Jeremia 4:5 - Tshwa Bible

⁵ Byelani Juda, muba hungu le Jerusalema, muku: Banani mipunzu lomu tikweni, mu kanyuluka muku: Tsombanani, mu tsutsumela a mitini ya makhokhola.

Jeremia 4:5 Referans Kwoze

Jeremia 8:14

Hikuyini ha ha tshamako laha ke? Tsombanani, hi ya enghena mitini ya makhokhola, Hi yafa kona; Hakuva Jehova a Nungungulu wa hina I lava ku hi lobyisa, Wa hi nwisa wutsulu, hakuva hi onhele Jehova.

Jeremia 6:1

Nwina vanana va Benjamini, tsutsumani mu huma xikari ka Jerusalema, Banani mpunzu le Tekoa, Yimisani a xikombiso xa nzilo le Betakeremi; Hakuva a khombo gita hi le Nwalungu, Ni lobyiselelo wa hombe.

Joxua 10:20

Ni laha Joxua ni vanana va ka Israeli va nga wa va hlasele va kala va va mbheta, na vanwani va tsutsumele ka miti ya makhokhola.

Hosea 8:1

Vekela a paratana nonwini wa wena. A nala wa haha kukotisa a gama ngomama ni yindlu ya Jehova, hakuva va tshovile a xivumelwano xa mina ni nayo wa mina. Deut. 28:49; Isa. 58:1; Jer. 4:13

Amosi 3:8

Loku a nghala ya dzumadzuma, himani a to kala a nga chavi? Loku Hosi Jehova a wulawula, himani a to kala a nga profeti?

Amosi 3:6

Ku nga biwa mpunzu lomu mutini a vanhu va nga dzuki ke?. A muti wu nga welwa hi khombo na gi ngati hi le ka Jehova ke? Isa. 45:7; Jer. 11:11

Jeremia 35:11

Kanilezi, kute loku Nebukadrezzare hosi ya Babuloni a hlasela tiko legi, hite: Tanani, hiya Jerusalema, hi suka mahlweni ka tiyimpi ta maKaldea ni ta maSiria; hikwalaho hi lo ta aka Jerusalema.

Jeremia 11:2

Ingisani a timhaka ta xivumelwano lexi, mu ti hlawutela ka vavanuna va ka Juda, ni ka vaaki va le Jerusalema;

Jeremia 9:12

Himani a tlharihileko lezaku a pima lezi ke? Himani loyi a nomu wa Jehova wu wulawulileko kakwe, kasi a hi tivisa lezaku tiko gi onhisilwe hikuyini? Kala gi hisilwe ku fanana ni xiwula, ku nga ha hunzi ni munhu?

Jeremia 5:20

Tlhatlhambutelani ka yindlu ya Jakobe, muba hungu ka Juda, muku:

Mitsengo 10:3

Ku taku loku yi biwa, a hlengeletano wontihe wu tsombana ka wena le nyangweni ya tenda ga mutlhangano.

Ezekieli 7:14

Va bile mpunzu, va longisile zontlhe, kanilezi a nga kona a yako yimpini; hakuva a zanga ya mina yi hehla ka xidlemo xabye xontlhe.

Joeli 2:1

Banani mpunzu le Zioni, banani tinyandayeyo xitsungeni xa mina xa kubasa! A va rurumele vontlhe vaaki va tiko, hakuva a siku ga Jehova gata, gi laha kusuhani. Isa. 13:9

Mitsengo 10:2

Ti mahele mipunzu mimbiri ya siliva; u yi maha hi siliva yi fulilweko. U ta vitana ha yona a hlengeletano, ni ku andlamukisa wugovelo.

Isaya 28:19

Zikhati zontlhe loku a ntalo wu hunza wu ta mu khoma, Hakuva mixo ni mixo wu ta hunza, hlikanhi ni wusiku; Mu ta gonza hi ku dzukiswa ntsena.