Jeremia 7:24 - Tshwa Bible

²⁴ Kanilezi a va ingisangi, hambu ku riya tindleve; kanilezi va lo famba lomu makungweni yabye ni lomu ka kunonoha ka timbilu tabye ta kubiha, va lo tlhelela nzhako, a va yangi mahlweni.

Jeremia 7:24 Referans Kwoze

Jeremia 8:5

Hikuyini lava vanhu va Jerusalema va hluwuka hi kusimamisilweko ke? Va tiyile kukhohlakaleni, va ala ku wuya.

Jeremia 7:26

Kanilezi a va ingisangi, hambu ku riya tindleve; va lo nonohisa a tinhamu tabye, va maha kubiha ku hunza ni vararu vabye.

Deuteronome 29:19

Ni kambe ku nga dzuki kuva kona munhu waku loku a zwile timhaka ta xifungo lexi, a rutisa mbilu yakwe aku: Nzi tava ni kurula, hambu loku nzi famba kuranzeni ka mbilu ya mina; lezo ku ta lova a byanyi go nyuka ni go woma.

Ezekieli 20:13

Kanilezi a yindlu ya ka Israeli yi lo nzi hluwuka lomu xiwuleni. A va hlayisangi a milayo ya mina, va lo ala a zileletelo za mina, lezi a munhu a ta nga hanya ha zona loku a zi maha; ni masabado ya mina va lo ma nyenyezisa. Zonake mina nziku nzi ta chulula a zanga ya mina hehla ka vona yi va hihirita lomu xiwuleni.

Jeremia 32:33

Va nzi fularele, a va nzi langutangi; hambu lezi nzi nga va gonzisa kambe ni kambe, a va ingisangi lezaku va kawukiwa.

Hosea 4:16

Hakuva Israeli i na ni kanu khwatsi i thokazi ka xitlalu; makunu Jehova i ta va risa khwatsi i tiyivana wutshanwini gi anamileko.

Ezekieli 20:21

Kanilezi a vana vabye va lo nzi hluwuka; a va hlayisangi a milayo ya mina, va alile a zileletelo za mina, lezi a munhu a ta nga hanya ha zona loku a zi maha; va lo nyenyezisa a masabado ya mina. Zonake mina nziku nzi ta chulula a zanga ya mina hehla ka vona, nzi tira hi khulo ga mina kabye lomu xiwuleni.

Ezekieli 20:8

Kanilezi va lo nzi hluwuka, va nga vumeli ku nzi ingisa; a munhu ni munhu a nga cukumetangi a manyalataniso ya mahlo yakwe, ge hambu ku tsika a zifananiso za Gipite. Zonake nziku, nzi ta chulula a zanga ya mina hehla kabye, nzi tira hi khulo ga mina kabye lomu tikweni ga Gipite.

Jeremia 15:6

U nzi tsikile, ku wula Jehova, U tlhelele nzhako. Hikwalaho nzi nawulutile a canja ga mina nzi ku lovisa. Nzi karele hi ku ku tsetselela.

Jeremia 3:17

A ka xikhati lexo va ta vitana Jerusalema aku xitshamu xa wuhosi xa Jehova; a matiko wontihe ma ta tsombana le Jerusalema a vitweni ga Jehova; cima va nga ta ba famba hi kunonoha ka timbilu tabye.

Jeremia 2:27

Lava va wulako ka dzanza, vaku: Wena u dadani wa mina, Vaku ka ribye: Mina nzi pswalilwe hi wena. Hakuva va nzi fularele, a va nzi cuwukeli; Kanilezi a xikhatini xa khombo va taku ngalo: Yima, u hi hlanguta!

Nehemia 9:29

u va khongotela lezaku va tlhelela milayweni ya wena. Kanilezi vona va lo ti alisa, va nga ingisi zileletelo za wena, va huma zineneni za wena, lezi loku a munhu a zi maha, i ta hanya ha zona, va nonohisa tinhamu tabye, va ala ku ingisa. Ezek. 20:11; Rom. 10:5; Gal. 3:12

Ezekieli 20:16

Hakuva va alile a zileletelo za mina, va nga hlayisi a milayo ya mina, va nyenyezisa a masabado ya mina, hakuva a timbilu tabye ti lanzele a zifananiso zabye.

Jeremia 23:17

Va kanela hi kusimamisilweko a ka lava va nzi kanyisako, vaku: Jehova i ngalo: Mu ta tshameka khwatsi. Ni ka vontlhe va fambako hi kunonoha ka timbilu tabye, vaku: Gi nga tata khombo hehla ka nwina!

Jeremia 9:14

kanilezi va te hutsetse hi kunonoha ka timbilu tabye, na va lanzela maBaali, kota lezi va gonzisilweko hi vararu vabye,

Jeremia 13:11

Hakuva kota lezi a bhandi gi namarelako xiwunwini xa munhu, hizalezo nzi mahile yontlhe a yindlu ya Israeli ni yontlhe a yindlu ya ka Juda ti namarela ka mina, ku wula Jehova, kasi vave ka mina a tiko, ni vito, ni wudzunzo, ni wukulu; kanilezi a va vumelangi ku ingisa. Deut. 26:19

Jeremia 16:12

Kasike nwina mu mahile zo biha ni ku hunza a vararu va nwina; hakuva munwe ni munwani wa nwina i te hutsetse kunonoheni ka mbilu yakwe yo biha, lezaku mu nga nzi ingisi.

Jeremia 17:23

Vona a va ingisangi, hambu ku phuhunha tindleve tabye; kanilezi va lo nonohisa a tinhamu tabye, kasi va ngazwi, ni ku nga amukeli kulayiwa.

Jeremia 18:10

kanilezi loku tiko legi gi maha kubiha mahlweni ka mina, gi nga ingisi a gezu ga mina, zonake nzi ta tsika a kusasa loku nzi nga xuvile a ku va mahela kona.

Jeremia 18:12

Kanilezi va ta hlamula, vaku: Wa ti karatela mahala, hi ta maha kuranza ka hina venyi, a munwe ni munwani i ta maha kota kunonoha ka mbilu yakwe yo biha.

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Hosea 10:6

Va ta gi fambisa le Assiria, gi yava xinyikiwo ka hosi Jarebe. Efraime i tawa tingana, na Israeli i tava ni tingana hi kota ya wusungukati gakwe.

Mika 6:16

Hakuva u hlayisa a zilayelo za Omri, ni matirela wontlhe ya yindlu ya ka Ahabi, u famba hi tindlela tabye. Hikwalaho nzi ta ku hahlula, a vaaki va wena va hlekulwa; zonake u ta rwala a nzhukano ya vanhu va mina. 1 Tih. 16:25, 26, 30-33

Tisimu 81:13

Loku ku wo khwatsi a tiko ga mina ga nzi ingisa, Loku ku wova Israeli i wa famba hi tindlela ta mina!

Jeremia 3:13

Ntsena u fanele ku vumela a kubiha ka wena, lezaku u tsikile Jehova, a Nungungulu wa wena, na u tsutsumela matlhelo wontihe uya ka vanungungulu va vamatiko a hasi ka tisinya tontlhe to nyuka; a mu ingisangi a gezu ga mina, ku wula Jehova.

Jeremia 6:16

Jehova i ngalo: Yimani tindleleni, mu languta; mu wutisela a tindlela ta kale, muku: Xana a ndlela yinene hi yihi ke? zonake fambani ha yona, mu ta kuma kuhumula ka mihefemulo ya nwina. Kanilezi vona va lo hlamula, vaku: A hi vumeli ku famba ha yona. Isa. 28:12; Mat. 11:29; 23:37

Jeremia 13:10

A tiko legi go biha, legi gi nga vumeliko a kuzwa a magezu ya mina, legi gi fambako hi kunonoha ka mbilu ya gona, gi lanzela vanungungulu vanwani, gi va tirela ni ku va khozela, gi ta fanana ni bhandi legi gi nga vuniko nchumu.

Jeremia 17:9

A mbilu yi khohlakele ku hunza zilo zontlhe, Yi bolile, yi nga tibyiwa hi mani ke? Tis. 1:3

Jeremia 22:21

Nzi wulawulile ka wena kuvuvumeni ka wena, Kanilezi uku: Nzi nga ta ingisa. Hi wona a mahanyela ya wena kusukela wuhlangini, Yaku, u nga tazwa a gezu ga mina.

Jeremia 32:23

va lota va gi khozisa, kanilezi a va ingisangi gezu ga wena, hambu a ku famba hi nayo wa wena; ni zontlhe lezi u nga va layile a ku zi maha, a va zi mahangi; u kala u va humesela wontihe makhombo lawa.

Danieli 9:6

A hi ingisangi a vaprofeti ma nga malanza ya wena, lava va wulawulileko hi vito ga wena ka tihosi ni tihosana ta hina, ni ka vadadani va hina, ni ka vanhu vontlhe va tiko.

Zakaria 7:11

Kanilezi va lo ala ku ingisa, va tshukwama makatla, va vala tindleve tabye, aku kasi va ngazwi.