Jeremia 4:6 - Tshwa Bible

⁶ Gwimbani nghapa tlhelweni ga Zioni, Tsutsumani ni tihunzu ta nwina, mu nga yimi;. Hakuva nza mu nehela a khombo na gita hi le Nwalungu, Ni lobyiselelo wa hombe.

Jeremia 4:6 Referans Kwoze

Jeremia 50:2

Tlhatlhambutelani xikari ka matiko, muba nyiwo, mu yimisa a bandera. Mu nga fihli nchumu, va byeleni, muku: Babuloni i hlulilwe, Beli i wisilwe tingana, Merodake i khungumulwe; a zifananiso zakwe zi chelilwe tingana, a vanungungulu vakwe va khungumulwe.

Jeremia 51:27

Yimisani a bandera lomu tikweni, muba mpunzu xikari ka matiko; hlomisani a matiko ma mu vukela, tsombanyisani a mifumo ya Ararate, Minni, Axkenaze, mu yimisa a tinduna ta yimpi kulwa naye; mahani mahaxi ma kanziha ma mu talela kukotisa humbi.

Jeremia 51:12

Yimiselani a makhurisi ya Babuloni a bandera, tiyisani varinzeli, mu veka varinzeli ni ku longisa a zijumani; hakuva Jehova i mahile xikungo, a tira lezi a nga zi wula hi vaaki va le Babuloni.

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Jeremia 6:22

Jehova i ngalo: Langutani, a vanhu va tako hi le tikweni ga le Nwalungu, A tiko ga hombe gi ta vuka le magemetamusi ya misava. Deut. 28:49

Jeremia 6:1

Nwina vanana va Benjamini, tsutsumani mu huma xikari ka Jerusalema, Banani mpunzu le Tekoa, Yimisani a xikombiso xa nzilo le Betakeremi; Hakuva a khombo gita hi le Nwalungu, Ni lobyiselelo wa hombe.

Jeremia 4:21

Nzi ta wona a nghapa kala rini, Ni kuzwa a gezu ga mpunzu ke?

Isaya 62:10

Humani, humani tinyangweni, mu lulamisa a ndlela ya tiko! Bhoxani ndlela, ecanyetani a gonzo, susani maribye; Tlakuselani a mujeke a ka matiko.

Zefania 1:10

Hi siku lego, ku wula Jehova, ku ta zwala xirilo lomu Nyangweni ya Zidluwani, ni hlomulo hi tlhelo ga xipanze xiswa xa muti, ni guwa ga hombe hi le xitsungeni. 2 Tih. 22:14; Neh. 3:3

Jeremia 51:54

Hi ngazwa a tihuwa ta Babuloni, ni kulobyiswa ka hombe le tikweni ga maKaldea!

Jeremia 50:22

A guwa ga kulwa gi zwala tikweni, ga kulobyiswa ka hombe.

Jeremia 21:7

Anzhako ka lezo, ku wula Jehova, nzi ta nyikela Zedekia, a hosi ya ka Juda, ni malanza yakwe, zinwe ni vanhu lavo va ta ngava va ponile ntungu a mutini lowu, ni ku pona a supado ni ndlala, nzi va nyikela canjeni ga Nebukadrezzare hosi ya Babuloni, ni canjeni ga valala vabye ni ga lava va hlotako wutomi gabye. Yena i ta va lamata hi supado, a nga ta va nyenyeletela, hambu a ku va zwela, hambu ni kuva ni tipswalo havona.

Jeremia 18:11

Hikwalaho byela vavanuna va ka Juda ni vaaki va Jerusalema, uku: Jehova i ngalo: Mina nza mu longisela a khombo, nzi maha xikungo xo mu vukela. Hikwalaho hunzulukani munwe ni munwani a ndleleni yakwe yo biha, mu chukhwatisa a mahanyela ya nwina ni zimaho za nwina. 2 Tih. 17:13

Jeremia 22:7

Nzi ta ku vitanela a valovisi, A munwe ni munwani i tava ni matlhari yakwe; Va ta tsema a tisedare ta wena to saseka, Va ti hoxa nzilweni.

Zakaria 6:6

A kareta leyi yi kokiwako hi mahaxi ya ntima yi famba tikweni ga Nwalungu, lawa yo basa ma lanzela hi lenzhako; lawa ya matlhakatlhaka ma loya tikweni ga le Dzongeni.

Jeremia 10:22

Hi nga zwani, ku zwala guwa, A dzolonga ga hombe gi tako hi le Nwalungu, A ku ta hunzulusa a miti ya ka Juda yiva marumbi, A wutshamu ga mahlolwa.

Ezekieli 9:1

Zonake i loba huwa tindleveni ta mina, aku: Tshinelani nwina vatsayisi va muti, munwe ni munwani na hi ni tlhari gakwe gi lovisako canjeni gakwe.

Ezekieli 9:2

Languta, ku lota ntlhanu wa vavanuna ni munwe hi tlhelo ga nyangwa ya le hehla, yi ngomamako Nwalungu; a munwe ni munwani na a khomile a mutsayi canjeni gakwe. A munwe wabye i wa ambele a tinguwo ta wukene na hi ni zo tsala ha zona na zi bohilwe laha reveni gakwe. Va lo enghena, va yima kusuhani ni alati ga suku. Ezek. 8:3; Kuv. 15:1, 6