Jeremia 40:5 - Tshwa Bible

⁵ Kute na a ha hlwela ku famba, aku kakwe; Tlhelela ka Gedalia, nʼwana. Ahikamu nʼwana Xafani, loye hosi ya Babuloni yi mu mahileko a mufumeli hehla ka miti ya ka Juda, u tshama naye xikari ka vanhu; hambu a ku ti yela ni gihi tlhelo u gi ranzako. Zonake a nduna ya vanyakasani yi lo mu nyika timbuva ni xinyikiwo, yi mu tsika a famba.

Jeremia 40:5 Referans Kwoze

Jeremia 39:14

ya lo rumisa a ku ya humesa Jeremia a hubyeni ya vanyakasani, va mu hendleleta a mandleni ya Gedalia nʼwana Ahikamu, nʼwana Xafani, lezaku aya naye kaya; lezo i lo tshama xikari ka vanhu.

Jeremia 41:2

Zonake Ixmaeli a nʼwana Netania ni khume ga vavanuna lava a nga hi navo, va lo suka va yima, va gwaza Gedalia a nʼwana Ahikamu wa Xafani hi supado, va mu daya, yaloye a hosi ya le Babuloni yi nga mu vekile kuva mufumeli lomo tikweni.

Maheberu 13:6

Hikwalaho hi nga wula na hi tiyilehlana, hiku: A Hosi hi muvuni wa mina, nzi nga ta chava; A vanhu va nga nzi mahela yini ke? Tis. 27:1; 56:11, 12

Mitiro 28:10

Va lo hi bonga hi zilo zo tala, ni laha hi nga suka kona va lo hi nyika lezi hi nga wa zi vumala. Mat. 15:6; 1 Tim. 5:17

Mitiro 27:43

Kanilezi a nduna ya zana, na yi lava ku ponisa Paule, yi lo va beletela; yi laya lezaku lava va zi kotako ku hlambela, a va pfunwala lomu matini, va ranga vaya muhanzeni;

Mitiro 27:3

Hi manziko wa kona hi lo chikela Sidoni; Juliu i lo khoma Paule khwatsi, a mu vumela a ku ya wona maxaka yakwe, a ya vunetelwa hi wona. Xip. 24:23; 28:16

Jeremia 40:4

Languta, nzi ku tlharihile a mangenje lawa ma nga hi mawokweni ya wena. Loku u ranza a ku famba na mina le Babuloni, ngone, nzi ta ku lonzowota. Kanilezi loku u nga zi ranzi a ku famba na mina le Babuloni, u nga sala. Hi nga wona, gontlhe tiko gi le mahlweni ka wena; ni kwihi ku ku xalalisako, laha u ranzako kuya kona, famba seyo.

Jeremia 26:24

Kanilezi a woko ga Ahikamu, a nʼwana Xafani, gi wa hi zinwe na Jeremia, lezaku a nga nyikelwi mandleni ya vanhu a dawa. 2 Tih. 22:12, 14

Jeremia 15:11

Jehova i lo hlamula, aku: Kunene nzi ta ku tiyiseta lezaku u humelela. Nzi ta maha nala wa wena a ku kombela xikhatini xa makhombo ni kuxaniseka.

Mavingu 21:1

A mbilu ya hosi yi khwatsi i congo wa mati lomu canjeni ga Jehova; yi fambisa ni kwihi laha yena a ku ranzako.

Mavingu 16:7

Loku a tindlela ta munhu ti mu tsakisa Jehova, a vanga kurula xikari kakwe ni valala vakwe.

Joba 22:29

Loku u tsongahatiwa, u taku: A nzi vuxiwe! I ta ponisa a munhu loyi a ti koramisako. Lu. 18:14

Nehemia 1:11

Hosi, nza ku khongotela, panga ndleve ya wena uzwa mukombelo wa nanza ga wena, ni mukombelo wa malanza ya wena, tawa ma tsakelako ku chava a vito ga wena. Nza ku khongotela lezaku u vuvumisa a nanza ga wena nyamutlha, u mu mahela tipswalo kuwoneni ka wanuna loyi. (Makunu nzi wa hi muweleli Wa gombe ga hosi.)

Ezra 7:27

A ku bongiwe Jehova Nungungulu wa vadadani va hina, loyi a vekileko a timhaka ta ku nghahi mbilwini ya hosi, ta ku dzunza a yindlu ya Jehova le Jerusalema,

Ezra 7:6

Ezra loyi i lo suka hi le Babuloni; i wa hi mutsali a tlharihileko milayweni ya Mosi leyi yi nyikilweko hi Jehova Nungungulu wa ka Israeli. A hosi yi lo mu nyika zontlhe lezi a nga zi kombela, hakuva a canja ga Jehova Nungungulu wakwe gi wa hi zinwe na yena.

2 Kronekele 34:20

Yi lo leletela Hilkia na Ahikamu nʼwana Xafani, na Abdoni nʼwana Mika, na Xafani a mutsali, na Asaya a nanza ga hosi, yiku:

2 Tihosi 22:14

Zinghaho mupristi Hilkia, na Ahikamu, na Akbora, na Xafani, na Asaya va loya ka Hulda a muprofeti wa xisati, a sati wa Xaluma a nʼwana Tikva wa Harhasa, a muhlayisi wa tinguwo; i wa akile le Jerusalema hi tlhelo ga wumbiri ga muti, va lo ya wulawula naye.

2 Tihosi 22:12

A hosi yi lo leletela mupristi Hilkia na Ahikamu nʼwana Xafani, na Akbora nʼwana Mikaia, na mutsali Xafani, na Asaya a nanza ga hosi, aku:

Jeremia 41:1

Makunu hi hweti ya wuntlhanu ni timbiri, Ixmaeli a nʼwana Netania wa Elixama, wa yindlu ya wuhosi, a nga nduna ya hombe ya hosi, i lota ka Gedalia a nʼwana Ahikamu le Mizpa na hi ni khume ga vavanuna, va ta tshama kugeni vontlhe kwale Mizpa. 2 Tih. 25:25

Jeremia 41:18

Hakuva va wa va chava hilezi Ixmaeli nʼwana Netania a nga dele Gedalia nʼwana Ahikamu, loyi a hosi ya le Babuloni yi nga mu vekile kuva mufumeli lomu tikweni.