Jeremia 8:22 - Tshwa Bible

²² Xana a ku na muri le Gileadi, Ku hava nʼanga leyo ke? A mbanga ya nʼwana wa xisati wa vanhu va mina a yi holiswangi hikuyini ke?

Jeremia 8:22 Referans Kwoze

Jeremia 46:11

Kanziha uya Gileade u ya teka muri, Wena nhwana, nʼwana wa Gipite! U tirisa a miri yo tala mahala, A ku na kuchumiwa.

Genesisi 37:25

Zonake va to tshama lahasi vaga. Lokuloku va lo tlakusa a mahlo yabye va wona a ntlawa wa va ka Ixmaeli na vata hi le Gileadi, na va hi ni makameli na ma rwele a hlakati ni makha, na vaya nazo le Gipite.

Jeremia 51:8

Babuloni i wile hi xitshuketi a lobyiswa. Mu: rileleni, mu mu nehela a muri wa kubayiseka kakwe, kutani i ta hanya. Isa. 21:9; Kuv. 14:8; 18:2

Luka 8:43

A wasati loyi a nga wa hi ni kuphophoma ka nkhata a khume ga malembe ni mambiri, na a xakele zontlhe lezi a nga hi nazo hi ku lava tinʼanga, a tsanzeka ku chumiwa, Mat. 9:20

Genesisi 43:11

Israeli a raru wabye aku ka vona: Loku zi nghaho, mu fanele ku mahisa lezi: Tekani tisakwa ta nwina, mu chela mihanzu yo nanziha ya tiko legi lomu tisakweni ta nwina, mu ya nyika inaloye; mu teka ni hlakati ni wulombe ni makha, ni mure, ni timanga, ni maalmonde.

Jeremia 9:1

O mayiwako! loku a hloko ya mina yi wa hi mati, Ni mahlo ya mina a kuva xibuka xa mihloti, Kasi nzi zi kota mumu ni wusiku a ku rilela Lava va delweko va nhwana wa vanhu va mina!

Jeremia 14:19

Xana Juda u mu tsikele magumo ke? Kutani u ngava u swirekile mbilu hi Zioni ke? Hikuyini u hi bileko lezaku hi nga zi koti ku chumiwa ke? Hi wa lavelele kurula, kanilezi a ku tangi kusasa; Hi lavelele xikhati xo chumiwa, kasi kuchava ku kona!

Mikosi 2:13

Nzi ta ku kustumunyela yini? nzi ta ku fananisa ni yini, wena nhwana wa Jerusalema? Nzi ta ku ringanisa ni yini, wena nhwana wa Zioni, kasi nza ku chavelela? Hakuva a mole wa wena ngwa hombe ku fana ni bimbi, himani a nga zi kotako ku ku chuma?

Mitsengo 32:1

Makunu a vana va ka Rubeni ni vana Va ka Gadi, va wa hi ni mitlhambi yo tala nguvu. Laha va nga wona a tiko ga Jazera ni tiko ga Gileade lezaku gi wa hi wutshamu gi ringanako mitlhambi yabye,

Jeremia 6:7

Kotisa a hlowo yi humesako a mati, Wu humesisa lezo a kubiha ka wona. A kuholova ni kuphanga za zwala ka wona, A wubabyi ni timbanga zi kona mahlweni ka mina.

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13

Jeremia 22:6

Hakuva Jehova i wula xungetano hi leyi yindlu ya hosi ya ka Juda, aku: A ka mina u kotisa Gileadi ni hloko ya Lebanoni, Kanilezi nzi ta ku hunzula uva xiwula, A miti yi nga hiko na vanhu.

Ezekieli 27:17

Juda ni tiko ga Israeli va wa xuja ka wena; va wa xava zibya za wena hi tirigo ga le Miniti, ni Pannagi, ni wulombe, ni mafura, ni balsamu.