Jeremia 8:9 - Tshwa Bible

⁹ A titlhari tite koyo tingana, Ta rurumela ni ku khomiwa. Ti kanetile a mhaka ya Jehova, Mbutivi muni ti nga nago ke? Deut. 4:6; Joba 5:13; 1 Kor. 3:19

Jeremia 8:9 Referans Kwoze

Jeremia 6:15

Xana va zwile tingana loku va mahile manyala ke? Kokwihi, a va zwangi tingana, Ne, a va tivi ku koyama tingana. Hikwalaho va tawa zinwe ni vanwani; Va tawa a xikhati nzi va tsavisako, ku wula Jehova.

Joba 5:12

Yena wa hangalasa makungo ya vatlharihileko, Lezaku a mandla yabye ma nga mahi nchumu:

Jeremia 6:19

Ingisa, o misava: Nzi ta neha a khombo hehla ka tiko legi, wu nga mbhanzu wa maalakanyo yabye; hakuva a va ingisangi a timhaka ta mina, va kanyisile a nayo wa mina.

Isaya 19:11

A tihosana ta le Zoana zipumbu; A masungukati laʼyo tlhariha ya Faro ma hungukile. Mu wutisa kuyini ka Faro, muku: Nzi nʼwana wa titlhari, Nzi nʼwana wa tihosi ta kaleloko?

Tisimu 19:7

A nayo wa Jehova wu mbhelele, wu humuta muhefemulo; A wukustumunyu ga Jehova gi nene, gi tlharihisa xipumbu. Rom. 15:4; 2 Tim. 3:15; 2 Ped. 1:19

Deuteronome 4:6

Mu ta yi hlayisa ni ku yi maha, hakuva legi gi tava wutlhari ni kupima ka nwina le kuwoneni ka matiko lawa ma ta ngazwa hi milayo leyi yontlhe, va taku ngalo: Kunene, legi i tiko ga hombe, gi nga ni wutlhari ni kupima!

2 Timote 3:15

ni lezaku a kusukela wuhlangini ga wena u tivile a mitsalo yo basa, leyi yi nga ni ntamu a ku ku maha u tlhariha, u kala u hanyiswa hi kukholwa loku ku nga ka Kristu Jesu. Tis. 119:11; Joh. 20:31; Rom. 10:17

Ezekieli 7:26

A khombo gi ta lanzelwa hi khombo, a nkosi yi ta lanzelwa hi nkosi; va ta kombela muwoniso ka vaprofeti; kanilezi a vapristi va ta rivakelwa hi nayo, ni masingalakati ma ta vumala wusungukati. Jer. 4:20; 18:18

Jeremia 49:7

Xungetano ni ha Edome: Jehova wa tiyimpi i ngalo: Le Temani a ga ha hi kona wutlhari ke? A titlhari a ta ha hi na wusungukati ke? A wutlhari gabye gi mbhelile ke? Isa. 21:11; Ezek. 25:12; Am. 1:11

Isaya 8:20

A hi yeni nayweni ni wumbonini! Loku va nga wuli lezo, a tiko gi nga ha ta kuva ni wuronga ginwani.

2 Tihosi 17:15

Va lo ala milayo yakwe, ni xivumelwano xakwe lexi a xi mahileko ni vararu vabye, ni kulaya loku yena a va layileko ha kona; va lo lanzela manyala, va nga ma tsiki, va lanzela mahanyela ya matiko lawa ma va ranzeleko, lawa Jehova a nga va leletela lezaku va nga mahi zo kota lezi zi mahiwako hi wona.

Isaya 29:14

Hikwalaho nza ha ta maha mahanjalati ka vanhu lava, A mitiro yi riwukisako, leʼyi hlamalisako; A wutlhari ga titlhari tabye gi ta fuva, Ni kupima ka vanhu vabye va tlharihileko ku ta gumelwa.

Jeremia 15:6

U nzi tsikile, ku wula Jehova, U tlhelele nzhako. Hikwalaho nzi nawulutile a canja ga mina nzi ku lovisa. Nzi karele hi ku ku tsetselela.

Jeremia 19:7

A ka legi wutshamu nzi ta hangalasa a makungo ya Juda ni ya Jerusalema; nzi ta va maha vawa hi supado ya valala vabye, hi mandla ya lava va hlotako wutomi gabye. A zirumbi zabye zi ta giwa hi tinyanyani ta tilo ni zihari za khwati.

Amosi 2:4

Jehova i ngalo: Hi kota ya zionho zinharu za Juda, kutani mune wa zona, nzi nga ta susa a xitsayiso, hakuva va alile a nayo wa Jehova, a va hlayisangi a zilayelo zakwe; a vanungungulu vabye va mawunwa va va hambukisile, lava a vararu vabye va nga va lanzela. Vala. 2:11

Zakaria 13:4

Hi siku lego munwe ni munwani wa vaprofeti i tawa tingana hi miwoniso yakwe a xikhati a profetako; ge a nga ta ambala a nguwo ya woya kasi ku khohlisa. 2 Tih. 1:8; Mat. 3:4

Joba 5:13

A phasa titlhari hi mano ya tona, A hangalasa makungo ya va kubiha.

Isaya 43:27

A nyapanze wa wena i onhile, Ni vatlhamuseli va wena va nzi onhele.

Jeremia 2:8

A vapristi a va wutisangi, vaku: I kwihi Jehova ke? Ni vakhomi va nayo a va nzi tivangi, A varangeli va lo nzi fularela, Ni vaprofeti ve profetile ha Baali, Va lanza lezi zi nga vuniko nchumu. 1 Sam. 2:12; 12:21