Joba 1:1 - Tshwa Bible

¹ Ku wa hi kona a munhu wo kari le tikweni ga Uzi, a vito a nga hi Joba; i wa hi munhu a nga wa mbhelele kululameni, loyi a nga chava Nungungulu, a nyenya kubiha.

Joba 1:1 Referans Kwoze

Jakobe 5:11

Hi ngalo: Va katekile lava va nga timisela. Mu zwile hi kutimisela ka Joba, mu wonile a kugumelwa ka Hosi; hakuva a Hosi yi tele hi ku zwela wusiwana ni wuxinji. Mitse. 14:8; Joba 1:21; Tis. 103:8

Ezekieli 14:14

hambu loku a vavanuna lava vanharu, a va Noa na Danieli na Joba, va wa tshamile xikari ka gona, va wa ta ponisa a wutsumbu gabye ntsena hi kululama kabye, ku wula Hosi Jehova.

Ezekieli 14:20

nza hlambanya hi kuhanya ka mina, ku wula Hosi Jehova, lezaku hambu loku va Noa na Danieli na Joba va wa hi ka gona, ngha va nga ponisi a nisanyana hambu a nhanyana, va wa ta ponisa a wutsumbu gabye ntsena hi kululama kabye.

Joba 28:28

Ni ka munhu i te ngalo: Languta, a ku chava Hosi hi gona wutlhari; Ni ku huma kubiheni hi kona kupimisisa.

Joba 2:3

Jehova aku ka Satani: U na nga wona nanza ga mina Joba ke? Hakuva a nga kona wa ku fana na yena laha misaveni, loyi a mbheleleko kululameni, loyi a chavako Nungungulu, a nyenya kubiha. Wa ha tiyisile kululameni kakwe, hambu lezi wena u nzi kuceteleko ku mu vukela, nzi mu lovisa ahandle ka nanzu.

Joba 1:8

Jehova aku ka Satani: U na nga wona nanza ga mina Joba ke? Hakuva a nga kona wa ku fana na yena laha misaveni, loyi a mbheleleko kululameni, loyi a chavako Nungungulu, a nyenya kubiha.

Genesisi 6:9

Leti hi timhaka ta Noa. Noa i wa hi munhu a lulamileko, a nga hi na nanzu xikhatini xakwe; Noa i lo famba zinwe na Nungungulu. Maheb. 11:7; 2 Ped. 2:5

Luka 1:6

Hi wumbiri gabye va wa lulamile mahlweni ka Nungungulu, va gonga yontlhe milayo ni zileletelo za Hosi, va nga hi na nanzu. Gen. 11:1

Mavingu 8:13

A ku chava Jehova ku venga kubiha; ina nza venga matshanza, kutikulisa, ni mahanyela yo biha, i nomu wu khohlakalisako.

Genesisi 22:12

Yiku ngalo: U nga tlhateki a canja ga wena ka mufana, u nga mahi nchumu ka yena; hakuva makunu nza zi tiva lezaku wa mu chava Nungungulu, lezi u nga kala ku ala ni nʼwana wa wena wa munwe. Jak. 2:21

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Mikosi 4:21

Tsaka u nengela, wena nhwana wa Edome, loyi u akileko tikweni ga Uzi; Wenawu u ta hiwa a gombe, u ta popiwa, u tirunzuwulela tinguwo u sala ximbyiri.

Mavingu 16:6

A kugoha ka vinyiwa hi wuxinji ni zinene; i ku chava Jehova a vanhu va huma kubiheni.

2 Tihosi 20:3

Jehova, alakanya lezaku mina nzi fambile khwatsi mahlweni ka wena hi kululama, ni mbilu yi longamileko, nzi maha kusasa mahlweni ka wena. Hezekia i lo rila a tsikwila.

1 Pedro 3:11

Ngha a fularela a za kubiha, a maha kusaseka; A lave kurula, a ku lanzela. Isa. 1:16, 17

Jeremia 25:20

ni valuveli va kona; ni tihosi tontlhe ta tiko ga Uzi, ni tihosi tontlhe ta tiko ga maFilistia, ni Askeloni ni Gaza, ni Ekroni ni salela wa Axdodi;

1 Kronekele 1:42

A vana va Ezeri: Bilhani, na Zavani, na Jaakana. A vana va Dixani: Uza na Arana.

1 Kronekele 1:17

A vana va Xemi: Elame, na Asure, na Arpaxade, na Luda, na Arame, na Uza, na Hule, na Geteri, na Mexeke.

Eksodusi 18:21

Kanilezi hlawula xikari ka vanhu vontlhe a vavanuna lava va va nene, lava va chavako Nungungulu, a vavanuna lava va lulamileko, lava va vengako bhinzu legi gi nga lulamangiko; u va yimisa a kuva tinduna ta mazanazana, ni ta zana, ni ta ntlhanu wa makume, ni ta makume; Mitse. 11:16; Deut. 1:13

Genesisi 36:28

A vana va Dixani hi lava: Uza na Arana.

Genesisi 10:23

A vana va Arame hi Uza, na Hule, na Geteri, na Maxe.

Genesisi 42:18

Zonake hi siku ga wunharu, Josefa aku kabye: Mahani lezi mu ta hanya, hakuva nzi munhu nzi chavako Nungungulu.

Deuteronome 18:13

Wena u ta mbhelela mahlweni ka Jehova Nungungulu wa wena.

Joba 4:6

A wukhongeli ga wena a hi kona kutsumba ka wena ke? A kulongama ka tindlela ta wena a hi kona a kutsumba ka wena ke?

Joba 9:21

Nzi lulamile, a nzi khataleli kuhanya ka mina, Mina nzi solisa a wutomi ga mina.

Mavingu 3:7

U nga ti hlayi lezaku u tlharihile, hava Jehova, u huma kubiheni. Isa. 5:21; Rom. 12:16

Mavingu 14:2

Loyi a fambako hi kululama wa chava Jehova; anilezi loyi a nga tindleleni to gombonyeka wa mu nyenya.

Mavingu 14:16

Loyi a tlharihileko wa chava, a huma kubiheni; anilezi a xipumbu xi honisa xi ti tsumba.

Mavingu 16:17

A gonzo ga valulamileko hi ku huma kubiheni; oyi a hlayisako ndlela yakwe wa lonzowota muhefemulo wakwe.

Mavingu 20:7

A munhu nene i famba kululameni kakwe; a katekile a vana vakwe va mu lanzelako.