Johani 1:10 - Tshwa Bible

¹⁰ Gezu gi wa hi kona misaveni, ni misava yi wa mahilwe hi yena, kanilezi misava a yi mu tivangi. Maheb. 11:3

Johani 1:10 Referans Kwoze

Johani 17:25

Dadani wa nongameto, a tiko a gi ku tivangi, kanilezi mina nzi ku tivile; na vona lava va zi tivile lezaku u nzi rumile. Xip. 8:55; 16:3, 27

1 Johani 3:1

Langutani lezaku liranzo la kuyini leli Dadani a hi ranzileko ha lona, lezaku hi vitanwa aku hi vana va Nungungulu; hakuva hi hina vona. A tiko a gi hi tivi, hakuva yenawu a gi mu tivangi. Joh. 1:12; 16:3

1 Va le Korinte 2:8

A wutlhari legi a tihosi ta nguva leyi a ti gi tivi; hakuva loku ti wa gi tivile, ngha ti nga belelangi a Hosi ya kungangamela. Miti. 13:27

1 Va le Korinte 1:21

Hakuva lezi a kutlhariheni ka Nungungulu a misava yi nga kala ku mu tiva Nungungulu hi wutlhari ga yona, zi lo mu xalalisa Nungungulu a ku hanyisa lava va kholwako hi wupumbu ga kukanela ka hina. Lu. 10:21

Mateu 11:27

Zilo zontlhe zi nyikilwe ka mina hi Dadani; a ku na munhu loyi a tivako Nʼwana, sine Dadani yece; hambu ni wa ku tiva Dadani, sine Nʼwana yece, ni wihi loyi a Nʼwana a ranzako ku mu wonekelisa ka yena. Lu. 10:22; Joh. 3:35; 1 Kor. 15:27

Maheberu 11:3

Hi kukholwa ha pima lezaku a misava yi lo vangiwa hi gezu ga Nungungulu, lezaku lezi zi woniwako zi mahilwe hi zilo zi nga wonekiko. Gen. 1:1; Tis. 33:8

Johani 1:18

Nungungulu cima a nga woniwangi hi munhu; a Nʼwana loyi a belekilweko yece, loyi a nga xifuveni xa Dadani, hi yena a hi tivisileko lezi Nungungulu a nga zona. Ekso. 33:20; 1 Joh. 4:9

Johani 1:5

A kuwonekela ku lo woninga munyameni, kanilezi a munyama a wu ku amukelangi.

Mitiro 14:17

Hambu lezo a nga vumalangi Wukustumunyu ka wona, hakuva i lo maha kusaseka, a mu nyika vula hi le tilweni ni tinguva ta mihanzu, a mu anzisela zakuga, a tatisa timbilu ta nwina hi kutsaka. Deut. 11:14; Levi 26:4; Mat. 5:45

Johani 5:17

Jesu i lo hlamula, aku: Dadani wa ha tira ni lezi, na mina nza tira. Xip. 9:4; 14:10

Genesisi 16:13

Zonake i lo chula a vito ga Jehova loyi a wulawulileko naye aku Nungungulu loyi a Wonako; hakuva i te ngalo: Hakunene nzi wonile loyi a nzi wonako ke?

Genesisi 18:33

Jehova i lo suka a famba laha a nga wa mbhetile ku wulawula na Abrahama; yenawu Abrahama i lo tlhelela kaya kakwe.

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Isaya 53:3

I lo nyenyiwa, a aliwa hi vanhu; Munhu wa mihlomulo, a toloveleneko ni kubayiseka; I lo nyenyiwa kota loye vanhu va mu fihlelako tinghohe tabye, A hi mu hlayangi nchumu. Mar. 9:12; Joh. 7:48

Johani 1:3

Zilo zontlhe zi lo mahiwa hi yena; hi lahandle kakwe a ku mahiwangi nchumu xikari ka lezi zi mahilweko.

Johani 1:11

I lota kaya kakwe, kanilezi lava va nga hi vakwe a va mu amukelangi.

1 Va le Korinte 8:6

kasike ka hina i kona Nungungulu munwe, a Dadani loyi zilo zontlhe zi tako hi ka yena; na hina hi nga ka yena; ni Hosi yinwe, yena Jesu Kristu, loyi zilo zontlhe 21 nga kona ha yena, na hina hi kona hi kota ya yena. Miti. 17:28; Efe. 4:6; Fil. 2:11; Kol. 1:16

Va le Kolosi 1:16

Hakuva a zilo zontlhe zi vangilwe ha yena, le tilweni ni laha misaveni, a zilo zi woniwako ni lezi zi nga woniwiko, kutani zitshamu za wuhosi, kutani mifumo, kutani vafumeli va mimoya, kutani mintamu; zontlhe zi vangilwe hi yena, zi vangelwa yena. Joh. 1:3; Rim. 11:36; 1 Ped. 3:22