Jeremia 52:27 - Tshwa Bible

²⁷ A hosi ya le Babuloni yi lo va daya le Ribla lomu tikweni ga Hamate. Zinghaho Juda i lo khonwa tikweni gakwe a yiswa wukhumbini.

Jeremia 52:27 Referans Kwoze

Mika 4:10

Wena nhanyana wa Zioni, lunwa u bayiseka, kukotisa a wasati loyi a nga xikhatini xa kubeleka; hakuva makunu u ta huma mutini u ya tshama khwatini, u chikela ni le Babuloni. Hi laho u ta nga tlhatlhiswa kona, laho Jehova i ta ku tirula canjeni ga valala va wena.

Ezekieli 33:28

A tiko nzi ta gi maha marumbi ni xirewukiso, a matshanza ya ntamu wakwe ma ta mbhela. A zitsunga za ka Israeli zi ta hahlulwa, laha kaku ni munhu a nga hunzi hi ka zona.

Isaya 27:10

Hakuva a muti wu bhiyelweko wu mahile rumbi, Wuakelo gi tsikilweko, gi mahile xiwula; A marole ma gela kona, ma etlela kona, maga maravi ma seleko.

Jeremia 52:9

Zonake va lo khoma a hosi va yi yisa ka hosi ya le Babuloni le Ribla, a tikweni ga Hamate, a ya mu lamulela kona.

Jeremia 39:10

Kanilezi a vanhu va nyalidede ni vanyakeke, Nebuzaradani a nduna ya vanyakasani i lo va tsika lomu tikweni ga Juda, a va nyika siku gwalego a zivina ni masimu.

Jeremia 20:4

Hakuva Jehova i ngalo: Nzi ta ku maha xichaviso a ka wutsumbu ga wena ni ka maxaka ya wena wontihe; vona va ta dawa hi tisupado ta valala vabye, wena wutsumbu u ta zi wona: Nzi ta nyikela gontlhe Juda a canjeni ga hosi ya Babuloni, yi ta va yisa kukhonweni le Babuloni, yi va daya hi supado.

Isaya 24:3

A misava yi tava xiwula xo mbhelela, Yi ta gohiwa ku hunza mpimo; Hakuva Jehova i wulile gezu lego.

2 Tihosi 23:27

Hakuva Jehova i waku: Yenawu Juda nzi ta mu susa mahlweni ka mina, khwatsi hi lezi nzi susileko Israeli, nzi hoxa a muti lowu nzi wu hlawuleko, a muti wa Jerusalema, ni yindlu leyi nzi nga wa te ngalo: A vito ga mina gi ta tshama ka yona.

2 Tihosi 17:23

kala Jehova a susa va ka Israeli mahlweni kakwe, khwatsi hi lezi a wulawulileko hi milomu ya malanza yakwe wontihe, va nga vona vaprofeti; i lo susa va ka Israeli lomu tikweni gabye a va yisa le Asiria, lomo va akileko kona kala nyamutlha. Deut. 28:36

2 Tihosi 17:20

Zinghaho Jehova i lo cukumeta pswalo wontihe wa ka Israeli, a va hlokisa, a va nyikela mandleni ya vaphangi, kala a va susa mahlweni kakwe. Vala. 2:14

2 Samueli 8:9

Makunu laha Toi, a hosi ya le Hamate, a ngazwa lezaku Davida i khozisile tontlhe tiyimpi ta Hadadezera;

Deuteronome 28:64

Na Jehova i ta ku hangalasa xikari ka matiko wontihe, kusukela magumeso ya misava kala magumesweni manwani ya misava, hi leyo u ta ngaya khozela vanwani vanungungulu lava wena ni vararu va wena mu nga va tiviko, va nga vanungungulu va tisinya ni maribye.

Deuteronome 28:36

Jehova i ta ku yisa wena, zinwe ni hosi ya wena leyo u ta nga yi veka hehla ka wena, ka tiko lego u nga gi tiviko, hambu ni vararu va wena, leyo mu taya khozela vanungungulu vanwani va tisinya ni va maribye.

Deuteronome 4:26

mina nza vitana nyamutlha a tilo ni misava a kuva vakustumunyu vo mu kecara, lezaku nwina mu ta yafa hi kuhatlisa a tikweni lego mu yako ku ya gi fumela, le tlhatukweni wa Jordani, cima nwina mu nga ta simama ni masiku ya nwina mu hanya, hakuva mu ta ya lobyiswa hakunene.

Jeremia 13:19

A miti ya le Dzongeni yi valilwe, A nga kona a to yi vulula; Vontlhe va ka Juda va yisilwe kukhonweni, A ku salangi ni munwe.

Jeremia 39:9

A vanhu va nga sala mutini, ni lava va seleko lomu tikweni, zinwe ni vapfowoli lava va nga ti nyikele, va lo yiswa Babuloni hi Nebuzaradani a nduna ya vanyakasani.

Isaya 43:28

Hikwalaho nzi tsongahatile a tihosana ta yindlu yo basa, Nzi nyikele Jakobe a kuva a lobyiswa, Na Israeli a kuva a rukiwa.

Jeremia 21:7

Anzhako ka lezo, ku wula Jehova, nzi ta nyikela Zedekia, a hosi ya ka Juda, ni malanza yakwe, zinwe ni vanhu lavo va ta ngava va ponile ntungu a mutini lowu, ni ku pona a supado ni ndlala, nzi va nyikela canjeni ga Nebukadrezzare hosi ya Babuloni, ni canjeni ga valala vabye ni ga lava va hlotako wutomi gabye. Yena i ta va lamata hi supado, a nga ta va nyenyeletela, hambu a ku va zwela, hambu ni kuva ni tipswalo havona.