Jeremia 9:13 - Tshwa Bible

¹³ Jehova i ngalo: Hi kota ya lezi va tsikileko a nayo wa mina, lowu nzi nga wu veka mahlweni kabye, va nga ingisi a gezu ga mina, hambu ku famba ha gona,

Jeremia 9:13 Referans Kwoze

2 Kronekele 7:19

Kanilezi loku mu hunzuluka mu fularela a zileletelo ni milayo ya mina, leyi nzi yi vekileko mahlweni ka nwina, mu ya khozela vanwani vanungungulu mu khizama mahlweni ka vona,

Jeremia 22:9

Zonake va ta hlamula, vaku: Hakuva va tsikile a xivumelwano xa Jehova Nungungulu wabye, Va ya khozela vanwani vanungungulu, ni ku va tirela.

Ezra 9:10

Nungungulu wa hina, anzhako ka zontlhe lezi hi ta kuyini? Hakuva hi fularele milayo ya wena,

Mavingu 28:4

Lava va tsikako nayo va dzunza va kubiha; anilezi lava va hlayisako nayo valwa navo.

Tisimu 119:53

Nzi zangara hi kota ya vakubiha, Loku nzi va wona va tsika nayo wa wena.

Jeremia 5:19

Loku nwina mu taku ngalo: Hikuyini Jehova Nungungulu wa hina a hi maheleko lezi zilo ke? u ta va byela uku: Kotisa lezi nwina mu nzi tsikileko, mu khozela a vanungungulu vanwani tikweni ga nwina, hizalezo mu ta tirela a vamatiko a tikweni gi nga hiko ga nwina. Deut. 29:24; Jer. 16:10

Jeremia 7:26

Kanilezi a va ingisangi, hambu ku riya tindleve; va lo nonohisa a tinhamu tabye, va maha kubiha ku hunza ni vararu vabye.

Jeremia 13:10

A tiko legi go biha, legi gi nga vumeliko a kuzwa a magezu ya mina, legi gi fambako hi kunonoha ka mbilu ya gona, gi lanzela vanungungulu vanwani, gi va tirela ni ku va khozela, gi ta fanana ni bhandi legi gi nga vuniko nchumu.