Jeremia 32:21 - Tshwa Bible

²¹ u lo humesa vanhu va wena va Israeli hi le tikweni ga Gipite hi ziwoniso ni mahanjalati, hi canja ga ntamu ni woko gi nawulutilweko, ni kuchavisa ko tshisa. Ekso. 6:6; 13:3, 14; 2 Sam. 7:23

Jeremia 32:21 Referans Kwoze

Deuteronome 26:8

Na Jehova i lo hi humesa le Gipite hi canja ga ntamu na hi woko gi nawulutilweko, ni xichabyo xa hombe, zinwe ni ziwoniso ni masingita.

Eksodusi 6:6

Hikwalaho va byele a vanana va ka Israeli uku: Hi mina Jehova, nzi ta mu rula a nzhwalo wa vaGipite; nzi ta mu lwela; nzi ta mu tlhatlha wukhumbini gabye, nzi mu hletela hi canja ga ntamu, ni kuphota ka hombe.

Tisimu 105:43

A humesa vanhu vakwe hi kutsaka, Ni vahlawulilweko vakwe hi kuyimbelela.

Tisimu 105:37

I lo humesa vanhu vakwe na va hi ni siliva ni nzalama, Xikari kabye ku wa nga hi na wo vanzana. Ekso. 12:35

1 Kronekele 17:21

Hi gihi tiko gi fananako ni vanhu va wena, a va ka Israeli, a vanhu lava Nungungulu a va tlhatlhisileko a va maha vakwe, kasi ku ti mahela a vito hi mitiro yi chavekako, hi ku hlongola a matiko mahlweni ka vanhu va wena, lava u va tlhatlhisileko le Gipite ke?

1 Tihosi 8:42

hakuva va tazwa a timhaka ta vito ga wena ga hombe, ni canja ga wena ga ntamu, ni woko ga wena gi tlakukileko; loku yena a ta khongela ndlwini leyi;

Deuteronome 4:34

Kutani i kona munwani nungungulu loyi a nga ringa ku ya wutla vanhu xikari ka wunwani mufumo, hi zikarato ni ziwoniso ni zihlamaliso ni kulwa hi canja ga ntamu gi tlakukileko, ni mitiro ya hombe yi chavekako, kota lezi Jehova Nungungulu wa nwina, a nga mu mahela zontlhe le Gipite kuwoneni ka nwina?

Eksodusi 13:14

Zonake loku a nʼwana wa wena a ta ku wutisa hi ka zinwani zikhati, aku; Lezi zi wula yini? U taku ka yena: Jehova i lo hi humesa hi canja ga ntamu lomu ndlwini ya wukhumbi;

Eksodusi 13:9

Lexi xi tava xikombiso a canjeni ga wena, ni xialakanyiso xikari ka mahlo ya wena. A nayo wa Jehova wu tava nonwini wa wena, hakuva Jehova i ku humesile le Gipite hi canja ga ntamu.

Eksodusi 6:1

Jehova aku ka Mosi: Makunu u ta zi wona lezi nzi ta nga maha ka Faro; hakuva hi kota ya canja ga mina ga ntamu, yena i ta va tsika va famba; hi canja ga mina ga ntamu, yena i ta va hlongola tikweni gakwe.

Deuteronome 7:19

a zikarato lezi za hombe zi wonilweko hi mahlo ya wena, ni ziwoniso ni zihlamaliso, ni canja ga ntamu, ni woko gi nawulutilweko, lezi Jehova Nungungulu wa wena a ku humesileko ha zona. Zinghaho Jehova Nungungulu wa wena i ta mahisa zalezo ka wontihe matiko lawo u ma chavako.

2 Samueli 7:23

Hi gihi tiko laha misaveni gi fananako ni vanhu va wena va ka Israeli, lava Nungungulu a va tlhatlhisileko, kasi va fela ku maha a vanhu vakwe, a ti mahela vito, a mu mahela zilo za hombe zi chavekako lomu tikweni ga wena, hi ku hlongola a vanhu ni vanungungulu vabye mahlweni ka vanhu va wena lava u va tlhatlhisileko le tikweni ga Gipite ke?

Eksodusi 3:20

Kanilezi nzi ta tlakusa a canja ga mina nziba vaGipite hi zihlamaliso zontlhe lezi nzi ta nga zi maha ka vona. Anzhako ka zona i ta mu tsika mu famba.

Deuteronome 11:3

ni zihlamaliso zakwe, ni mitiro yakwe lezi a zi mahileko xikari ka vaGipite, ni ka Faro a hosi ya le Gipite, ni ka tiko gakwe gontlhe;

Isaya 63:12

Loyi a nga fambisa a woko gakwe ga wukulu le reveni ga xinene ga Mosi, Loyi a nga avanyisa mati mahlweni kabye kasi ku ti mahela a vito ga pinzukelwa?