Jeremia 5:9 - Tshwa Bible

⁹ Xana mina nzi nga ta tsayisa lezi zilo ke? ku wula Jehova. Nzi nga ta ti photela a ka tiko go khwatsi hi legi ke?

Jeremia 5:9 Referans Kwoze

Jeremia 9:9

Xana mina nzi nga ta va tsayisa hi kota ya lezi zilo ke? ku wula Jehova. Nzi nga ta ti photela a ka tiko go khwatsi hi legi ke?

Jeremia 5:29

Xana mina nzi nga ta tsayisa lezi zilo ke? ku wula Jehova. Nzi nga ta ti photela a ka tiko go khwatsi hi legi ke?

Nahume 1:2

Jehova i Nungungulu wa xiluse, i muphoteli. Jehova wa ti photela, i tele hi zanga. Jehova wa ti photela ka lava va mu vukelako, a khulo gakwe i gi vekela valala vakwe. Ekso. 20:5; Deut. 4:24; Jox. 24:19

Hosea 8:13

Ve hi ku maha miphahlelo, kasi lezo va nyikela nyama va tlhela va yiga; Jehova a nga xalaliswi ha vona. I ta alakanya a zigoho zabye, a tsayisa zionho zabye; va ta tlhelela Gipite. Isa. 1:11; Jer. 14:10; Am. 5:22

Hosea 2:13

Nzi ta mu tsayisa hi kota ya masiku ya maBaali, lawa a va hiseleko ho wona a libani, laha a nga ti bombisa hi zingwavila zakwe ni tinzalama takwe, a lanzela zigangu zakwe, mina a nzi rivala, ku wula Jehova.

Ezekieli 7:9

A mahlo ya mina ma nga ta ku nyenyeletela, nzi nga ta ku zwela wusiwana. Nzi ku tlhelisela kukotisa mahanyela ya wena, ni manyalataniso ya wena ma tava xikari ka wena; mu ta zi tiva lezaku mina Jehova nzaba,

Mikosi 4:22

A tsayiso wa zigoho za wena wu hetekile, wena nhwana wa Zioni; A nga ta ha ku yisa wukhumbini. Wena nhwana wa Edome, a kugoha ka wena ku ta tsayisiwa; Jehova i ta vumbulula a zionho za wena.

Jeremia 44:22

Jehova i wa nga zi koti ku timisela hi kota ya kubiha ka zimaho za nwina, ni manyalataniso lawa mu nga ma maha. A tiko ga nwina gi hahlukile hi kota ya zona, giva marumbi ni xiruko, gi kala gi vumala ni muaki nyamutlha.

Jeremia 23:2

Hikwalaho Jehova Nungungulu wa Israeli i ngalo xungetano hi varisi va risako a vanhu va mina: Nwina mu hangalasile a tiyivu ta mina, mu ti hlongola, a mu chelangi kota hi tona. Nzi ta mu tsayisa hi kota ya kubiha ka zimaho za nwina, ku wula Jehova.

Isaya 1:24

Hikwalaho a Hosi Jehova wa tiyimpi, a Nhenha ya ka Israeli, yiku: A, nzi tava ni zigingi hi lavava nzi vengako, nzi ti photela ka valala va mina.

Deuteronome 32:43

Bhumani nwina matiko, yimbelelani hi kutsaka zinwe ni vanhu vakwe, Hakuva Nungungulu i tlhelisele a nkhata wa malanza yakwe, Wa ti photela hehla ka valala vakwe, I maha nzhiho hi kota ya misava yakwe, ni vanhu vakwe. Tis. 9:13; Rom. 15:10; Kuv. 19:2

Deuteronome 32:35

A kuphota ni kutlhelisela zi lumba mina, Zi vekelwe a siku lego a nkonzo wabye wu ta nga retemuka; Hakuva a siku ga kuxaniseka kabye gi tshinele, A zilo lezi va longiselweko zona zata hi xihatla.

Levi 26:25

Nzi ta rumela hehla ka nwina a matlhari ya ku ta photela a xivumelwano xa mina; zonake ku taku loku mu tsombene lomu mitini ya nwina, nzi rumela a ntungu xikari ka nwina, mu nyikelwa mandleni ya nala.

Isaya 57:6

A xiavelo xa wena hi maribye yo retemuka ya nkova, Hi yona a tshomba ya wena leyo. Hi wona lawo u ma phahlelako hi vinya, Ni xinyikiwo xa mapa. Nzi ta xalaliswa hi lezo zilo ke?

Jeremia 5:10

Kanzihani a makhurisi yakwe, mu ma khungumula, kanilezi mu nga mbhetiseli magumo. Suselelani a tihlambuti takwe, hakuva tona a hi ta Jehova.

Jeremia 32:31

Hakuva lowu muti wu vindlusile a zanga ya mina ni xiviti xa mina a kusukela a siku lego va nga wu aka kala nyamutlha lezi; kasi nza fela ku wu susa mahlweni ka mina,

Mikosi 3:42

Hi gohile hi ti alisa; Wena a ku hi tsetselelangi.

Levi 18:25

A tiko gi ti nyenyezisile; nzi lamulile kuonha ka gona; lezaku a misava yi hlatile vaaki va gona.

Mavingu 6:29

Hikwalaho loyi a enghenako ka wasati wa muakelane wakwe, i wihi loyi a mu henyako, a nga ta kuva hava nanzu.

Jeremia 6:6

Hakuva Jehova wa tiyimpi i ngalo: Tsemani tisinya, mu maha lihlavu la ku bhiyela Jerusalema. Hakuva i muti wu feleko ku tsayisiwa, Wu tele hi kutsimbeketa.

Jeremia 6:11

Hikwalaho nzi tele hi zanga ya Jehova, Nzi karele hi ku ti khoma. Yi chulule hehla ka vanana lomu maruweni, Ni hehla ka tihlengeletano ta majaha, A nuna ni sati va ta khonwa zinwe, A zikhosana ni loyi a teleko hi masiku.

Jeremia 9:8

A lirimi labye i seve wu dayako, Li wulawula kukhohlisa. Hi nomu wakwe munhu i wulawula a kurula ni muakelwani, Kanilezi mbilwini yakwe wa mu xiyelela.