Joeli 3:2 - Tshwa Bible

² Nzi ta tsombanyisa wontlhe matiko, nzi ma yisa nkoveni wa Jehoxafate, nzi ta va ranisa hi kota ya Israeli, a vanhu va mina ni tshomba ya mina, lava va va hangalasileko xikari ka matiko, va avelana a tiko ga mina.

Joeli 3:2 Referans Kwoze

Zefania 3:8

Hikwalaho nzi rinzeleni, ku wula Jehova, kala a siku lego nzi ta nga vuka ha gona nzi phanga; hakuva a mixuvo ya mina hi ku tsombanyisa a matiko, ni ku tlhanganyisa a mifumo, kasi nza chulela hehla ka yona a zanga ya mina, yontlhe a zanga ya mina yi chavekako, hakuva a misava yontlhe yi ta hiswa hi nzilo wa xiluse xa mina.

Isaya 66:16

Hakuva Jehova i ta lamula hi nzilo, A tsayisa a nyama yontlhe hi supado yakwe; Lava Jehova a ta nga va daya va tava vanyingi. Kuv. 19:20

Ezekieli 38:22

Nzi ta mu lamula hi ntungu ni nkhata; nzi ta nisa a vula hehla kakwe ni mitlawa yakwe ni matiko laʼwo tala ma nga zinwe naye, a vula yo tshisa, ni maralala ya hombe, a nzilo ni solufa.

Kuvululelwa 16:16

A mimoya leyo yi lo tsombanyisa a tihosi wutshanwini legi hi xiHeberu va nge i Har-Magedoni.

Joeli 3:12

Ngha matiko ma vuka, mata nkoveni wa Jehoxafate; hakuva nzi ta tshama kona nzi lamula a matiko wontlhe ma gamekeneko.

Ezekieli 39:11

A siku lego Goge nzi ta mu nyika wutshamu ga xilahla lomu tikweni ga Israeli, wu nga nkova wa vahunzi hi tlhelo ga Mutsuwuka-gambo wa bimbi. Xi ta vala a ndlela ya vahunzi. Lomo ku ta lahlelwa kona Goge ni xidlemo xakwe; wu ta vitanwa ku i Nkova wa Hamoni-goge.

Ezekieli 35:10

Hakuva wena u teku: A mifumo leyi yimbiri ni matiko lawa ya mambiri ma tava ya mina, hi ta ma fumela; kasilezo Jehova i wa hi konawu kwalaho;

Jeremia 25:31

A guwa gi ta zwala kala magumelweni ya misava; Hakuva Jehova i ni zunga ni matiko, I ta lamula nyama yontlhe; I ta nyikela a vabihileko ka supado, ku wula Jehova.

Kuvululelwa 20:8

1 ta huma a ku ya khohlisa a matiko ya mune wa matlhelo ya misava, Gog na Magog, a va tsombanyisela kulwa; lava a ntsengo wabye wu nge khwatsi i seke ga bimbi. Ezek. 38:2; 34:1; Xip. 16:14

Kuvululelwa 16:14

Hakuva mimoya ya madimoni yi mahako zirewukiso, leyi yi yako tihosini ta misava yontlhe yi ya ti tsombanyisela a kulwa ka siku lego ga hombe ga Nungungulu wa Ntamu-wontlhe. 2 Tes. 2:9; Jak. 3:15; Xip. 17:14

Kuvululelwa 16:6

Hakuva va halatile a nkhata wa vobasa ni wa vaprofeti; u va nyikile nkhata a kuva vanwa, va fanele lezo.

Amosi 1:11

Jehova i ngalo: Hi kota ya zionho zinharu za Edome, kutani mune wa zona, nzi nga ta susa a xitsayiso, hakuva i hlongolisile a nakulobye hi supado, a nga mu zweli wuxinji, a simamisa ku zangara, a tshama ni khulo hi masiku. Gen. 27:40; Mitse. 20:20; Isa. 34:5

Ezekieli 36:5

Hikwalaho Hosi Jehova i ngalo: Hakunene nzi wulawulile hi kuhisa ka kupangama ka mina nzi vukela a matiko manwani ni gontlhe tiko ga Edome, lava va ti nyikileko a tiko ga mina a kuva va gi fumela hi migiyo ya timbilu tabye, ni xikanya xa mihefemulo, va gi maha muphango wabye.

Ezekieli 25:8

Hosi Jehova i ngalo: Kota lezi Moabi na Seire va nge ngalo: Langutani, makunu a yindlu ya ka Juda yi fanana ni matiko wontihe; Isa. 15:1; Am. 2:1

Jeremia 49:1

Xungetano ni vana va Amoni, Jehova i ngalo: Israeli a nga na vana ke? a nga na xigatshomba ke? Hikuyini Malkamu a fumelako Gadi, a vanhu vakwe va tshama lomu mitini ya kona ke? 1 Tih. 11:5; Ezek. 21:28; Am. 1:13

Jeremia 12:14

Zakunghahi a wulako Jehova hi vaakelwani va mina vo biha lava va vukelako a tshomba leyi nzi hileko a vanhu va mina a vaIsraeli; Nzi ta va tsuwula tikweni gabye, ni yindlu ya ka Juda nzi ta yi tsuwula xikari kabye.

2 Kronekele 20:26

Hi siku ga wumune va lo tsombana le nkoveni wa Beraka, hakuva laho va lo dumisa Jehova. Hikwalaho a wutshamu lego gi lo chuliwa vito ga Beraka kala nyamutlha.

Kuvululelwa 11:18

A matiko ma lo zangara, kanilezi a zanga ya wena yi chikele, na xona xikhati xa ku lamula vafileko, ni xa ku chachazela a malanza ya wena a vaprofeti, ni vobasa, ni vona lava va chavako a vito ga wena, a vatsongwani ni vahombe, u tlhela u lovisa lava va onhako misava. Dan. 7:10; Xip. 13:10; 19:5

Isaya 66:18

Hakuva nza yi tiva mitiro yabye ni maalakanyo yabye. A xikhati xata laha nzi ta nga tsombanyisa a matiko wontihe ni tirimi; va tata va ta wona kungangamela ka mina.

Jeremia 50:17

Israeli i yivu leyi yi lahlekileko, leyi yi hlongolisilweko hi tinghala. A ku ranga i lo giwa hi hosi ya le Assiria, ku gamela Nebukadrezzare a hosi ya le Babuloni i lo kutsa a marambu yakwe. 2 Tih. 17:5; 25:1

Ezekieli 34:6

A tiyivu ta mina ti pepetseka lomu zitsungeni zontlhe ni lomu migangeni yontlhe. Ina, a tiyivu ta mina ti lo hangalaka misaveni yontlhe; a ku na munhu a ti lavako.

Ezekieli 36:1

Wena nʼwana wa munhu, profeta ka zitsunga za ka Israeli, uku: Nwina zitsunga za ka Israeli, zwanani a gezu ga Jehova!

Joeli 3:14

Hi nga zwani a zidlemo zi tsombanako nkoveni wa kulamula! hakuva a siku ga Jehova gi tshinele le nkoveni wa kulamula.

Mika 4:12

Kanilezi a va ma tivi a maalakenyo ya Jehova, ge hambu ku pima a xikungo xakwe. Hakuva i va hlengeletele kukotisa milumbi le wuhulelweni.