Jeremia 34:3 - Tshwa Bible

³ Wena u nga ta pona canjeni gakwe, futsi u ta khomiwa u nyikelwa a canjeni gakwe; u ta wonana ni hosi ya Babuloni, yena i ta xuxa na wena nomu ni nomu, zonake u taya Babuloni.

Jeremia 34:3 Referans Kwoze

Jeremia 32:4

na Zedekia a hosi ya ka Juda a nga ta pona a mandleni ya maKaldea; futsi i ta nyikelwa mandleni ya hosi ya Babuloni, kasi a wulawula nayo, va wonana hi mahlo;

Jeremia 21:7

Anzhako ka lezo, ku wula Jehova, nzi ta nyikela Zedekia, a hosi ya ka Juda, ni malanza yakwe, zinwe ni vanhu lavo va ta ngava va ponile ntungu a mutini lowu, ni ku pona a supado ni ndlala, nzi va nyikela canjeni ga Nebukadrezzare hosi ya Babuloni, ni canjeni ga valala vabye ni ga lava va hlotako wutomi gabye. Yena i ta va lamata hi supado, a nga ta va nyenyeletela, hambu a ku va zwela, hambu ni kuva ni tipswalo havona.

Jeremia 34:21

Na Zedekia hosi ya ka Juda, zinwe ni tihosana takwe nzi ta va nyikela canjeni ga valala vabye ni canjeni ga lava va va xuvelako kufa, ku nga canjeni ga yimpi ya hosi ya Babuloni, leyi yi sukileko ka nwina.

Ezekieli 21:25

Na wena loyi u konelweko kufa, hosana yo biha ya ka Israeli, loyi a siku ga wena gi chikelako xikhatini xa kugoha ka magumo,

Ezekieli 12:13

Nzi ta mu phasa hi likoka la mina; nzi mu yisa Babuloni, a tikweni ga maKaldea. Kanilezi a nga ta gi wona, hambu lezi a to fela kona. 2 Tih. 25:4; Jer. 52:11

Jeremia 38:18

Kanilezi loku u nga humi u ya ti nyikela ka tihosana ta hosi ya Babuloni, a muti lowu wu ta nyikelwa canjeni ga maKaldea, va wu hisa hi nzilo, na wena u nga ta pona mandleni yabye.

Jeremia 37:17

hosi Zedekia i lo rumisa a ku ya mu humesa, zonake hosi yi lo mu vitana ndlwini ya yona xihundleni, yiku: Xana gi ngava kona a gezu hi ka Jehova ke? Jeremia a hlamula, aku: Gi kona. A engeta aku; Wena u ta nyikelwa a canjeni ga hosi ya Babuloni.

Jeremia 27:22

Zi ta yisiwa Babuloni, zi ya tshama kona kala siku nzi to zi lava ha gona, ku wula Jehova, nzi zi wuyisa ka legi wutshamu. 2 Kro. 36:22; Ezra 1:1, 7

Jeremia 32:3

Hakuva Zedekia hosi ya ka Juda i wa mu valele kona, aku: U profetela yini uku: Jehova i ngalo: Nzi ta nyikela muti lowu canjeni ga hosi ya Babuloni, yi ta enghena ka wona;

Jeremia 32:28

Hikwalaho Jehova i ngalo: Languta, nzi ta nyikela lowu muti a mandleni ya maKaldea, ni canjeni ga Nebukadrezzare hosi ya Babuloni, i ta wu teka.

Jeremia 34:4

Hambu lezo, zwana a mhaka ya Jehova, wena Zedekia hosi ya ka Juda, Jehova i wula ha wena: U nga ta dawa hi supado.

Ezekieli 17:15

Kanilezi i yi hluwukile hi ku rumela a mitsukano le Gipite, kasi va fela ku mu nyika mahaxi ni yimpi ya hombe. I ta kula ke? A nga pona loyi a mahako a zakunghaho ke? A nga tshova a xivumelwano a wuya a pona ke?

Jeremia 38:23

A vasati va wena vontlhe ni vana va wena va ta yisiwa ka maKaldea, na wena u nga ta huluka a canjeni gabye, kanilezi u ta khomiwa hi canja ga hosi ya Babuloni; ni muti lowu wu ta hiswa hi nzilo hi kota ya wena.

Ezekieli 17:16

Nza hlambanya hi kuhanya ka mina, ku wula Hosi Jehova, futsi i ta fela Babuloni, laha ku tshamako a hosi leyi yi nga mu nyika wuhosi, leyi a nga kanyisa a xifungo xa yona, a tshova a xivumelwano xa yona.