Jeremia 38:20 - Tshwa Bible

²⁰ Jeremia aku: Va nga ta ku nyikela. Hi nga ingisa a gezu ga Jehova, legi nzi ku byelako gona; u ta tshameka khwatsi u hanya.

Jeremia 38:20 Referans Kwoze

Danieli 4:27

Hikwalaho wena hosi, amukela wusungukati ga mina, susa a zionho za wena hi ku maha kululama, ni zigoho za wena hi ku hawukela lava va vumalako; kutani ku ta kuva a kukateka ka wena ku simama.

Jeremia 26:13

Hikwalaho sasisani makunu a mahanyela ya nwina ni zimaho za nwina, mu ingisa a gezu ga Jehova a Nungungulu wa nwina, zonake Jehova i ta hunzuluka ka khombo legi a gi wulileko ha nwina.

Isaya 55:3

Dembani tindleve, muta ka mina; Zwanani, kasi mihefemulo ya nwina ya hanya. Nzi ta maha xivumelwano xa pinzukelwa na nwina, Kasi ma amukela a tipswalo leti nzi tsumbisileko ka Davida. 2 Sam. 7:15; 1 Tih. 8:25; Miti. 13:34

2 Kronekele 20:20

Hi siku gi gamelako va lo suka ni mixo va loya tlhelo ga xiwula xa le Tekoa; va te na va ha suka, Jehoxafate i lo yima, aku: Hi nga zwani nwina vaJuda na nwina vaaki va Jerusalema! Tsumbani Jehova Nungungulu wa nwina, mu ta tiyiswa; tsumbani vaprofeti vakwe, mu ta humelela!

Mitiro 26:29

Paule aku ngalo: Hambu ti hi ti tsongwani kutani to tala, nza kombela ka Nungungulu lezaku ku nga hi wena wece, kanilezi ni vontlhe lava va nzi zwako nyamutlha, ngha mu kota mina, ahandle ka lezi ziboho. 1 Kor. 7:7

Jakobe 1:22

Kanilezi ngha mu hi vamahi va mhaka, mu nga hi vazwi ntsena, mu ti kanganyisa. Mat. 7:21; Rom. 2:13

2 Va le Korinte 6:1

Kota lezi hi tirisanako naye ha mu khongotela lezaku mu nga amukeli tipswalo ta Nungungulu mahala, 1 Kor. 3:9; Xip. 5:20; Maheb. 12:15

2 Va le Korinte 5:20

Hikwalaho hina hi mitsumi ya Kristu, hi Nungungulu a mu khongotelako ha hina; ha mu khongotela hi kota ya Kristu, ngha mu tlhanganyiswa ni Nungungulu. Mal. 2:7; Efe. 6:20

2 Va le Korinte 5:11

Hikwalaho kota lezi hi tivako a kuchaveka ka Hosi, ha khongotela vanhu a ku kholwa, kanilezi Nungungulu wa zi tiva lezi hi nga zona; nza tsumba lezaku ha tibyiwa kambe livalweni la nwina.

Jeremia 11:4

lexi nzi layeleko a vararu va nwina a siku lego nzi va humesileko a tikweni ga Gipite, a phingweni ga nyunzo ya xiketse, nziku: Ingisani a gezu ga mina, mu maha zontlhe lezi nzi mu rumako; zonake mu tava tiko ga mina, na mina nzi tava Nungungulu wa nwina, Ekso. 19:5; 1 Tih. 8:51

Genesisi 12:13

Wula ka vona uku u makweru, kasi ku mahiwa khwatsi ka mina hi kota ya wena; kasi nza hanya hi kota ya wena.

Genesisi 19:20

Languta, a muti lowuya wu kusuhani ka kuva nzi chavela ka wona, wona wu tsongwani, ngha nzi chavela ka wona, nzi hanya; a hi wu tsongwani ke?

Jeremia 7:23

Kanilezi lezi nzi va layileko hi lezaku: Ingisani a gezu ga mina, zonake nzi tava Nungungulu wa nwina, nwina mu tava vanhu va mina; fambani hi tindlela leti nzi mu layileko ha tona, lezo mu ta tshameka khwatsi. Ekso. 19:5

Jeremia 11:8

Kanilezi a va ingisangi, hambu ku phuhunha ndleve yabye. Munwe ni munwani i na si hutsetse a njhenjhereka hi kunonoha ka mbilu yakwe yo biha. Hikwalaho nzi nehile hehla kabye a timhaka tontlhe ta lexi xivumelwano, lexi nzi va layileko a ku xi hlayisa, kanilezi a va xi hlayisangi.

Jeremia 38:21

Kanilezi loku u ala ku huma, leyi hi yona a mhaka a nga nzi kombisa Jehova:

Mavingu 4:4

Dadani i lo nzi gonzisa aku: mbilu ya wena a yi namarele timhakeni ta mina; layisa zileletelo za mina u ta hanya. Levi 18:5; 1 Kro. 28:9

Mavingu 7:2

Hlayisa zilayelo za mina, u ta hanya; hlayisa a nayo wa mina kukotisa a nzololwani ya tihlo ga wena.

Amosi 5:4

Hakuva Jehova i ngalo ka yindlu ya ka Israeli: Nzi hloteni, mu ta hanya. Mav. 4:4

Amosi 5:6

Hlotani Jehova, mu ta hanya; kasi a nga weli a yindlu ya Josefa khwatsi i nzilo, na a nga hi kona le Beteli loyi a nga wu timako.