Jeremia 9:7 - Tshwa Bible

⁷ Hikwalaho, ku wula Jehova wa tiyimpi, Nzi ta va nyekisa, nzi va hlota; Hakuva nzi nga mahisa kuyini hi nhwana wa vanhu va mina ke?

Jeremia 9:7 Referans Kwoze

Isaya 1:25

Nzi ta tlhateka canja ga mina hehla ka wena, nzi hluta a manyelo ya wena, nzi humesa hi ka wena a xiketse xi nga basiswangiko.

Malaki 3:3

I ta tshama a nyekisa ni ku basisa a siliva; i ta basisa a vana va ka Levi, a va hluta khwatsi i nzalama ni siliva, zonake va ta humesa minyikelo ka Jehova hi nongameto.

Jeremia 6:27

Nzi ku vekile a kuva mukambi wa tiko ga mina, ni kuva khokhola; lezaku u tiva ni ku ringa a kufamba kabye.

Isaya 48:10

Languta, nzi ku hlutile, kanilezi a nzi kumangi siliva; Nzi ku ringile lomu mpingweni ga hlokiselelo.

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6

1 Pedro 4:12

Varanzekako, mu nga dzukiswi hi nzilo lowu wu nga xikari ka nwina lowu wu tako ku ta mu ringa, aku khwatsi xilo xiswa xi mu humeleleko. 1 Kor. 3:13

1 Pedro 1:7

leyi mu ringiwako hi yona kasi ku hlolwa a kukholwa ka nwina, loku ku nga ni tsengo wa hombe ku hunza nzalama leyi yi lovako, hambu loku yi hlohlwe hi nzilo, lezaku ku fela ku kumeka na ku hi ni kudzunzwa ni kukhesiwa ni wudumo hi siku ga kuwonekeliswa ka Jesu Kristu; Tis. 66:10; Zak. 13:9; Jak. 1:12

Jeremia 31:20

Xana Efraime hi nwananga a ranzekako ke? a xiranzwa hi mbilu ke? Hakuva hambu loku nzi mu vukela nza mu khumbula hi ku tlula mpimo; A marumbu ya mina ma divitana hi kota ya yena, Futsi, nzi ta mu hawukela, ku wula Jehova.

2 Kronekele 36:15

Jehova Nungungulu wa vadadani vabye i wa va layile zikhati zinyingi hi mitsumi yakwe, hakuva i wa hawukela a vanhu vakwe ni wutshamu gakwe.

2 Samueli 13:26

Zonake Absalome i te ngalo: Kanilezi loku u tsanzeka wena, nza kombela lezaku nzi famba ni nakulori Amnoni. A hosi yiku: Kasi ku fela kuyini?

Tisimu 55:22

Rula a nzhwalo wa wena ka Jehova, i ta ku seketela, Cima a nga ta vumela loyi a lulamileko a ku tsekatsekiswa. Mat. 6:25; Lu. 12:22; 1 Ped. 5:7

Tisimu 62:5

Muhefemulo wa mina, langutela Nungungulu yece, Hakuva a kutsumba ka mina kuta hi ka yena.

Tisimu 120:4

Hi tigalala to kariha ta tinhenha, Zinwe ni makhala ya xonge.

Isaya 59:3

Hakuva a mandla ya nwina ma nyenyezisilwe hi nkhata, Ni titiho ta nwina ti nyenyezisilwe hi kugoha, A milomu ya nwina yi wulawula mawunwa, Ni tirimi ta nwina ti wulawula kubiha.

Jeremia 5:1

Tsenzelekani maruweni ya Jerusalema, Mu hlotisisa, mu wona lomu maphangweni; Loku mu zi kota ku kuma munhu, Hambu ni munwe loyi a mahako kululama, ni ku tsumbeka, Mina nzi ta tsetselela a muti wontihe.

Hosea 4:1

Zwanani a mhaka ya Jehova, nwina vanana va ka Israeli, hakuva Jehova wa kecara a vaaki va tiko, hakuva lomu tikweni a ku na zinene, a ku na wuxinji, ge hambu ku tiva Nungungulu.