Jeremia 43:11 - Tshwa Bible

¹¹ I ta ta hlasela a tiko ga Gipite; lava va yimiselweko kufa va ta dawa, ni lava va yimiselweko wukhumbi va taya wukhumbini; lava va yimiselweko ku dawa hi supado va ta dawa hi supado.

Jeremia 43:11 Referans Kwoze

Jeremia 44:13

Hakuva nzi taba lava va akileko tikweni ga Gipite, khwatsi hilezi nzi ngaba Jerusalema hi supado ni ndlala ni ntungu.

Jeremia 15:2

Loku va ku wutisa, vaku: Xana hi taya kwihi ke? U ta va hlamula, uku: Jehova i ngalo: Lava va yimiselweko kufa, va taya kufeni; lava va yimiselweko supado, va taya supadweni: lava va yimiselweko ndlala, va taya ndlaleni; ni lava va yimiselweko a wukhumbi, va taya wukhumbini.

Zakaria 11:9

Zonake nziku: Nzi nga ta ha mu risa! Leyi yi fako, a yife; ni leyi yi lahlekako, a yi lahleke! Leti ti salako, a yinwe ni yinwani a yige a nyama va yinwani.

Jeremia 25:19

na Faro a hosi ya le Gipite, ni malanza yakwe, ni tihosana takwe ni vanhu vakwe vontlhe;

Ezekieli 5:12

A xipanze xa wunharu xa vanhu va wena xi tafa hi mitungu ni ndlala xikari ka wena; a xipanze xa wunharu xi ta dawa hi tisupado lahandle ka tigingisi ta wena; ni xipanze xa wunharu nzi ta xi hangalasa matlhelo wontihe, nzi xi hlongolisa hi supado.

Joba 20:29

Lexo hi xona a xiavelo xa wa kubiha xi tako hi ka Nungungulu, Ni tshomba yi nyikilweko kakwe hi Nungungulu.

Kuvululelwa 13:10

Loyi a yisako vanwani wukhumbini, yenawu i ta mahiwa khumbi; loyi a dayako hi supado, i ta dayiwawu hi supado. Kwalaho ka woneka a kutimisela ni kukholwa ka vobasa. Gen. 9:6; Isa. 33:1; Mat. 26:52

Jeremia 25:15

Hakuva Jehova a Nungungulu wa Israeli i te ngalo ka mina: Teka a gombe legi ga vinya ga zanga canjeni ga mina, u nwisa wontihe a matiko nzi to ku rumela ka wona. Kuv. 14:10; 16:19

Jeremia 42:22

Hikwalaho zi tiveni khwatsi lezaku mu ta dawa hi supado, ni ndlala ni ntungu, a wutshanwini legi mu lavako ku ya luvela ka gona.

Ezekieli 29:11

Ku nga ta tsemakanyiwa hi nkonzo wa munhu, ni masonzo ya zifuyo ma nga ta hunza kona, ge hambu ku akiwa hi munhu kala anzhako ka 40 wa malembe.

Jeremia 44:12

Nzi ta khoma a misalela ya ka Juda,, lava va phikelelako a kuya tikweni ga Gipite va ya luvela; va ta lova vontlhe va dawa le tikweni ga Gipite. Va ta lobyiswa hi supado ni ndlala, a vatsongwani ni vahombe va tafa hi supado ni ndlala. Va tava xiruko ni xirewukiso, vava nzhukano va xanziwa.