Joba 9:4 - Tshwa Bible

⁴ Loyi a nga ni wutlhari ga mbilu, i nhenha; Himani loyi a ti nonohisileko, a mu vukela, a simamisa ku vuvuma ke?

Joba 9:4 Referans Kwoze

Joba 36:5

Languta, Nungungulu i na ni ntamu, kanilezi a nga nyenyi munhu; I kulile ntanwini wa wutlhari.

Va le Efesusi 3:20

Makunu ka yena loyi a zi kotako ku maha nguvunguvu ku hunza zontlhe lezi hi zi kombelako, kutani ku alakanya, hi ntamu lowu wu tirako ka hina,

Va le Efesusi 3:10

Nungungulu i wa xuva lezaku a wutlhari gakwe ga ginyingi gi fela ku tiviswa hi bandla ka mintamu ni tihosi ta le tilweni, 1 Kor. 2:7; 1 Ped. 1:12; 3:22

Mavingu 29:1

Loyi a khanzakanyako ku kawukwa, a nonohisa nhamu, ta lobyiswa xikanwe, cima a nga ta hawukelwa.

Joba 9:19

Hi ku kumbuka ntamu, languta, hi yena Nyamintamu; Loku ku hi nongameto, i ngalo: Himani a to nzi ranisa?

Va le Efesusi 1:19

ni lezaku wu kulisile kuyini a ntamu wakwe ka hina lava hi kholwako, kukotisa a kutira ka ntamu wakwe wa hombe, Kol. 1:29

Va le Efesusi 1:8

leti a nga ti anzisa ka hina hi kutlhariha kontlhe ni kupima.

1 Va le Korinte 10:22

Xana ha yi vuxela xiluse a Hosi ke? Xana ha yi hunza hi ntamu ke? Ekso. 22:14

Va le Roma 11:33

Mangabye a kueta ka kufuma ni kutlhariha ni wutivi ka Nungungulu! A kulamula kakwe a ku na ku pimiwa, ni tindlela takwe a ti na ku tibyiwa.

Danieli 2:20

aku: A gi khesiwe a vito ga Nungungulu kala kupinzuka, hakuva a wutlhari ni ntamu zi hi zakwe.

Mavingu 28:14

I katekile a munhu loyi a nga ni livalo xontlhe xikhati; anilezi loyi a nonohisako a mbilu yakwe i ta wela khombyeni.

Tisimu 136:5

Loyi a nga maha matilo hi wutlhari, Hakuva a wuxinji gakwe ga kala kupinzuka.

Tisimu 104:24

Jehova, yi talisile kuyini a mitiro ya wena! U yi mahile yontlhe hi wutlhari; A misava yi tele hi zivangwa za wena.

Joba 40:9

U na ni woko gi fananako ni ga Nungungulu ke? A gezu ga wena gi nga dzinza ku fana ni gakwe ke?

Joba 12:13

Nungungulu i na ni wutlhari ni ntamu, I na ni wusungukati ni kupimisisa.

Joba 11:6

I wa ta ku kombisa mifihlakalo ya wutlhari, Legi gi wuyetako ha kambiri lezi u zi tivisako zona. Hikwalaho zi tive lezaku Nungungulu a nga ku tsayisi ku ringana ni kugoha ka wena.

Joba 6:10

Zonake nzi wa ta tangala, Ina, nzi wa ta tsaka zikaratweni za mina, Hakuva a nzi kanetangi a timhaka ta a Basileko.

2 Kronekele 13:12

Makunu langutani, Nungungulu i na hina a hi rangela, zinwe ni vapristi vakwe, ni mipunzu leyi Va bako kasi ku mu hangalasa. O, va ka Israeli, mu nga hlomi yimpi muiwa na Jehova Nungungulu wa vararu va nwina, hakuva cima mu nga ta hlula.

Joba 23:6

I wa ta nzi holovela hi ntamu wakwe wa hombe ke? Ge, kanilezi i wa ta nzi ingisa.

Joba 24:22

Hizona, kanilezi Nungungulu wa lehisa hi ntamu wakwe a masiku ya lava va nga ni lunya, Va vuka na va nga tsumbangi lezaku va ta hanya.

Joba 25:2

A kufuma ni kuchabyiwa zi ka Nungungulu; Wa vanga kurula matshanwini yakwe ma tlakukileko.

Joba 28:23

Nungungulu wa tiva a ndlela yi yako ka gona, Wa tiva ni laha gi tsamako kona. Jak. 1:5

Joba 37:23

Hi ku kumbuka Nyamintamu, hi nga kala hi nga mu kumi: I na ni ntamu wa hombe ni nongameto, i tele hi kululama, Cima a nga hlokisi.

Joba 38:36

Himani a vekileko wutlhari marefini yo phuma, Himani a nyikileko a kutiva ka nyeleti yi tsutsumako?

Joba 38:37

Himani a nga hlayako marefu hi wutlhari ke? Himani a chelako tinghotso ta le tilweni,

Jeremia 50:24

Nzi ku dembele ziyo, u phasilwe wena Babuloni na u nga zi tivi. U kumilwe ni ku khomiwa, hakuva u lwile na Jehova.

Eksodusi 9:7

Faro i lo wutisisa hi lezi zi mahekileko, kanilezi i lo kuma lezaku cima a ku fangi hambu ni xifuyo xinwe lomu mitlhambini ya vanana va ka Israeli. Hambu lezo a mbilu ya Faro yi lo nonoha, cima a nga va tlhatlhangi a vanana va ka Israeli va famba.

Eksodusi 15:7

Hi wukulu ga wuhosi ga wena, Wa hangalasa lava va ku vukelako; U humesa a zanga ya wena, Yi va hisa kota byanyi.

2 Kronekele 20:6

aku: Jehova Nungungulu wa vadadani va hina, a hi wena Nungungulu wa le tilweni ni mufumeli wa matiko wontihe ke? Canjeni ga wena ku na ni ntamu ni wunhenha; a nga kona munhu a zi kotako kulwa na wena.

Joba 15:13

Laha kaku wena u hunzula a moya wa wena wu vukela Nungungulu, Ni nomu wa wena wu humesa a timhaka ta kunghaho?

Joba 41:2

U nga zi kota ku enghenisa a goronyi nhovini ya yona ke? Kutani a ku phondlisa a hlaya wa yona u enghenisa a sinza ke?

Isaya 45:9

Khombo ka loyi a phikizanako ni Mumahi wakwe, U nga hlaza xikari ka tihlaza ta wumba. Xana a wumba gi nga wula ka muwumbi, giku: Xini u mahako? Kutani i ntiro wa wena, wu nga wula, wuku: U hava mandla. Jer. 18:6; Rom. 9:20

Nahume 1:3

Jehova wa nonoka ku zangara, ngwa hombe ntanwini wakwe, a nga ta tsiketa nanzu. A ndlela ya Jehova yi lomu ka xipupuri ni ka bhubhutsa, a marefu i tsutsungwani wa mikonzo yakwe. Ekso. 34:6; Mitse. 14:18; Neh. 9:17