Jeremia 49:13 - Tshwa Bible

¹³ Hakuva nzi hlambanyile hi wutsumbu ganga, ku wula Jehova, lezaku Bozra gi ta hunzuka giva tiko ga xikhwakhwa, giva xiruko, gi hahluka, giva nzhukano; a miti yontlhe ya kona yi tava marumbi ya simasima.

Jeremia 49:13 Referans Kwoze

Isaya 34:6

A supado ya Jehova yi tele hi nkhata; yi womelele mafura; Hi nkhata wa tiyivana ni timhongo, Ni mafura ya tiswa ta tihamba; Hakuva Jehova i na ni kutlhabyiwa le Bozra, Ni kuhihirita ka hombe tikweni ga Edome.

Genesisi 36:33

Ku lofa Bela, ku fuma Jobaba, nʼwana Zera wa le Bozra wutshanwini gakwe.

Genesisi 22:16

yiku ngalo: Nzi hlambanyile ha mina, ku wula Jehova, hakuva u mahileko lezi, a ku nzi alelangi ni nʼwana wa wena wa munwe, Lu. 1:73; Maheb. 6:13

Amosi 6:8

Hosi Jehova i hlambanyile hi wutsumbu gakwe, aku: Jehova a Nungungulu wa tiyimpi i ngalo; Nza swireka hi matshanza ya Jakobe, nza venga a ziluvelo zakwe, hikwalaho nzi ta nyikela kulobyisweni a muti ni zontlhe zi nga ka wona.

Amosi 1:12

Kanilezi nzi ta rumela a nzilo le Temani, wu ta hisa a ziluvelo za Bozra.

Jeremia 49:22

Langutani, wata hi ku puruma kukotisa a gama, a tshambuluta a tipapa takwe a vukela Bozra. A siku lego a timbilu ta tinhenha ta le Edome ti ta fanana ni mbilu ya wasati loyi a lunwako.

Jeremia 44:26

Makunu zwanani a mhaka ya ka Jehova, nwina nwentlhe va ka Juda lava mu akileko lomu Gipite! Langutani, nzi hlambanyile hi vito ga mina ga hombe, ku wula Jehova, lezaku a vito ga mina gi nga ta ha kumbukwa hi nomu wa ni wihi wa va ka Juda lava va akileko lomu tikweni ga Gipite, aku: Khwatsi hilezi Hosi Jehova a hanyako!

Isaya 63:1

Himani loyi a tako hi le Edome, Na huma hi le Bozra, a ambeleko tinguwo to pswhuka to khazamula, A fambako hi wukulu ga ntamu wakwe? Hi mina loyi nzi wulawulako hi kululama, nzi nga ni ntamu wa ku hanyisa.

Isaya 45:23

Nzi hlambanyile hi wutsumbu ganga, A mhaka ya lisine yi humile nonwini wa mina, Leyi yi to kala yi nga tsanzeki: Lezaku a madzolo wontihe ma ta nzi khizamela, Ni tirimi tontlhe ti ta hlambanya ha mina.

Obadia 1:18

A yindlu ya ka Jakobe yi tava nzilo, a yindlu ya ka Josefa yiva langavi, kanilezi a yindlu ya Esau yi tava byanyi go woma; va ta yi hisa va yi mbheta, ku nga ta pona ni munwe ka yindlu ya Esau, hakuva Jehova i wulile lezo.

Joeli 3:19

A Gipite gi tava marumbi, na Edome i tava xiwula, hikuva va vukeleko a vana va ka Juda hi tihanyi, va halata a nkhata wu nga hiko na nanzu a tikweni gabye.

1 Kronekele 1:44

Ku lofa Bela, ku fuma Jobaba nʼwana Zera wa le Bozra, xikhundleni xakwe.

Jeremia 18:16

Lezoke va maha tiko gabye giva xirewukiso, Ni xiruko hi laʼku nga mbheliko; Lezaku ni wihi a hunzako kona a hlamala, A ziviza hloko yakwe.

Jeremia 19:8

Nzi ta maha muti lowu wuva xirewukiso ni xiruko; wihi ni wihi a to hunza ha kona i ta rewuka le go kala aba noti hi ku hlamala hi kota ya wontihe a makhombo lawo.

Jeremia 51:14

Jehova wa tiyimpi i hlambanyile hi wutsumbu gakwe, aku: Hizinene nzi ta ku tata hi vanhu, va tatela go khwa zidodwani; va ta ku bela huwa.

Jeremia 48:24

ni le Keriote, ni le Bozra, ni lomu mitini yontlhe ya tiko ga Moabi, ya le kule ni ya kusuhani.