Jeremia 7:19 - Tshwa Bible

¹⁹ Kasi hi mina va nzi zangarisako ke? ku wula Jehova. A va ti vuxeli wutsumbu gabye a tingana ke?

Jeremia 7:19 Referans Kwoze

1 Va le Korinte 10:22

Xana ha yi vuxela xiluse a Hosi ke? Xana ha yi hunza hi ntamu ke? Ekso. 22:14

Jeremia 20:11

Kanilezi Jehova i zinwe na mina Kota a nhenha yi chavisekako; A vaxanisi va mina va ta khungu vanyeka, va nga nzi hluli; Kanilezi va ta si koyo tingana, hakuva a va mahangi hi wutlhari; Ti tava tingana ti nga mbheliko, leto ti nga hiko na ku rivalwa.

Jeremia 9:19

Hakuva a gezu ga xirilo gi zwele hi le Zioni, giku: Yowee! a lobyiselelo wa hina! Hite koyo tingana, hakuva hi yimelwe ku tsika tiko, Hakuva va hahlulile a tiyindlu ta hina.

Jeremia 2:19

Hi kubiha ka wena ku ta nga ku tsayisa, U biwa hi kukhunguvanyeka ka wena. Hikwalaho, tiva lezaku zi bihile a ku tsika Jehova, Nungungulu wa wena, Ni ku nga mu chavi ka vanga kubayiseka, ku wula Hosi, Jehova wa tiyimpi.

Isaya 45:16

Vontlhe vawa tingana va kanganyiseka; Vontlhe vamahi va zifananiso va suka na va hi ni tingana.

Isaya 1:24

Hikwalaho a Hosi Jehova wa tiyimpi, a Nhenha ya ka Israeli, yiku: A, nzi tava ni zigingi hi lavava nzi vengako, nzi ti photela ka valala va mina.

Isaya 1:20

kanilezi loku mu ala mu hluwuka, mu ta lobyisiwa hi supado; hakuva a nomu wa Jehova wu wulile lezo. Levi 26:25

Joba 35:6

Loku wena u onha, u mu onhela yini ke? Ni loku a zihambunyeto za wena zi enzeleka, xini u mu mahelako ke?

Ezra 9:7

Kusukela xikhatini xa vadadani va hina ha su simamisa hi maha kubiha ka hombe kala lezi; hi kota ya zionho za hina, ni za tihosi ta hina, ni vapristi va hina, hi nyikelwe lomu mandleni ya tihosi ta matiko, hi xaniswa hi supado, ni wukhumbi, ni kuphangiwa, ni tingana, kota lezi hi nga zona nyamutlha.

Deuteronome 32:16

Va vuxile xiluse xakwe hi vanwani vanungungulu, Va mu zangarisile hi manyala.

Jeremia 2:17

Xana a ku ti vangelangi ha wece a khombo, Kota lezi u tsikileko Jehova a Nungungulu wa wena Laha yena a nga ku rangela ndleleni ke?

Jeremia 8:19

Hi ngazwa a gezu ga xirilo ga nʼwana wa xisati wa vanhu va mina, Legi gi humako tikweni ga le kule, giku: Kasi Jehova a nga kona le Zioni ke? Xana a Hosi yakwe a yi kona kakwe ke? Hikuyini va vindlukisileko a zanga ya mina hi zifananiso zabye, Ni vanungungulu va vamatiko ke? Mika 4:9

Jeremia 15:9

Loye a psweleko ntlhanu wa vana ni vambiri i hohovele, i file; A gambo gakwe gi pelile kasi lezo ga hi mumu; I rwele tingana ni ku jujeka hloko. Lava va seleko nzi ta va nyikela supadweni mahlweni ka valala vabye, ku wula Jehova.

Jeremia 22:22

A varisi va wena va ta hahisiwa hi mheho, Ni varanziwa va wena va ta yiswa wukhumbini; Zonake u taku koyo tingana, U xeveka hloko hi kota ya kubiha ka wena.

Jeremia 25:7

Hambu lezo a mu nzi ingisangi, ku wula Jehova, lezaku kasi mu vindlukisa a zanga ya mina hi mitiro ya mandla ya nwina, kasi ku ti hala khombo ha nwece.

Jeremia 44:3

hi kota ya kubiha loku va ku mahileko va vindlusa a zanga ya mina hi ku hisa tibani ni ku tirela vanwani vanungungulu, lava va nga kala va nga va tivi, hambu nwina ni vadadani va nwina.

Ezekieli 16:26

U mahile wuoswi ni vaGipite kambe, a vaakelane va wena va nga ni nyama ya hombe; u vindlusile a zanga ya mina hi kutala ka wuoswi ga wena. Ekso. 32:1; Ezek. 20:7

Jeremia 3:25

A hi weni hasi tinganeni ta hi na, Hi fenengela tona; Hakuva hi onhele Jehova a Nungungulu wa hina, Hina zinwe ni vadadani va hina kusukela wusweni kala nyamutlha; A hi ingisangi a gezu ga Jehova a Nungungulu wa hina.