Jeremia 4:16 - Tshwa Bible

¹⁶ Byelani matiko, mu tivisa Jerusalema, Lezaku a vavimbezeli vata hi le tikweni ga le kule, Va huwelela hi magezu yabye a ku vukela a miti ya ka Juda.

Jeremia 4:16 Referans Kwoze

Ezekieli 21:22

Canjeni gakwe ga xinene i na ni hlolo yi kombako Jerusalema, lezaku ku vekiwa makina yo bhoxa ligingisi la muti, ku biwa tihuwa kuhlaseleni, lezaku ku yimiswa makina yo bhoxa tinyangwa, ni ku akiwa tinhulu ni makhokhola.

Jeremia 5:15

Mangabye nwina yindlu ya ka Israeli, rizi ta mu tisela a tiko ga le kule, ku wula Jehova: a tiko ga ntamu a tiko ga kale, legi u ta nga kohlwa hi lirimi la gona, u nga ta zi pima lezi va zi wulawulako. Deut. 28:49; Isa. 5:26

Isaya 39:3

Zonake ku lota Isaya a muprofeti ka hosi Hezekia, a taku kakwe: Va wula yini a vanhu lava ke? Vata hi kwihi? Hezekia a hlamula, aku: Vata hi tikweni gi nga kule, le Babuloni.

Jeremia 50:2

Tlhatlhambutelani xikari ka matiko, muba nyiwo, mu yimisa a bandera. Mu nga fihli nchumu, va byeleni, muku: Babuloni i hlulilwe, Beli i wisilwe tingana, Merodake i khungumulwe; a zifananiso zakwe zi chelilwe tingana, a vanungungulu vakwe va khungumulwe.

Jeremia 39:1

Hi hweti ya wukhume ya lembe ga wu 9 ga kufuma ka Zedekia a hosi ya ka Juda, Nebukadrezzare a hosi ya le Babuloni i lota ni yimpi yakwe yontlhe a ta vukela Jerusalema, a gi vimbezela. 2 Tih. 25:1

Jeremia 31:10

Ingisani a mhaka ya Jehova, nwina matiko, Tiyisani a zihlale za le kule ha yona, muku; Loyi a hangalasileko Israeli i ta mu hlengeleta, A mu hlayisa kota murisi a risako ntlhambi wakwe.

Jeremia 16:6

A vahombe ni vanana va tafa hi wumbiri gabye tikweni legi, na va nga lahliwi; a vanhu va nga ta va rilela, hambu ku ti tlhavela ni ku halula tihloko. Levi 19:28; Deut. 14:1; Mika 1:16

Jeremia 6:18

Hikwalaho, nwina vamatiko, ingisani; na wena hlengeletano, tiva lezi zi va humelelako!

Jeremia 5:6

Hi lezo-ke a nghala ya lomu khwatini yi ta va daya, Ni hlolwa ga lomu xiwuleni gi ta va hlakahla, A yingwe yi ta nyanimela a miti yabye; Munwe ni munwani a ta nga huma handle i ta hanzulelwa. Hakuva a zihambunyeto zabye zi tele, Ni zigoho zabye zinyingi. Jer. 4:7; Hos. 13:7

Jeremia 4:17

Va mu renzelekele xikari kota a varinzeli va simu, Hakuva i nzi hluwukile, ku wula Jehova. Lu. 19:43

Jeremia 2:15

A tinghalana ti wele hehla kakwe na ti tsewuza hi gezu ga tona, Ti hanzulela a tiko gakwe, a miti yakwe yi hisilwe ku nga tshami munhu kona.

Isaya 34:1

Tshinelani nwina matiko, mu ingisela; Ingisani nwina vanhu! A misava ngha yi ingisa, ni zontlhe zi nga ka yona, A misava ni zontlhe zi humako ka yona!

Jeremia 1:15

Hakuva nzi ta ramba a tixaka tontlhe ta matiko ya le Nwalungu, ku wula Jehova; linwe ni linwani li ta ta yimisa xitshamu xa wuhosi xa lona laha tinyangweni ta Jerusalema, kasi ku vukela a makhurisi ma ranzelekeleko muti, ni ku vukela a miti yontlhe ya ka Juda.

Jeremia 8:19

Hi ngazwa a gezu ga xirilo ga nʼwana wa xisati wa vanhu va mina, Legi gi humako tikweni ga le kule, giku: Kasi Jehova a nga kona le Zioni ke? Xana a Hosi yakwe a yi kona kakwe ke? Hikuyini va vindlukisileko a zanga ya mina hi zifananiso zabye, Ni vanungungulu va vamatiko ke? Mika 4:9

Jeremia 6:19

Ingisa, o misava: Nzi ta neha a khombo hehla ka tiko legi, wu nga mbhanzu wa maalakanyo yabye; hakuva a va ingisangi a timhaka ta mina, va kanyisile a nayo wa mina.

Jeremia 6:22

Jehova i ngalo: Langutani, a vanhu va tako hi le tikweni ga le Nwalungu, A tiko ga hombe gi ta vuka le magemetamusi ya misava. Deut. 28:49

Jeremia 6:23

Va welela mawura ni matlhari, Va na ni lunya, a va na tipswalo. A guwa gabye gi khwatsi ga bimbi, Va khilele mahaxi, na va hlomile a kulwa na wena, O nhwana wa Zioni.