Joeli 2:31 - Tshwa Bible

³¹ A gambo gi ta pfhupeliswa, a hweti yi hunzuka yi maha nkhata, na gi nga se nga chikela a siku lego ga hombe go tshisa ga Jehova.

Joeli 2:31 Referans Kwoze

Mateu 24:29

Loku ku mbhelile a kuxaniseka ka lawo masiku; a gambo gi ta pfhupeliswa, ni hweti yi nga ta humesa a kuwoninga ka yona, ni tinyeleti ti tawa hi le tilweni, ni mintamu ya matilo yi ta tsekatsekiswa, Isa. 13:10; Ezek. 32:7; Am. 5:20; Joeli 2:10; Lu. 21:25

Malaki 4:5

Langutani, nzi ta mu rumela muprofeti Elija hi mahlweni na gi nga se kuta a siku ga Jehova, leʼga hombe gi chavisekako. Mat. 11:14; Mar. 9:11; Lu. 1:17

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Joeli 3:15

A gambo ni hweti zi pfhupelisilwe, ni tinyeleti ta timeka.

Joeli 2:10

A misava yi rurumela mahlweni kabye, a matilo ma tsekatseka; a gambo ni hweti za pfhupeliswa, a tinyeleti ta timeka.

Luka 21:25

Ku tava kona a ziwoniso le gambyeni, ni le hwetini, ni le tinyeletini; ni laha misaveni a vamatiko va ta xaniseka, va kanganyiseka hi kota ya kudzinza ka bimbi ni mabyandlati. Mat. 24:29; Mar. 14:12

Joeli 3:1

Hakuva masikwini lawo, ni ka xikhati lexo nzi ta tlhelisela a vabohiwa va ka Juda ni va le Jerusalema.

Mateu 27:45

A kusukela hora ya wuntlhanu ni yinwe ku wa hi ni munyama misaveniyontlhe ku kala a hora ya wuntlhanu ni mune. Am. 8:9; Lu. 23:44

Mitiro 2:20

A gambo gi ta pfhupeliswa, A hweti yi hunzuka yi maha nkhata, Na gi nga se nga chikela a siku ga Hosi, Legi ga hombe ni gi dumileko. Mat. 24:29

Kuvululelwa 8:12

Ni ngelosi ya wumune yi loba mpunzu wa yona, ku biwa xipanze xa wunharu xa gambo, ni xipanze xa wunharu xa hweti, ni xipanze xa wunharu xa tinyeleti; lezaku a xipanze xa wunharu xa zona xi phumiswa, a hlikanhi wu vumala a xipanze xa wunharu xa kuwonekela ka wona, ziva tano ni wusiku. Isa. 13:10; Am. 8:9

Jeremia 4:28

Hi kota ya lezo a misava yi tava ni nkosi, Ni matilo ya le hehla ma ta boha xilenda; Hakuva mina nzi zi wulile, nzi sina nzi xuvile lezo; Nzi nga ta hunzuluka, hambu ku tlhelela nzhako.

Ezekieli 32:7

Laha nzi ta nga ku tima nzi ta phumisa tilo, Nzi pfhupelisa a tinyeleti ta gona; Nzi ta fenengeta a gambo hi refu, A nweti wu nga ta woninga. Joeli 2:10, 31; Mat. 24:29; Lu. 21:25

Joeli 2:1

Banani mpunzu le Zioni, banani tinyandayeyo xitsungeni xa mina xa kubasa! A va rurumele vontlhe vaaki va tiko, hakuva a siku ga Jehova gata, gi laha kusuhani. Isa. 13:9

Joeli 2:2

I siku ga munyama ni kuphuma, a siku ga marefu ni munyama wu phumileko, gata khwatsi wuronga gi wonekako xitsungeni. Vata a vanhu va tiko ga hombe ga ntamu, legi ni kale a ku na ngava kona go fanana nago, ge hairibu ni nzhako ka gona ku nga ta kuva kona go fanana nago, kala ka malembe ni malembe ya zizukulwana.

Joeli 2:11

Zonake Jehova wa zwata a gezu gakwe mahlweni ka yimpi yakwe, hakuva a wugovelo gakwe ga hombe nguvu, hakuva i na ni ntamu loyi a mahako kulaya kakwe. A siku ga Jehova ga hombe, ga chavisa nguvu; himani a nga gi tiyelako?

Zakaria 14:6

A siku lego, a kuwonekela ku nga tava kona, a ziwoningo za tilo zi ta pfhupeliswa.