Jeremia 44:26 - Tshwa Bible

²⁶ Makunu zwanani a mhaka ya ka Jehova, nwina nwentlhe va ka Juda lava mu akileko lomu Gipite! Langutani, nzi hlambanyile hi vito ga mina ga hombe, ku wula Jehova, lezaku a vito ga mina gi nga ta ha kumbukwa hi nomu wa ni wihi wa va ka Juda lava va akileko lomu tikweni ga Gipite, aku: Khwatsi hilezi Hosi Jehova a hanyako!

Jeremia 44:26 Referans Kwoze

Maheberu 6:13

Hakuva laha Nungungulu a nga tsumbisa ka Abrahama, i lo hlambanya hi wutsumbu gakwe, kota lezi ku nga hi hava a wahombe ku hunza yena wa ku hlambanya ha yena.

Ezekieli 20:39

Kasike a ka nwina va yindlu ya ka Israeli, Hosi Jehova i ngalo: Fambani nwentlhelele mu ya khozela zifananiso za nwina. Kanilezi anzhako ka lezo mu ta nzi ingisa, mu nga ha nyenyezisi a vito ga mina hi minyikelo ya nwina ni zifananiso za nwina.

Tisimu 50:16

Kanilezi a ka wakubiha Nungungulu i ngalo: U ta tlhatlhambutelisa kuyini a milayo ya mina, Kutani a ku wulawula hi xivumelwano xa mina ke? Rom. 2:17

Genesisi 22:16

yiku ngalo: Nzi hlambanyile ha mina, ku wula Jehova, hakuva u mahileko lezi, a ku nzi alelangi ni nʼwana wa wena wa munwe, Lu. 1:73; Maheb. 6:13

Amosi 6:8

Hosi Jehova i hlambanyile hi wutsumbu gakwe, aku: Jehova a Nungungulu wa tiyimpi i ngalo; Nza swireka hi matshanza ya Jakobe, nza venga a ziluvelo zakwe, hikwalaho nzi ta nyikela kulobyisweni a muti ni zontlhe zi nga ka wona.

Jeremia 5:2

Hambu lezi va nge ngalo: Jehova wa hanya; Vona va hlambanya hi mawunwa.

Jeremia 4:2

Loku u hlambanya hi zinene, ni nongameto, ni kululama. Uku: Jehova wa hanya Hizinene, Zonake a matiko ma ta ti katekisa ha yena, Ma ti kulisa ha yena. Gen. 22:18; Deut. 8:13; 2 Kor. 10:17

Maheberu 6:18

lezaku kasi hi zilo lezi zimbiri zi nga hiko na kuhunzuluka, lezi Nungungulu a nga zi kotiko ku hemba ha zona, hina hi fela kuva ni kutiyiswa ka ntamu, hina lava hi tsutsumeleko wuponelweni ku ta khoma a kutsumba loku ku vekilweko mahlweni ka hina.

Maheberu 3:18

Vamani lava a nga va hlambanyela lezaku va nga ta enghena kuhumuleni kakwe, loku ku nga hi vona lava va nga kala ku ingisa ke?

Amosi 8:7

Jehova i hlambanyile hi matshanza ya Jakobe, aku: Hizinene cima nzi nga ta rivala ni wunwe wa mitiro yabye.

Amosi 6:10

Laha a rarutsongwani wa munhu a tako ku ta teka xirumbi lezaku xi hiswa, loku a humesa marambu lomu ndlwini i taku ka loyi a nga lomu xikari ka yindlu: Ka ha hi ni munwani wa wena ke? Yena i taku: Ahihi! Zonake yena i taku: Miyela! Hakuva a hi faneli ku kumbuka a vito ga Jehova.

Jeremia 46:18

Nza hlambanya hi kuhanya ka mina, ku wula Hosi, Leyi yi tibyako Jehova wa tiyimpi, Hizinene wata, na a fanana ni Tabor xikari ka zitsunga, Aku khwatsi hi Karmeli hi laha bimbini.

Jeremia 22:5

Kanilezi loku mu nga ingisi leti timhaka, nza hlambanya hi wutsumbu ganga, ku wula Jehova, lezaku a yindlu leyi yi tava rumbi.

Jeremia 7:9

Xana ma ha ta yiva, mu daya, mu bhaya, mu hlambanya mawunwa, mu hisa miphahlo yo nuhela ka Baali, ni ku lanzela vanwani vanungungulu lavo mu nga va tiviko?

Isaya 62:8

Jehova i hlambanyile hi canja gakwe ga xinene, Hi woko gakwe ga ntamu, aku: Hizinene, nzi nga ta ha nyikela a mavele ya wena a kuva zakuga za valala va wena, A vamatiko va nga tanwa a vinya ga wena, legi wena u gi tireleko.

Tisimu 89:34

Nzi nga ta tshova a xivumelwano xa mina, Hambu ku hunzula a mhaka yi humileko nonwini wa mina. Mitse. 23:19

Mitsengo 14:28

U ta va byela ku ngalo: Kota lezi nzi hanyako, ku wula Jehova, nzi ta mu mahela kota lezi mu wulileko tindleveni ta mina.

Jeremia 24:8

Kanilezi kota lezi ku mahiwako hi makuwu yo biha, lawa ma nga zi kotiko ku giwa; kunene Jehova i ngalo: Nzi ta maha lezo ha Zedekia, a hosi ya ka Juda, ni ka tihosana takwe, ni misalelwa ya Jerusalema, leyi yi seleko ka legi tiko, ni ka lava va akileko tikweni ga Gipite. 2 Tih. 25:2; Jer. 29:17

Jeremia 44:24

Jeremia i lo engeta aku ka vanhu vontlhe ni ka vavasati vontlhe: Nwina nwentlhe va ka Juda mu nga lomu tikweni ga Gipite, zwanani a gezu ga Jehova!

Jeremia 49:13

Hakuva nzi hlambanyile hi wutsumbu ganga, ku wula Jehova, lezaku Bozra gi ta hunzuka giva tiko ga xikhwakhwa, giva xiruko, gi hahluka, giva nzhukano; a miti yontlhe ya kona yi tava marumbi ya simasima.

Hosea 4:15

Loku wena Israeli u maha wubhayi, Juda ngha a nga ti kokeli nanzu. Mu ngati le Gilgale, mu ngayi le Betavene, ge hambu ku hlambanya, muku: Ha Jehova a hanyako! Deut. 6:13; 1 Tih. 12:29; Am. 5:5

Jeremia 44:11

Hikwalaho Jehova wa tiyimpi, a Nungungulu wa Israeli, i ngalo: Nzi ta mu nonohisela a nghohe ya mina nzi mu mahela kubiha, nzi hihirita gontlhe Juda. Levi 17:10; Am. 9:4

Jeremia 44:14

Kasi ku nga poni hambu ku sala ni munwe wa misalela ya ka Juda lava va yileko ku ya luvela tikweni ga Gipite, na va ranza ku tlhelela tikweni ga ka Juda legi va xuvako ku ta aka ka gona. Va nga ta tlhelela kona saseka vanwani va ta nga pona.

Jeremia 51:14

Jehova wa tiyimpi i hlambanyile hi wutsumbu gakwe, aku: Hizinene nzi ta ku tata hi vanhu, va tatela go khwa zidodwani; va ta ku bela huwa.