Jeremia 49:16 - Tshwa Bible

¹⁶ A kutshisa ka wena ni matshanza ya wena zi ku khohlisile, wena loyi u akileko lomu tihlohlolweni ta maribye, u tshamileko hehla ka xitsunga. Hambu loku u aka xisaka xa wena le hehla kukotisa a gama, nzi ta ku susa nzi ku releta lahasi, ku wula Jehova.

Jeremia 49:16 Referans Kwoze

Amosi 9:2

Hambu loku va hoxa va enghena Xeole, lomo na konawu nzi ta va humesa; hambu loku va nga kanziha vaya tilweni, kwaleyo kambe nzi ta va releta lahasi.

Isaya 49:25

Kanilezi Jehova e ngalo: Ina, a tikhumbi ta nhenha ti ta tlhatlhiswa, Ni muphango wa loyi a Wulileko wu ta wutliwa; Hakuva mina nzi talwa ni valala va wena, Nzi ponisa vana va wena.

Joba 39:27

Kutani a gama gi purumela hehla hi kuleletela ka wena, Ni ku aka xisaka xa gona le hehla ke?

Mavingu 29:23

A matshanza ya munhu ma ta mu tsongahata; anilezi loyi a nga ni moya wa kutikoramisa, i ta dzunziwa. Lu. 14:11; 1 Ped. 5:5

Mavingu 16:18

A matshanza ma rangela kulova; i kutikukumukisa ku rangela kuwa.

Isaya 2:21

loku va tsutsumela lomu timhakweni ta maribye ni mikovotlweni ya zitsunga, hi ku chava Jehova ni kungangamela ka wukulu gakwe, laha a ta nga suka a chavisa misava.

Xizimba xa ka Solomoni 2:14

Tuva ganga, legi gi nga lomu mikovotlweni ya maribye, Lomu matshanwini ya ku fihlala lomu maribyeni; Hi nga nzi komba a nghohe ya wena, nzizwa gezu ga wena; Hakuva a gezu ga wena ga nanziha, ni nghohe ya wena yi sasekile.

Mavingu 18:21

A kufa ni kuhanya ku le ntanwini wa lirimi; i lava va li ranzako va taga a mbhanzo wa lona.

2 Tihosi 14:7

I lo daya 10,000 wa vavanuna va le Edomi, le Koveni wa Munyu; ka yona yimpi leyo i lo teka Sela a gi chula vito ga Jokteela kala nyamutlha.

Isaya 10:14

A canja ga mina gi thumbile a titshomba ta matiko khwatsi hi loku ku thumbiwa zisaka, Nzi wungeletela a misava yontlhe Ko fana ni ku wungeletela a manza ma tsikilweko; Ku wa nga hi kona ni munwe a nga tshambuluta tipapa, Kutani ku vulula nomu, kutani ku keta.

Jeremia 49:15

Hakuva nzi ku mahile tsongwani xikari ka matiko, ni wo kanyiseka xikari ka vanhu.

Jeremia 50:29

Vitaneni vontlhe a vaweleli va mawura va ta vukela Babuloni, mu goveleni matlhelo wontihe, ku nga poni ni munwe. Mu tlheliseleni hi mitiro yakwe; zontlhe lezi a nga wa zi maha, mahaniwo zalezo kakwe, hakuva i wa ti kulisa mahlweni ka Jehova, a vukela Loyi a Basileko wa ka Israeli.

Jeremia 51:53

Hambu loku Babuloni a nga tlakukela tilweni, hambu loku a tiyisa a khokhola gakwe gi tlakukileko, nzi ta mu rumela vahlaseli, ku wula Jehova.

Habakuka 2:9

Khombo a give ka loyi a fumisako a yindlu yakwe hi bhinzu go biha, kasi a aka a xisaka xakwe le hehla, a ti ponisa khombyeni.

Malaki 1:3

nzi venga Esau; a zitsunga zakwe nzi lo zi maha marumbi, nzi nyikela a tshomba yakwe ka mahlolwa ya khwati. Jer. 49:17; Rom. 9:13

Jeremia 48:14

Mu wutisa kuyini muku: Hina hi tinhenha, Hi tinghwazi ta yimpi?