Joeli 3:18 - Tshwa Bible

¹⁸ A xikhatini lexo a zitsunga zi ta dona a vinya, ni miganga yi ta khulunga masi, yontlhe micongwana ya ka Juda yi tava ni mati. Ku ta huma a xibuka hi ndlwini ya ka Jehova xi tsakamisa a nkova wa le Xittimu. Zak. 14:8; Kuv. 22:1

Joeli 3:18 Referans Kwoze

Zakaria 14:8

Hi siku lego a mati ya xibuka xi nga pswhiko ma ta huma Jerusalema, a khihlanya ga wona ma ta khulungela bimbini ga Muhuma-gambo, a ginwani khihlanya gi khulungela bimbini ga Mupela-gambo. Ma tava tano laha ximunwini ni laha wuxikeni. Deut. 11:24; Joh. 4:14; Kuv. 22:1

Isaya 35:6

A zilema zi ta tlula khwatsi i hlangu, Ni tirimi ta timbeveve ti ta yimbelela; Hakuva a mati ma ta khulunga lomu xiwuleni, Ni micongo yi ta khulungela mapanyeni.

Isaya 30:25

Hehla ka zitsunga zontlhe zo leha ni ka minganga yontlhe yo tlakuka ku tava kona micongo ni micongwana ya mati lawa ma khulungako, hi siku ga kudawa ka hombe, laha a makhokhola ma ta ngawa. Ezek. 39:4, 17; Kuv. 19:17

Mitsengo 25:1

Laha va ka Israeli va nga wa tshamile le Xittime, a vanhu va lo bhaya ni vanhanyana va Moabi.

Tisimu 46:4

Wu kona a congo lowu a mati ya wona ma nengelisako a muti wa Nungungulu, A wuakelo go basa ga Loyi a Hunzeleleko Kutlakuka.

Joba 29:6

A xikhatini lexo nzi nga wa hlaza mikonzo ya mina hi mawomba, Ni maribye ma nzi humesela mi congo ya mafura;

Eksodusi 3:8

Nzi relele ku ta va tlhatlhisa mandleni ya vaGipite, ni ku va humesa tikweni lego, nzi va yisa ka tiko ga hombe, go saseka; a tiko ga masi ni wulombe, ka wutshamu ga vaKanani, ni vaHiti, ni vaAmori, ni vaPerezi, ni vaHivi, ni vajebusi. Gen. 15:18

Mika 6:5

Tiko ganga, alakanya a makungo ya Balake a hosi ya le Moabi, ni lezi Balaami a nʼwana Beore a mu hlamuleko zona, ni lezi zi nga humelela kusukela Xittimu kala Gilgale, kasi ma fela ku tiva a mitiro yi lulamileko ya Jehova. Mitse. 22:1—23:1; Jox. 2:1

Isaya 44:3

Hakuva nzi ta nyika mati ka lava va nga ni tora, Ni micongwana a misaveni yi womileko; Nzi ta chulula a Moya wa mina hehla ka vana va wena, Ni xikatekiso xa mina hehla ka mahluke ya wena;

Isaya 45:8

Donelani nwina matilo, Nwina marefu mu chulula kululama. Ngha misava yi vululeka yi milisa kuhanyiswa Ni ku humesa kululama khatiginwe; Mina Jehova nzi zi vangile lezo.

Isaya 55:1

Nwina nwentlhe mu nga ni tora, ngonani matini; Na nwina lava mu nga hava mali, Ngonani mu ta xava mavele muga; Ina, Ngonani mu ta xava mavele ahandle ka mali, Mu kuma vinya ni masi mahala. Mat. 11:28; Joh. 7:37; Kuv. 22:17

Isaya 66:11

Kasi mu ta anwa mu xura Hi mali ya kuchavelelwa kakwe; Kasi mu ta buzela, Mu tsakiswa hi wunyingi ga mavele yakwe.

Jeremia 31:12

Va tata na va yimbelela hi litsako le xitsungeni xa Zioni, Va tsutsumela a wunene ga Jehova; A ka tirigo, ni vinya, ni mafura, A ka tiyivana ni marole; A muhefemulo wabye wu ta fanana ni simu gi tsakamisilweko, Cima va nga ha ta hleleleka kambe.