Jeremia 50:3 - Tshwa Bible

³ Hakuva hi le Nwalungu wata a mufumo lowu wu ta nga hahlula a tiko gakwe, laha kakuva ku ngavi na munhu wo tshama ka gona; a vanhu ni zifuyo zi sukile, zi tsutsumile.

Jeremia 50:3 Referans Kwoze

Zefania 1:3

Nzi ta lovisa a vanhu ni zihari, nzi lovisa tinyanyani ta tilo ni zidluwani za bimbi, a zikhunguvanyiso ni lava vobiha; nzi ta fuvisa vanhu laha misaveni, ku wula Jehova.

Jeremia 51:11

Lotani a tigalala, mu khoma a zitlhangu. Jehova i vindlusile a moya wa tihosi ta vaMedi, hakuva a mixuvo yakwe njo vukela Babuloni a kuva a lobyiswa. Hakuva hi kona a kuphota ka Jehova, a photelako a tempeli yakwe.

Jeremia 51:62

Uku; Jehova u wulawulile lezaku u ta lovisa a wutshamu legi, lezaku ku nga tshami ni xilo xinwe ka gona, hambu vanhu kutani zifuyo, giva xiwula kala kupinzuka.

Jeremia 50:9

Hakuva nzi ta vuxela Babuloni a tsombano wa matiko ya hombe ya tlhelo ga Nwalungu. Va ta hloma va mu vukela, va mu hlula. A tigalala tabye ti ta fanana ni ta nhenha ji tlharihileko, leyi yi nga tlheliko mahala.

Jeremia 51:48

Zonake a tilo ni misava, ni zontlhe zi nga ka zona, zi ta yimbelela hi kutsaka ha Babuloni, hakuva a vahlaseli va tata kakwe hi le Nwalungu, ku wula Jehova. Kuv. 18:20

Jeremia 21:6

Nzi ta hlasela a vaaki va muti lowu, a vanhu ni zihari; va tafa hi ntungu wa hombe.

Jeremia 7:20

Hikwalaho Hosi Jehova i ngalo: Nzi ta chulula a zanga ya mina ni khulo ga mina wutshanwini legi, a hehla ka vanhu ni hehla ka zihari, ni hehla ka tisinya ta khwati ni mihanzu ya misava; zi ta vura zi nga kotekiku timiwa.

Eksodusi 12:12

Hakuva ka gona wusiku lego nzi ta hunza lomu tikweni ga Gipite, nzi daya a matewula wontihe ya tiko ga Gipite, ya vanhu ni ya zifuyo; zonake nzi ta lamula vanungungulu vontlhe va Gipite. Hi mina Jehova. Mitse. 33:4

Genesisi 6:7

Na Jehova aku ngalo: Nzi ta lovisa a vanhu lava nzi nga va vanga, ina, a vanhu ni zifuyo, ni zikokakoka, ni tinyanyani ta tilo, hakuva nza ti laya hilezi nzi zi mahileko.

Isaya 41:25

Nzi vuxile munwe hi le Nwalungu, i sina a tile, Ku tile hi le Mutsuwuka-gambo munwe loyi a vitanako vito ga mina; Loyi a ta nga kanzihela vafumeli kota nzhope, Khwatsi hi muwumbi a kanzihelako a wumba.

Isaya 45:1

Jehova i wula ka a totilweko wakwe Kurusi, Loyi nzi mu khomileko hi canja gakwe ga xinene, Lezaku nzi hlula matiko mahlweni kakwe, Nzi tlhatlha a tifunga ta tihosi; A vululelwa tivati, ti nga valiwi, aku:

Jeremia 9:10

Nzi ta halata mihloti nziba nkosi hi kota ya zitsunga, Nzi rilela a wuriselo ga xiwula, hakuva gi swile; A ka hi na munhu a hunzako kona, Hambu kuzwa a kubhoma ka tihomu; A tinyanyani ta tilo ni zihari zi tsutsumile, zi fambile.

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13