Joba 2:5 - Tshwa Bible

⁵ Hi nga nawuluta a canja ga wena, u khumba marambu yakwe ni nyama yakwe, na yena i ta ku rukatela kuwoneni ka wena.

Joba 2:5 Referans Kwoze

Joba 1:11

Kanilezi hi nga nawuluta a canja ga wena, u khumba zontlhe lezi a nga nazo, na yena i ta ku rukatela kuwoneni ka wena.

Joba 1:5

Loku va hetile mibuzo yabye, Joba i wa va vitana a ta va basisa; a vuka ni mixo a ya nyikela munyikelo wa kuhiswa, maringano ni tsengo wabye vontlhe, hakuva Joba i waku: Kutani a vana va mina va onhile, va tsika Nungungulu lomu timbilwini tabye. Joba i wa maha lezo xontlhe xikhati.

Levi 24:15

U ta byela a vanana va ka Israeli, uku: Kani hi wihi a rukatelako Nungungulu wakwe, i ta rwala a kuonha kakwe.

Isaya 8:21

Va ta pepetseka tikweni, va xaniseka ni kuzwa ndlala; ni loku vazwa ndlala va ta zangara, va rukatela hosi yabye ni Nungungulu wabye.

Tisimu 39:10

U nga ha nzibi; Nza mbhela ntamu hi kuba ka canja ga wena.

Joba 2:9

Zonake a sati wakwe aku kakwe; Wa ha simamisile kululameni ka wena ke? Rukatela Nungungulu, ufa!

1 Kronekele 21:17

Davida i te ngalo ka Nungungulu: A hi mina nzi rumisileko lezaku ku hlayiwa vanhu ke? Hi mina nzi onhileko, nzi mahileko kubiha ka hombe nguvu; kanilezi a tiyivu leti, xini ti mahileko? Jehova Nungungulu wa mina, ngha a canja ga wena gi hi hehla ka mina, ni hehla ka yindlu ya raru wa mina; ngha gi nga hi hehla ka vanhu va wena gi va daya!

Kuvululelwa 12:10

Nzi lozwa a gezu ga hombe le tilweni, giku: Makunu ku chikele a kuhanyiswa, ni ntamu, ni mufumo wa Nungungulu wa hina, ni ntamu wa Kristu wakwe; hakuva a muranisi wa vamakabye va hina i hoxilwe lahasi, loyi a nga va ranisa mumu ni wusiku mahlweni ka Nungungulu wa hina. Joba 1:9; Zak. 3:1; Xip. 11:15

Levi 24:11

A nʼwana wa wasati wa muIsraeli i lo xanza ni ku rukatela a Vito ga Nungungulu; zonake va lo mu neha ka Mosi. A vito ga mamani wakwe i wa hi Xelomite, nʼwana wa Dibri, wa lixaka la ka Dani.

Joba 2:4

Satani i lo hlamula Jehova, aku: Hlonge hi hlonge! Ina, zontlhe lezi munhu a nga nazo i ta zi humesela wutomi gakwe.

Joba 2:6

Jehova aku ka Satani: Languta, i le mandleni ya wena, ntsena lezaku u nga lovisi wutomi gakwe.

Isaya 65:3

I tiko legi gi nzi zangarisako xontlhe xikhati Hi ku phahlela lomu masinwini, Ni ku hisa tibani hehla ka ma alati ya zitini;

Joba 1:12

Jehova aku ka Satani: Languta, zontlhe a nga nazo zi le ntanweni wa wena; ntsena lezaku u nga yisi a canja ga wena mirini wakwe. Zonake Satani i lo suka kuwoneni ka Jehova.