Joba 1:10 - Tshwa Bible

¹⁰ A hi lezi u mu vikelako, yena ni yindlu yakwe, ni zilo zontlhe zakwe ke? U katekisile a ntiro wa canja gakwe, ni mitlhambi yakwe yi lo anza laha tikweni.

Joba 1:10 Referans Kwoze

Tisimu 34:7

A ngelosi ya Jehova yi gova yi ranzela lava va mu chavako, Yi va tlhatlhisa. Gen. 32:1; 2 Tih. 6:17

Zakaria 2:5

Hakuva mina, ku wula Jehova, nzi tava a ligingisi la nzilo lowu wu ta nga gi bhiyela, nziva kungangamela xikari ka gona.

1 Pedro 1:5

nwina lava mu hlayiswako hi ntamu wa Nungungulu hi kukholwa, kasi ma kuma a kuhanyiswa loku ku longileko ku wonekeliswa xikhatini xo gumesa. Joh. 10:28

Mavingu 10:22

A zikatekiso za Jehova za fumisa munhu; ima a nga engeteli wusiwana ha zona.

Zakaria 2:8

Hakuva Jehova wa tiyimpi i ngalo: Anzhako ka kungangamela i nzi rumile ka matiko lawa ma ku hlaseleko, hakuva loyi a mu khumbako i khumba a nzololwani ya tihlo gakwe.

Joba 31:25

Loku nzi tsakile hi kufuma ka mina ka hombe, Ni hakuva a canja ga mina gi kumileko zinyingi;

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

Tisimu 107:38

A va katekisa, va anza nguvu, A nga hunguli a tsengo wa zifuyo zabye. Deut. 30:9

Tisimu 90:17

Ngha a tipswalo ta Jehova, Nungungulu wa hina, tiva hehla ka hina! Hi tiyiseta a ntiro wa mandla ya hina; Ina, wu tiyise a ntiro wa mandla ya hina.

Deuteronome 7:13

na yena i ta ku ranza, a ku katekisa, a ku anzisa; na yena i ta katekisa a pswalo wa rumbu ga wena, ni ku katekisa mihanzu ya masimu ya wena, ni mavele ya wena, ni vinya ga wena, ni mafura ya wena, ni kupswala ka tihomu ta wena ni tiyivu ta wena, ka tiko legi a hlambanyileko ka vararu va wena ku ku nyika gona.

Genesisi 26:12

Isaka i lo, rima ka lego tiko, a kuma hi ka zana lego lembe, hakuva Jehova i lo mu katekisa.

Isaya 5:5

Nzi ta mu byela lezi nzi ta nga maha ka xivina xa mina: Nzi ta susa libhingo la xona li hiswa, Nzi ta khungumula a tigingisi la xona, ti kanzihelelwa.

Isaya 5:2

I lo xi rima, a susa maribye, A byala ka xona a mavina ma hlawulekako; A aka a tshala xikari ka xona, A xi vatlela a xigayo xa vinya. I lo tsumba lezaku xi ta pswala a mauva yo nanziha, Kanilezi xi lo pswala mauva yo bava.

1 Samueli 25:16

Vona va wa hi libhiyo la hina wusiku ni mumu, ka xontlhe xikhati lexo hi nga hi zinwe navo na hi kari hi risa zifuyo.

Deuteronome 33:27

Nungungulu wa pinzukelwa mbuchavelo ga wena, Ni laha hasi ku fumela a mawoko yakwe ya pinzukelwa. I hlongolile a valala mahlweni ka wena, A ku ngalo: Lovisa!

Tisimu 71:21

U ta anzisa a wukulu ga mina, U tlhela u nzi tangalisa.

Joba 42:12

Zinghaho Jehova i lo katekisa magumo ya Joba ku hunza masangulo yakwe: hakuva i wa hi ni 14,000 wa tiyivu, ni 6,000 wa makameli, ni 1,000 wa mipatswa ya tikavi, ni 1,000 a mapswele ya timbongola.

Genesisi 49:25

Hi ntamu wa Nungungulu wa raru wa wena, loyi a ta nga ku vuna; Ni wa Ntamu-Wontlhe loyi a ta nga ku katekisa Hi Xikatekiso za le tilweni le hehla, Ni zikatekiso za lomu kueteni laha hasi, Ni zikatekiso za mavele ni za nyimba.

Genesisi 30:43

Loyi munhu i lo anza nguvu, hi kuva ni mitlhambi yo tala, ni malanza ya xinuna ni ya xisati, ni makameli ni timbongola.

Genesisi 30:30

Hakuva ti wa hi titsongwani leti u nga wa hi nato na nzi nga se kuta mina, makunu lezi ti anzile nguvu ti tele; Jehova i ku katekisile hi kuta ka mina; makunu hi rini nzi ta nga tirela a wa mina ngango ke?

Tisimu 80:12

Hikuyini u hahlulako a lihlavu la yona, Lezaku yi khayiwa hi vontlhe vahunzi ke?

Tisimu 5:12

Hakuva wena Jehova u katekisa loyi a lulamileko, U mu vikela hi wuxinji ga wena khwatsi xitlhangu.

Joba 29:6

A xikhatini lexo nzi nga wa hlaza mikonzo ya mina hi mawomba, Ni maribye ma nzi humesela mi congo ya mafura;

Deuteronome 33:11

O Jehova, katekisa ntamu wakwe, U amukela mitiro ya mandla yakwe. Lamata mihlana ya valala vakwe, ni ya lava va mu vengako, Kasi va fela ku kala va nga ha suki kambe.

Genesisi 39:5

Ku suka hi laha na a mu yimisile a kuva muhlayisi wa yindlu yakwe ni zontlhe lezi a nga hi nazo, Jehova i lo katekisa a yindlu ya muGipite hi kota ya Josefa; a zikatekiso za Jehova zi wa hi hehla ka zontlhe lezi a nga hi nazo, lomu ndlwini ni le masinwini.

Joba 1:3

Ni tshomba yakwe yi wa hi 7,000 wa tiyivu, ni 3,000 wa makameli, ni 500 wa mipatswa ya tikuzi, ni 500 va mapswele ya timbongola, ni maanza yo tala; hikwalaho a munhu oye i wa hi wa hombe ka vontlhe vanhu va le tikweni ga Mutsuwuka-gambo.

Joba 29:2

O, loku ku wo khwatsi nzi tlhelele tihwetini ta kaleloko, A ku khwatsi hi masikwini lawo Nungungulu a nga nzi hlayisa;