Jeremia 6:13 - Tshwa Bible

¹³ Hakuva va ti nyiketele kumbilukeleni, A vatsongwani ni vahombe, A vaprofeti ni vapristi, vontlhe va kanganyisa.

Jeremia 6:13 Referans Kwoze

Jeremia 23:11

Hakuva a vaprofeti ni vapristi vontlhe a va basangi; Nzi kumile a kubiha kabye ni lomu ndlwini ya mina, ku wula Jehova.

Jeremia 8:10

Hikwalaho nzi ta nyikela a vasati vabye ka vanwani, Ni masimu yabye ka lava va ta nga ma wutla. Hakuva vontlhe va ti nyiketile kunaveleni, Kusukela ka ntsongwani kala ka wahombe. A vaprofeti ni vapristi vontlhelele va kanganyisa.

Mika 3:11

A tihosi ta kona ti lamula hi ku xavelelwa, a vapristi va kona va gonzisa hi ku fela nzhiho, a vaprofeti va kona va vumbela mali: kanilezi va ti seketela ha Jehova, vaku: Kasi Jehova a nga xikari ka hina ke? a kubiha a ku na ku hi wela!

Jeremia 22:17

Kanilezi a mahlo ya wena ni mbilu ya wena zi navela bhinzu ntsena, Ni ku halata nkhata wa loyi a nga hiko na nanzu, U maha hi ku tsimbetela ni tihanyi.

Mika 3:5

I wula lezo Jehova xungetano ni vaprofeti lava va pengisako a vanhu va mina; loku va hi ni nchumu xo tlukuluta hi meno yabye, vaku: Kurula! kanilezi loku va nga nyikwangi nchumu, va va vuxela yimpi.

Jeremia 14:18

Loku nziya masinwini ku kona lava va delweko hi supado, Ni loku nzi enghena mutini nzi wona lava va swodokako hi ndlala: Ina, hi wumbiri gabye a muprofeti ni mupristi va nzulanzula na va nga ku tivi laha va yako kona.

Jeremia 5:31

A vaprofeti va profeta mawunwa, ni vapristi va fumela na va layiwa hi vona; hi lezo a vanhu va mina va zi lavako. Kanilezi mu ta maha yini a magunweni ya kona ke? Ezek. 13:6; Mat. 23:1

Isaya 57:17

Nzi mu zangarele nzi muba Hi kota ya xionho xakwe xa likungo; Nzi lo ti fihla zangeni ya mina, Na yena a su hutsetse a famba hi ndlela ya kuranza ka mbilu yakwe.

2 Pedro 2:3

Hi ku navela kufuma, va ta bhinzula ha nwina hi magezu ya kukanganyisa; kanilezi a kukoneka kabye ka kale a ku hlweli, ni kulobyiswa kabye a ku etleli. Deut. 32:35; Tit. 1:11; Juda 4, 15

1 Timote 3:3

loyi a nga ti nyikeliko kunweni ka byala, kutani kulweni; kanilezi a va wo rula, loyi a nga holoviko, na a nga hi muranzi wa mali;

Luka 16:14

A vaFarisi lava va nga hi ziranzi za mali, va lozwa tontlhe leti timhaka; va mu tseketsela. Mat. 23:14

Ezekieli 33:31

Vata ka wena kota tolovelo, va tshama mahlweni ka wena kukotisa a vanhu va mina, va ingisela a timhaka ta wena, kanilezi va nga ti mahi. Hi milomu yabye va kombisa liranzo, kanilezi a timbilu tabye ti lanzisela a mabhinzu yabye.

Ezekieli 22:12

A ka wena ka xavelelwa kasi ku halata nkhata, u pembisile kasi ku bhinzula, u kalavela a vaakelane hi ku wutla, u nzi rivakelwa, ku wula Hosi Jehova.

Mikosi 4:13

Zi mahekile hi kota ya zionho za vaprofeti ni zigoho za vapristi, Lava va nga halata a nkhata wa valulamileko xikari ka gona. Mat. 23:35

Jeremia 32:32

hi kota ya kubiha kontlhe ka vana va Israeli ni vana va ka Juda, loku va ku mahileko kasi ku nzi zangarisa, vona ni tihosi tabye, ni tihosana tabye, ni vapristi vabye, ni vaprofeti vabye, ni vanhu va ka Juda ni vaaki va Jerusalema. Neh. 9:34; Dan. 9:8

Jeremia 2:26

Ku khwatsi hi khamba loku gi kumilwe, gi na ni tingana. Hilezo a yindlu ya Israeli yi ni tingana, Zinwe ni tihosi ta yona ni tihosana ta yona, A vapristi va yona ni vaprofeti va yona,

Jeremia 2:8

A vapristi a va wutisangi, vaku: I kwihi Jehova ke? Ni vakhomi va nayo a va nzi tivangi, A varangeli va lo nzi fularela, Ni vaprofeti ve profetile ha Baali, Va lanza lezi zi nga vuniko nchumu. 1 Sam. 2:12; 12:21

Isaya 28:7

Kanilezi laha kambe a vanhu va dedereka hi kota ya vinya, Va khunguvanyeka hi byala; A vapristi ni vaprofeti va dedereka hi byala, Va popilwe hi vinya, va dedereka hi byala; Va khuvatana loku va profeta ni ku maha wuwoyiwoyi kulamuleni.

2 Pedro 2:1

Kanilezi ku wa humelela ni vaprofeti va mawunwa xikari ka vanhu, kota lezi ku ta nga huma xikari ka nwina a vagonzisi va mawunwa, lava va ta nga enghenisa hi tlhelo a gonzo yi lovisako, va kaneta hambu ni Hosi leyi yi nga va xava, va ti nehela a kulobyiswa loku ku hatlisako. Deut. 13:1; Mat. 24:11; Fil. 3:19

Jeremia 2:29

Mu holova na mina hikuyini ke? Nwina nwentlhe mu hambunyetile mu vukela mina, ku wula Jehova.

Jeremia 17:11

Khwatsi hi hwari leyi yi kuhlehelako a manza lawa yi nga ma tsikelangiko, Zinghaho ni loye a hlengeletelako a kufuma handle ka nongameto; Na hi xikari ka masiku yakwe i ta ku tsika, Ni kugumeseni kakwe i tava muhunguki.

Jeremia 27:15

Hakuva a nzi va rumangi, ku wula Jehova, vo profeta mawunwa hi vito ga mina, kasi mina nzi fela ku mu papaxela, mu lova, nwina ni vaprofeti lava va mu profetelako.

Jeremia 42:1

Zonake a tinduna tontlhe ta mabutho na Johannani nʼwana Karea, na Jezania a nʼwana Hoxaia, ni vontlhe vanhu, lava va tsongwani ni vahombe,

Jeremia 23:10

Hakuva a tiko gi tele hi zibhayi, Ga rila hi kota ya nzhukano; A wuriselo ga xiwula gi swile; A mafambela yabye ma bihile, Leʼzo biha hi ntamu wabye.