Johani 1:18 - Tshwa Bible

¹⁸ Nungungulu cima a nga woniwangi hi munhu; a Nʼwana loyi a belekilweko yece, loyi a nga xifuveni xa Dadani, hi yena a hi tivisileko lezi Nungungulu a nga zona. Ekso. 33:20; 1 Joh. 4:9

Johani 1:18 Referans Kwoze

Va le Kolosi 1:15

Hi yena a nga xifananiso xa Nungungulu loyi a nga woniwiko, a matewula ya zivangwa zontlhe. Joh. 14:19; 2 Kor. 4:4; Maheb. 1:3; Kuv. 3:14

Johani 6:46

A hi ku munhu i wonile Dadani, sine loyi a tileko hi ka Nungungulu, hi yena a mu wonileko Dadani. Mat. 11:27; Xip. 1:18

Mateu 11:27

Zilo zontlhe zi nyikilwe ka mina hi Dadani; a ku na munhu loyi a tivako Nʼwana, sine Dadani yece; hambu ni wa ku tiva Dadani, sine Nʼwana yece, ni wihi loyi a Nʼwana a ranzako ku mu wonekelisa ka yena. Lu. 10:22; Joh. 3:35; 1 Kor. 15:27

Luka 10:22

Na a hunzulukela ka vapizani, aku: Zontlhe zi nyikilwe ka mina hi Dadani. A nga kona a mu tivako Nʼwana lezaku himani, sine Dadani yece; niku himani Dadani, sine. Nʼwana yece, ni wihi loyi Nʼwana a xuvako ku mu wonekelisa ka yena. Mat. 28:18; Joh. 1:18; 3:35; 5:27

1 Johani 4:12

A ku na munhu a wonileko Nungungulu ni siku ni ginwe. Loku hi ranzana, Nungungulu i tshamile ka hina, ni liranzo lakwe li mbhelelisilwe ka hina.

1 Timote 6:16

a nga yena yece loyi a nga hiko na kufa, loyi a tshamileko kuwonekeleni loku ku nga hiko na kutshinelelwa; loyi a nga woniwangiko hi munhu, hambu ku zi kota ku mu wona; a ka yena a kuve kudzunziwa ni ntamu wa pinzukelwa. Amen! Ekso. 33:20; Deut. 4:12; Joh. 6:46; Fil. 4:20

1 Johani 4:9

A ku hi ranza ka Nungungulu ku wonekelisilwe hi lezi, Nungungulu i rumele a Nʼwana wakwe a belekilweko yece ata laha misaveni, kasi hina hi fela ku hanya ha yena. Joh. 3:16; Rom. 5:8

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3

1 Johani 4:20

Loku munhu a wula aku: Nza mu ranza Nungungulu, na a venga makabye wakwe, wa hemba; hakuva loyi a nga ranziko makabye wakwe loyi a mu wonako, a nga zi koti ku ranza Nungungulu loyi a nga mu woniko. Xip. 2:4

Johani 17:26

Nzi va tivisile a vito ga wena, nza ha ta gi tivekisa; kasi a liranzo leli u nzi ranzileko ha lona li fela ku tshama ka vona, na mina nzi hi ka vona. Xip. 15:9, 15

Johani 17:6

Nzi wonekelisile a vito ga wena ka vanhu lava u va tekileko tikweni u nzi nyika vona; va wa hi va wena, zonake u nzi nyikile vona; va yi hlayisile a mhaka ya wena. Tis. 22:22; Xip. 6:37, 39

Johani 14:9

Jesu aku kakwe: Kale na nzi tshamile na nwina, kasi a ku nzi tivi ke, Filipu? Loyi a wonileko mina, i wonile ni Dadani: u wulawula hikuyini uku, hi wonise Dadani? Xip. 12:45; Kol. 1:15; Maheb. 1:3

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Deuteronome 4:12

Zonake Jehova i lo wulawula na nwina na a hi xikari ka nzilo; nwina mu lozwa a gezu ga timhaka, kanilezi a mu wonangi a xiyimo xakwe, saseka a gezu ntsena.

Mitsengo 12:8

yena nzo wulawula naye hi nomu, nzi ti kombisa ka yena futsi, na ku nga hi mifihlakalo, kanilezi yena o si wona xiwumbeko xa zinene xa Jehova. Hikuyini mu nga kala ku chava ku hleva a nanza ga mina, Mosi ke? Ekso. 33:11

Johani 12:41

Isaya i lo wula lezo, hakuva i wonile a kungangamela kakwe, a kanela ha yena, Isa. 6:1

1 Timote 1:17

Makunu a ka Hosi ya pinzukelwa, leyi yi nga fiko, yi nga wonekiko, loyi a nga Nungungulu yece, a kuve kudumiswa ni wudzunzo kala kupinzuka. Amen! Tis. 10:16; Dan. 7:14; Rom. 1:23

Eksodusi 23:21

Chela kota ha yona, u ingisa a gezu ga yona, u nga yi kaneti, hakuva yi nga ta timisela hi kubiha ka nwina, hakuva yona yi na ni vito ga mina.

Genesisi 16:13

Zonake i lo chula a vito ga Jehova loyi a wulawulileko naye aku Nungungulu loyi a Wonako; hakuva i te ngalo: Hakunene nzi wonile loyi a nzi wonako ke?

Joxua 5:13

Ni laha Joxua a nga hi kusuhani ni Jeriko, i lo tlakusa a mahlo yakwe a cuwuka; languta, a wanuna a nga wa yimile mahlweni ka yena na a hi ni tlhari canjeni ga yena; na Joxua i loya ka yena aya ku ngalo: Wena u wa ka hina, kutani u nala wa hina ke? Ekso. 23:23

Mikosi 2:12

Ve ngalo ka vanyine vabye: Zi kwihi a zakuga ni vinya? Va maha lezo na va titivala lomu maruweni ya muti khwatsi hi lava va tlhabyilweko, Na va kari va nyiketa mihefemulo yabye zifuveni za vanyine vabye.

Isaya 40:11

I ta gisa a tlhambi wakwe khwatsi hi murisi; I ta tsombanyisa a tiyivana mawokweni yakwe, A ti rwala laha xifuveni xakwe, A fambisa khwatsi leti ti anwisako. Tis. 23:1; Mika 7:14; Joh. 10:11, 14 Himani a ringanako na Nungungulu?

Mavingu 8:30

Nzi wa hi zinwe naye, kukotisa xigogo xa mitiro zi mu tsakisa siku ni siku, a nzi tsaka xontlhe xikhati mahlweni kakwe;

Genesisi 18:33

Jehova i lo suka a famba laha a nga wa mbhetile ku wulawula na Abrahama; yenawu Abrahama i lo tlhelela kaya kakwe.

Johani 13:23

Kwalaho mezeni a munwe wa vapizani vakwe i wa khegele xifuveni xa Jesu, hi loyi Jesu a nga mu ranza. Xip. 19:26; 20:2

Eksodusi 24:10

Lahasi ka mikonzo yakwe ku wa hi ni xilo xo fanana ni ribye gi vatlilweko ga safira; xi wa ngangamela khwatsi i: tilo.

Johani 3:11

Hizinene nziku ka wena: Hi wula lezi hi zi tivako, hi maha wukustumunyu ga lezi hi zi wonileko, kanilezi a mu amukeli a wukustumunyu ga hina. Mat. 11:27; Xip. 12:49

2 Va le Korinte 4:4

hakuva a nungungulu wa misava leyi i pfhupelisile a kupima ka lava va nga kholwiko, kasi va nga woni a kuwonekela ka ivangeli yo ngangamela ya Kristu, loyi a nga mufananiso wa Nungungulu. Isa. 6:10; Joh. 12:31; 14:30; 16:10; Efe. 6:12; Fil. 2:6; Kol. 1:15; Maheb. 1:3