tingelosi ta Nungungulu na ti kanziha, ti relela ha wona.

Mitiro 7:56

aku ngalo: Mangabye, nzi wona tilo na gi vululekile, ni Nʼwana wa munhu na a yimile hi le canjeni ga xinene ga Nungungulu. Mat. 3:16; Dan. 7:13

Luka 22:43

Zonake ku lo woneka ka yena a ngelosi na yita hi le tilweni, yi ta mu tiyisa. Mat. 4:11

Luka 2:13

Hi xitshuketi xa zalezo ku wa hi zinwe ni ngelosi a mabandla ya le tilweni, ma nga dumisa Nungungulu, maku: Gen. 28:12; Tis. 103:20; Dan. 7:10

Marku 14:62

Jesu aku: Hi mina yena. Mu ta wona Nʼwana wa munhu na a tshamile hi le reveni ga xinene ga ntamu, na ata hi marefu ya tilo. Mat. 24:30; 26:64; Lu. 22:69

Marku 1:10

Na a ha huma hi lomo matini, i lo wona tilo na gi avanyeka, ni Moya wu relela hehla kakwe kota tuva. Mat. 3:16; Joh. 1:32

Mateu 3:16

Jesu laha na a bapatizilwe i lo huma zalezo hi lomo matini, languta, a tilo gi lo vululeka, a wona Moya wa Nungungulu wu relela kota tuva hehla kakwe. Isa. 11:2; Mar. 1:10; Lu. 3:22

Ezekieli 1:1

Hi lembe ga 30, hi siku ga wuntlhanu ga hweti ya wumune, khwatsi hilezi nzi nga hi xikari ka lava va nga hi wukhumbini, le congweni wa Kebare, a matilo ma lo vululeka, nzi wona a miwoniso ya ka Nungungulu.

Mitiro 10:11

a wona tilo na gi vululekile, ku relela a xibya xo khwatsi i nguwo ya hombe, na yi releliswa hi mune Wa tichoka. Ezek. 1:1; Xip. 7:56; Kuv. 19:11

Luka 3:21

Laha vanhu vontlhe va nga bapatizilwe, Jesu kambe i lo bapatizwa. Na a kari a kombela, a tilo gi lo vululeka, Mat. 3:13; Joh. 1:32

Mateu 4:11

Zonake Satani i lo mu tsika; languta, a tingelosi ti lota ka Jesu ti ta mu khozela. Maheb. 1:14

Kuvululelwa 19:11

Nzi lo wona tilo na gi vululekile, ku woneka a haxi go basa, ni loyi a nga khilele ka gona i vitanwa Kutsumbeka ni Zinene; wa lamula alwa hi kululama. Isa. 11:4; Xip. 3:14; 6:2; 15:5

Kuvululelwa 4:1

Zonake nzi lo wona a nyangwa yi vululekileko le tilweni, a gezu go sangula legi nzi nga gizwa gi lo wulawula na mina, na gi zwala kota mpunzu, giku: Kanziha uta laha, nzi ta ku wonisa lezi zi ta nga maheka anzhako ka lezi. Xip. 11:12; 22:6

2 Va le Tesalonika 1:7

Ni ku nyika nwina lava mu xanisekako a ku humula zinwe na hina, laha Hosi Jesu a ta nga wonekeliswa hi le tilweni zinwe ni tingelosi ta ntamu wakwe phingweni ga nzilo, Kuv. 14:13

Luka 2:9

A ngelosi ya Hosi yi lo woneka ka vona, ni kungangamela ka Hosi ku lo va ranzela; va wa la su ncu hi kuchava.

Maheberu 1:14

Xana tona tontlhe a hi mimoya yi tirako; leyi yi rumiwako a ku tirela lava va ta ngaga a tshomba ya kuhanyiswa ke? Mat. 18:10; Lu. 1:19; Miti. 12:7; Rom. 8:17; Jak. 2:5; 1 Ped. 3:7

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8

Johani 10:1

Hizinene nziku ka nwina: Loyi a nga engheniko hi nyangwa le rangeni ga tiyivu, kanilezi a kanziha hi yinwani ndlela, loyi hi muyivi ni khamba.

Luka 22:69

Kanilezi kusukela lezi a Nʼwana wa munhu i ta tshama hi ka ga xinene ga ntamu wa Nungungulu. Mat. 26:64; Maheb. 1:3; 8:1

Mateu 25:31

Kanilezi laha a Nʼwana wa munhu a ta ngata hi kungangamela kakwe, ni tingelosi tontlhe ti hi zinwe naye; zonake i ta tshama xitshanwini xakwe xa kungangamela. Zak. 14:5; Miti. 1:11; Kuv. 1:7

Juda 1:14

Na Enoki, a wa wuntlhanu ni wumbiri ku sukela ka Adamu, i lo profeta ha vona, aku: Langutani, a Hosi yata zinwe ni vobasa va yona va makume ya mazana, Gen. 5:18; Deut. 33:2; Dan. 7:10

2 Va le Tesalonika 1:9

Vona va ta tsayiswa hi kulobyiswa ka pinzukelwa, va hlongolwa mahlweni ka Hosi ni ka kungangamela ka ntamu wa yona, Isa. 2:19; 2 Ped. 3:7

Johani 14:12

Hizinene nziku ka nwina: Loyi a kholwako ka mina, yenawu i ta maha mitiro leyi nzi yi mahako; ni mitiro ya hombe yo hunza leyi i ta yi maha, hakuva nziya ka Dadani. Mat. 21:21

Johani 6:47

Hizinene nziku ka nwina: Loyi a kholwako, i na ni wutomi ga pinzukelwa. Xip. 3:16, 18, 36

Luka 24:4

Ku te laha va nga wa ha kanganyiseka hi lexi, languta, a vavanuna vambiri va lo yima kusuhani navo, na va ambele a tinguwo ti hatimako. Joh. 20:12; Miti. 1:10

Mateu 26:24

A Nʼwana wa munhu wa suka kota lezi ku tsalilweko ha yena; kanilezi i khombo ka munhu loyi a ta nga nyikelwa hi yena! Ku wa hi chuko ka munhu loyi loku a wa nga belekwangi. Tis. 22; Isa. 53; Dan. 9:26

Johani 21:18

Hizinene nziku ka wena; Na wa ha hi muswa, u wa ti boha bhandi ga wena, uya ni kwihi laha u ku ranzako; kanilezi laha u ta nga khosahala, u ta tshambuluta a mandla ya wena, ni munwani i ta ku boha, a ku yisa laha u nga ku ranziko. Xip. 13:36; Miti. 12:3, 4

Johani 8:51

Hizinene nziku ka nwina: Loku munhu a hlayisa mhaka ya mina, cima a nga tazwa kufa. Xip. 5:24; 11:26

Johani 6:32

Jesu aku ngalo kabye: Hizinene nziku ka nwina: Ku wa nga hi Mosi a nga mu nyika xibaba xa le tilweni; kanilezi a Dadani wa mu nyika a xibaba leʼxi nene xi tako hi le tilweni.

Johani 3:5

Jesu i lo hlamula, aku: Kunenenene nziku ka wena: Loku munhu a nga belekiwi hi mati ni Moya, a nga na ku enghena mufunweni wa Nungungulu. Mar. 16:16; Miti. 2:38

Johani 16:20

Hizinene nziku ka nwina: Mu ta rila, mu maha hlomulo, kanilezi a tiko gi ta tsaka; mu tava ni kuxaniseka, kanilezi a kuxaniseka ka nwina ku ta hunzuluswa ku maha kutsaka.

Johani 13:16

Hizinene nziku ka nwina: A nanza a hi ga hombe ku hunza a hosi ya gona; ni ntsumi a hi wa hombe ku hunza loyi a wu rumileko. Mat. 10:24; Lu. 6:40

Johani 10:7

Hikwalaho Jesu i lo engeta aku ka vona: Hizinene nziku ka nwina: Mina nzi nyangwa ya tiyivu.

Johani 6:53

Jesu aku ngalo kabye: Hizinene nziku ka nwina: Loku mu ngagi a nyama ya Nʼwana wa munhu, munwa a nkhata wakwe, a mu na wutomi nzeni ka nwina. Mat. 26:26, 28

Johani 5:27

I mu nyikile ntamu ku lamula, hilezi a nga Nʼwana wa munhu. Dan. 7:13, 14; Miti. 10:42

Johani 5:19

Jesu i lo hlamula, aku ngalo kabye: Hizinene nziku ka nwina: a Nʼwana a nga zi koti ku ti sangulela a tira nchumu, ntsena lezi a zi wonako na zi mahiwa hi Dadani; hakuva ni zihi zilo Dadani a zi mahako, lezo ni Nʼwana i zi mahisa lezo. Xip. 8:28; 9:4; 12:49

Johani 3:3

Jesu i lo hlamula aku ngalo kakwe: Hakunene loku munhu a nga belekiwi luswa, a nga na ku wona mufumo wa Nungungulu. Xip. 1:13; Gal. 6:15; Tit. 3:5

Mateu 9:6

Kanilezi kasi ma fela ku zi tiva lezaku a Nʼwana wa munhu i nani ntamu misaveni a ku tsetselela zionho, (aku ka loyi a fileko reve): Vuka, u teka sango ga wena, u famba kaya;

Mateu 8:20

Jesu aku ngalo kakwe: A vahlati va na ni timhako, ni tinyanyani ta tilo ti na ni zisaka; kanilezi a Nʼwana wa munhu a nga nako laha a nga vekako kona hloko yakwe.

Zakaria 13:7

Supado! Vukela a murisi wa mina, a munhu wa ka hina, ku wula Jehova wa tiyimpi. Bana murisi, a tiyivu ti ta hangalaka; nzi ta nawuluta a canja ga mina hehla ka lava va tsongwani. Mat. 26:31; Mar. 14:27

Johani 16:23

Hi lego siku mu nga ta nzi wutisa nchumu. Hizinene nziku ka nwina: Zontlhe lezi mu ta nga kombela ka Dadani hi vito ga mina i ta mu nyika zona. Mat. 7:7; Xip. 14:13

Johani 13:38

Jesu i lo hlamula, aku: U ta tsika a wutomi ga wena hi kota ya mina ke? Hizinene nziku ka wena: A nkuku wu nga taba, u kala u nzi kaneta kunharu.

Johani 8:58

Jesu aku ngalo kabye: Hizinene nziku ka nwina: Nzi wa hi kona Abrahama na a nga se ku pswaliwa. Ekso. 3:14; Isa. 43:13; Kuv. 1:8

Johani 8:34

Jesu i lo va hlamula, aku: Hizinene nziku ka nwina: Loyi a mahako kuonha, i tshama khumbi ya kuonha. Rom. 6:20; 2 Ped. 2:19

Johani 6:26

Jesu i lo va hlamula, aku: Hizinene nziku ka nwina: A mu nzi lavi hilezi mu nga wona ziwoniso, kanilezi hilezi mu ngaga zibaba, mu xura.

Johani 1:50

Jesu i lo hlamula, aku ngalo kakwe: Wa kholwa hilezi nzi ngaku ngalo ka wena: Nzi ku wonile lahasi ka nkuwu ke? U ta wona a zilo za hombe zo hunza lezi.