Joba 11:6 - Tshwa Bible

⁶ I wa ta ku kombisa mifihlakalo ya wutlhari, Legi gi wuyetako ha kambiri lezi u zi tivisako zona. Hikwalaho zi tive lezaku Nungungulu a nga ku tsayisi ku ringana ni kugoha ka wena.

Joba 11:6 Referans Kwoze

Ezra 9:13

Kota lezi hi humelweko hi makhombo yo tala, hi kota ya zimaho za hina za kubiha, ni milanzu ya hina ya hombe, na hi wona lezaku wena Nungungulu wa hina a ku hi tsayisangi maringano ni kuonha ka hina, kanilezi u hi lonzowotela misalela ya kunghahi,

Mikosi 3:22

Tipswalo ta Jehova lezaku hi nga se lova, Hakuva a wuxinji gakwe a gi mbheli.

Va le Efesusi 3:5

lowu wu nga kala ku tiviswa ka vanhu va zizukulwana zinwani, kota lezi ku vululelweko hi Moya ka vapostoli vakwe vo basa ni vaprofeti; Miti. 10:28

Mateu 13:35

Kasi ku fela ku tatiseka lezi zi nga kanelwe hi muprofeti, aku: Nzi ta vulula nomu wa mina hi mifananiso; Nzi ta humesela a timhaka ti fihlilweko hi kusanguleni ka tiko. Tis. 78:2; 1 Kor. 2:7; Efe. 3:9

Danieli 2:28

Kanilezi i kona Nungungulu le tilweni loyi a tsetsulako a mifihlakalo, hi yena a tivisileko hosi Nebukadnezzare lezi zi ta nga maheka masikwini ma ha tako. A noro wa wena ni miwoniso leyi u yi wonileko sangweni ga wena, hi lezi:

Joba 15:8

U na ngazwa a xikungo xa Nungungulu ke? A wutlhari ga wena wece ke? Rom. 11:34; 1 Kor. 2:16

Danieli 2:47

A hosi yiku ka Danieli: Hakunene, a Nungungulu wa nwina i Nungungulu wa vanungungulu ni Hosi ya tihosi; mutsetsuli wa mifihlakalo, kota lezi u zi kotileko ku tlhamusela a fihlakalo lowu.

Tisimu 25:14

Jehova i na ni wuhlengeli ni lava va mu chavako, I ta va tivisa a xivumelwano xakwe.

Joba 15:11

Kasi wa nyenya chavelelo wa Nungungulu, Ni magezu yo olova lawa u khongotelwako ha wona ke?

Joba 15:5

Hakuva a nomu wa wena wu wulawula kugoha ka wena; Wena wa wulawula a magezu ya lava va nga ni wucunguhungu.

Joba 9:4

Loyi a nga ni wutlhari ga mbilu, i nhenha; Himani loyi a ti nonohisileko, a mu vukela, a simamisa ku vuvuma ke?

Deuteronome 29:29

A zilo lezi zi fihleleko za Jehova Nungungulu wa hina, kanilezi a zilo lezi zi wonekako za hina ni vanana va hina kala kupinzuka, kasi ha fela ku maha tontlhe timhaka ta lowu nayo. Tis. 147:19

Tisimu 103:10

A nga hi maheli nchumu hi lipimo la zionho za hina, Ge hambu ku hi tlhelisela maringano ni zigoho za hina.

Joba 28:28

Ni ka munhu i te ngalo: Languta, a ku chava Hosi hi gona wutlhari; Ni ku huma kubiheni hi kona kupimisisa.

Joba 11:5

O, loku ku wo khwatsi Nungungulu wa wulawula, A vulula nomu wakwe a ku hlamula!

Joba 12:13

Nungungulu i na ni wutlhari ni ntamu, I na ni wusungukati ni kupimisisa.

Joba 22:5

A kubiha ka wena a hi ka hombe ke? Ni zigoho za wena a hi za simasima ke?

Joba 33:12

Languta, nzi ta ku hlamula, a ka lezo wa hoxisa; Nungungulu ngwa hombe ku hunza munhu.