Jeremia 50:42 - Tshwa Bible

⁴² Va ta welela mawura ni matlhari; va na ni lunya, a va na tipswalo. A guwa gabye gi khwatsi ga bimbi, va khilele mahaxi, na va hlomile a kulwa na wena nhwana wa Babuloni.

Jeremia 50:42 Referans Kwoze

Isaya 5:30

A ka siku lego va ta dzuma hehla ka vanhu khwatsi hi kugobhoza ka bimbi, Ni loyi a langutelako misaveni, i ta wona munyama ni hlomulo, A tilo gi pfupeliswa hi munyama.

Jeremia 47:3

Hi kota ya zigingi za mahaxi yakwe, Ni guwa ga kutsutsuma ka tikareta takwe, Ni guwa ga maranzani ya tona, A vabeleki a va ha cuwuki vanana vabye hi kota ya kurereka ka mawoko,

Jeremia 8:16

A guwa ga mahaxi yakwe gi zwala le Dani; A tiko gontlhe gi rurumela hi kota ya kuyimba ka wona; Hakuva va tile va hetisa tiko ni zontlhe zi nga ka goha, A muti ni vontlhe va tshamako ka wona.

Isaya 47:6

Nzi wa zangarele a tiko ga mina, Nzi nyenyezisa a tshomba ya mina, Nzi va nyikela mandleni ya wena. A ku va mahelangi wuxinji; U lo binzisa nguvu a muyoka wa wena hehla ka zikhosana.

Kuvululelwa 16:6

Hakuva va halatile a nkhata wa vobasa ni wa vaprofeti; u va nyikile nkhata a kuva vanwa, va fanele lezo.

Jakobe 2:13

Hakuva loyi a nga mahangiko wuxinji a nga ta mahelwa wuxinji kulamuleni; kanilezi a wuxinji gi ta ti kulisa hehla ka kulamula. Mav. 21:13; Mat. 6:15

Jeremia 50:14

Hlomani mu vukela Babuloni matlhelo wontihe, nwina nwentlhe mu kondlako mawura; mu fuleni, mu nga siyi ni ligalala linwe; hakuva i onhele Jehova.

Isaya 14:6

Leyi yi ngaba vanhu yi nga va nyiki xikhati, A nhonga leyi yi nga fumela matiko hi zanga ni zixaniso, A nga hi kona loye a mu beletelako.

Isaya 5:28

A tigalala tabye ta kariha, ni mawura yabye wontihe ma kondlilwe, A makhanzo ya mahaxi yabye ma fanana ni maribye, Ni tinghonghwani ta tikareta tabye ti khwatsi xipupuri.

Tisimu 74:20

Alakanya a xivumelwano, Hakuva a matshamu ya xinyama ya tiko ma tele hi wuakelo ga zigevenga.

Tisimu 46:6

A matiko ma maha pfilupfilu, ni mifumo yi tsekatsekiswa, I lo zwata gezu gakwe, misava yi nyeka.

Isaya 47:1

Chika, u tshama tshurini, Wena nhwana, nʼwana Babuloni! Tshama lahasi, a ku na xitshamu xa wuhosi, Wena nhwana wa maKaldea; Hakuva u nga ta ha vitanwa aku u nene niku u sasekile.

Jeremia 30:14

A varanziwa va wena vontlhe va ku rivele, A va ku khataleli. Hakuva nzi ku porongetile kota nala, Hi tsayiso wu hlokisako; Hi kota ya wukulu ga kubiha ka wena, Ni wunyingi ga zionho za wena.

Jeremia 50:9

Hakuva nzi ta vuxela Babuloni a tsombano wa matiko ya hombe ya tlhelo ga Nwalungu. Va ta hloma va mu vukela, va mu hlula. A tigalala tabye ti ta fanana ni ta nhenha ji tlharihileko, leyi yi nga tlheliko mahala.

Jeremia 51:27

Yimisani a bandera lomu tikweni, muba mpunzu xikari ka matiko; hlomisani a matiko ma mu vukela, tsombanyisani a mifumo ya Ararate, Minni, Axkenaze, mu yimisa a tinduna ta yimpi kulwa naye; mahani mahaxi ma kanziha ma mu talela kukotisa humbi.

Ezekieli 26:3

Hikwalaho Hosi Jehova i ngalo: Nzi ta ku vukela wena Tire, Nzi ta ku vuxela a matiko yo tala, Ma ku khwatsi mabyandlati ya bimbi loku ma mbekuka. Isa. 23:1; Jer. 47:4; Am. 1:9

Joeli 2:5

A guwa ga kutlula tlula kabye gi fanana ni ga tikareta ta yimpi ti fambako hehla ka zitsunga, gi fanana ni guwa ga nhova yi hisako byanyi; va fanana ni vanhu va ntamu va hlomileko kulwa.