Joeli 3:17 - Tshwa Bible

¹⁷ Zinghaho mu ta zi tiva lezaku hi mina Jehova a Nungungulu wa nwina, loyi nzi tshamako le Zioni xitsungeni xa mina xo basa. Zonake Jerusalema gi ta basa, a vamatiko va nga ta ha hunza hi gona. Isa. 52:1

Joeli 3:17 Referans Kwoze

Joeli 2:27

Mu ta zi tiva lezaku nzi lomu xikari ka Israeli, ni lezaku hi mina Jehova a Nungungulu wa nwina, ku hava munwani handle ka mina. A tiko ga mina cima gi nga ta kuva ni tingana. Nungungulu i ta chulula a Moya wakwe.

Nahume 1:15

Langutani le hehla ka zitsunga a mikonzo ya loyi a nehako a mahungu yo saseka, loyi a bako nyiwo ya kurula! wena Juda, maha mibuzo ya wena, u tatisa a zifungo za wena, hakuva a wakubiha a nga ta ha hunza hi ka wena i lobyiselwe magumo.

Isaya 52:1

Vuka, vuka, ambala a ntamu wa wena, O Zioni! Ambala a tinguwo: ta wena to saseka, O Jerusalema, wena muti wa kubasa; Kakuva kusukela ka lezi ku nga ta ha enghena ka wena a makhuna ni va nga hlazekangiko. Kuv. 21:27

Kuvululelwa 21:27

Cima ku nga ta enghena ka wona ni xihi xilo xo nyenyeza, hambu ni loyi a mahako manyala ni mawunwa; ku enghena ntsena lava va tsalilweko bhukwini ga wutomi ga Yivana. Isa. 52:1; Fil. 4:3; Xip. 3:5

Isaya 4:3

Zi ta maheka lezaku loyi a seleko le Zioni, ni loyi a seleko le Jerusalema, va ta hlayiwa kota va basileko, vontlhelele lava va tsalilweko bhukwini ga vahanyako le Jerusalema,

Jeremia 31:23

Jehova wa tiyimpi, Nungungulu wa Israeli, i ngalo: Va ha ta wula gezu legi a tikweni ga Juda ni lomu mitini yabye, loku nzi wuyisile lavava nga wukhumbini, vaku: Jehova a ku katekise, wena wuako ga nongameto, Wena xitsunga xi basileko!

Joeli 3:21

Nzi ta fuvisa a milanzu yabye ya nkhata leyi nzi kalako nzi nga se ku yi fuvisa, hakuva Jehova i ta tshama le Zioni.

Zakaria 8:3

Jehova i ngalo: Nzi ta tlhelela Zioni, nziya aka xikari ka Jerusalema. Jerusalema i ta vitanwa ku Muti wu tsumbekileko; a xitsunga xa Jehova wa tiyimpi xi ta vitanwa ku Xitsunga xi Basileko.

Mika 4:7

Lava va khwitako nzi ta va maha misalela, ni lava va hlongolilweko kule nzi ta va maha a mufumo wa ntamu. Jehova i ta va fumela le xitsungeni xa Zioni kusukela lezi kala kupinzuka. Dan. 7:14; Lu. 1:33

Danieli 11:45

I ta gwimba matenda yakwe ya wuhosi xikari ka bimbi ni xitsunga xa kubasa leʼxo saseka nguvu. Kanilezi i taya gumelwa, a nga kona a to mu vunetela.

Ezekieli 48:35

Ku renzelekela kontlhe ku tava 18,000 wa mikono. A kusukela siku lego a vito ga muti gi tava: Jehova i kona laha. Tis. 68:16; Isa. 60:14

Ezekieli 43:12

A nayo wa yindlu hi lowu: A wutshamu gontlhe ga xixungwe xa xitsunga gi tava legi gi hunzeleleko kubasa. Lowu hi nayo wa yindlu.

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Isaya 12:6

Kanyulukani, mu kwanguluka, nwina vaaki va Zioni, Hakuva ngwa hombe a Basileko wa ka Israeli xikari ka nwina.

Tisimu 76:2

A tenda gakwe gi le Salema; Ni wuakelo gakwe gi le Zioni.

Tisimu 9:11

Yimbani tisimu to dumisa Jehova loyi a tshamako le Zioni, Tlhatlhambutelani a mitiro yakwe le matikweni.

Eksodusi 16:12

Nzi zwile kubhonga ka vanana va ka Israeli; va byele uku: Ni gambo mu taga nyama; ni mixo mu ta xura hi zibaba, kasi ma fela ku tiva lezaku hi mina Jehova, Nungungulu wa nwina.

Isaya 11:9

A xitsungeni xontlhe xa mina xa kubasa ku nga ta gohiwa nchumu hambu ku onhiwa, Hakuva ku tiva Jehova ku tava ku enetile misava, Khwatsi hi lezi a mati ma fenengetiieko a kueta ka bimbi.

Isaya 46:13

Nzi tshinetile a kululama ka mina, Ni kuhanyisa ka mina ku nga ta hlwela; Nzi ta veka kuhanyisa ka mina le Zioni, Ni wudzunzo ga mina ka Israeli.

Isaya 56:7

Nzi ta va yisa xitsungeni xa mina xi basileko, Nzi va tsakisa lomu ndlwini ya mina ya mikhongelo; A minyikelo yabye yo hiswa ni miphahlo yabye Yi ta amukeleka ganzelweni ga mina; Hakuva a yindlu ya mina yi ta vitanwa a yindlu ya kukhongela a ka matiko wontihe. 1 Tih. 8:41; Mat. 21:13; Lu. 19:46

Jeremia 31:40

Ni nkova wontihe wa zirumbi ni wa khuma, ni masimu wontihe kala congweni wa Kidroni, ni ku chikela gwitsini ga Livati la mahaxi ngomama wuceni, zi ta basiselwa ka Jehova; ku nga ta ha runzuwulwa hambu ku khungumulwa kala kupinzuka.

Ezekieli 20:40

Hakuva vontlhe va yindlu ya ka Israeli, vontlhe lava va nga lomu tikweni, va ta nzi khozela lomu xitsungeni xa mina xo basa, a xitsunga xo tlakuka xa ka Israeli, ku wula Hosi Jehova. Laho nzi ta va tsakela, nzi amukela kona a minyikelo ya nwina, ni milangelwa ya zinyikiwo za nwina, ni zontlhe lezi mu zi basiselako mina.

Ezekieli 37:6

Nzi ta vekela misiha ka nwina, nzi milisa a nyama hehla ka nwina, nzi mu fenengeta hi hlonge, nzi enghenisa moya nzeni ka nwina, mu ta hanya; mu ta zi tiva lezaku hi mina Jehova.

Ezekieli 44:9

Hosi Jehova i ngalo: A ku na wamatiko xikari ka vanana va ka Israeli, loyi a nga khuna mbilwini ni nyameni, a ta nga enghena wutshanwini ga mina ga kubasa.

Danieli 9:16

Hosi, hi kota ya kululama ka wena kontlhe, hi nga susa a zanga ya wena ni khulo ga wena mutini wa Jerusalema, a xitsunga xa wena xa kubasa. Hakuva Jerusalema ni vanhu va wena va mahile xiruko ka vontlhe lava va hi ranzeleko hi kota ya zionho za hina ni zigoho za vadadani va hina.

Joba 15:19

Lava a tiko gi nyikelweko ka vona voce, Na ku nga hi na wa matiko a enghenileko kikari kabye.