Jeremia 31:9 - Tshwa Bible

⁹ Va ta wuya na va kari va rila, Nzi va heleketa na va kari va khongela; Nzi ta va rangela micongweni ya mati, Hi ndlela yi basileko leyo va to kala a ku khunguvanyeka ha yona; Hakuva nzi dadani ka Israeli, Na Efraime hi matewula ya mina. Ekso. 4:22; Isa. 63:16

Jeremia 31:9 Referans Kwoze

Mateu 5:4

Va katekile lava va rilako, hakuva va ta chavelelwa.

Jeremia 3:4

Ni lezi wa ha rila ka mina, uku: Dada! U wa hi munghana wa wuswa ga mina.

Eksodusi 4:22

Zonake u taku ka Faro: Jehova i ngalo: Israeli i nʼwana wa mina wa matewula. Mat. 2:15

Jeremia 50:4

A masikwini ya xikhati lexo, ku wula Jehova, a vana va ka Israeli ni va ka Juda ya tata zinwe; na va rila va ta famba va hlota Jehova Nungungulu wabye.

Jeremia 31:20

Xana Efraime hi nwananga a ranzekako ke? a xiranzwa hi mbilu ke? Hakuva hambu loku nzi mu vukela nza mu khumbula hi ku tlula mpimo; A marumbu ya mina ma divitana hi kota ya yena, Futsi, nzi ta mu hawukela, ku wula Jehova.

Isaya 63:13

Loyi a va rangeleko matshanwini ya kueta, kota haxi lomu xiwuleni, A ku kasi va nga khuveki?

Tisimu 23:2

Wa nzi etlelisa mikoveni yo nyuka, Wa nzi rangela matini ya malenga. Ezek. 34:14; Kuv. 7:17

Kuvululelwa 7:17

Hakuva a Yivana yi nga laha xikari mahlweni ka xitshamu xa wuhosi yi tava murisi wabye, yi va hletela tihlobyeni ta mati ya wutomi; Nungungulu i ta hlanguta mihloti yontlhe mahlweni yabye. Tis. 23:1; 36:8; Isa. 25:8

Luka 6:21

Mu katekile nwina lava mu zwako ndlala lezi, hakuva mu ta xurisiwa. Mu katekile nwina lava mu rilako lezi, hakuva mu ta tsaka. Isa. 55:1; 65:13; Mat. 5:4, 6

Mateu 6:9

Hikwalaho khongelani kota lezi: Dadani wa hina wa le tilweni, a vito ga wena a gi hlawuliwe. Lu. 11:2

Zakaria 12:10

Nzi ta chulula a moya wa wunene ni wa mikhongelo hehla ka yindlu ya ka Davida ni hehla ka vaaki va Jerusalema; zonake va ta cuwuka ka mina loyi va nzi tlhavileko. Va ta mu rilela kukotisa loku va rilela a nʼwana wabye wa munwe, va ta mu karatekela, khwatsi hi loku va karatekela a matewula yabye. Joh. 19:37; Kuv. 1:7

Jeremia 3:19

Nzi waku: Nzi ta ku veka xikari ka vanana va mina, Nzi ta ku nyika a tiko gi xuvekako, A tshomba yo saseka nguvu xikari ka matiko. Nziku: Mu ta nzi vitana, muku: Dadani; Mu nga ta ha hambuka mu nzi siya.

Isaya 64:8

Kanilezi makunu, wena Jehova u dadani wa hina; Hina hi wumba, wena u muwumbi wa hina, Hina hontlhe hi ntiro wa mandla ya wena, Jer. 3:19; Rom. 9:20

Isaya 57:14

Aku: Bhoxani ndlela, ecanyetani misava, Basisani ndlela, Mu susa zikhunguvanyiso lomu ndleleni ya vanhu va mina.

Maheberu 12:23

ni le hlengeletanweni ya hombe, ni ka bandla ga matewula ma tsalilweko le tilweni, ni ka Nungungulu a nga Mulamuli wa vontlhe, ni ka mimoya ya vanhu va lulamileko va mbhelelisilweko, Lu. 10:20; Fil. 3:12; Kuv. 14:4

Maheberu 12:13

lulametani a tindlela ta mikonzo ya nwina, lezaku lexi xi khwitako xi nga khuyuki, kanilezi xi hanyiswa. Mav. 4:26; Gal. 6:1

Maheberu 5:7

A masikwini ya kuhanya kakwe nyameni, Jesu i lo khongela ni ku khongotela hi kurila ka hombe ni mihloti, ka loyi a nga zi kota ku mu hlanguta kufeni; yena i lo zwiwa hilezi a nga hi ni xichawo ka Nungungulu. Tis. 22:1; Mat. 26:37, 39; Mar. 14:33

2 Va le Korinte 6:18

Nzi tava Raru wa nwina, nwina mu tava a varisanyana ni vanhanyana va mina, ku wula Hosi ya Nyamintamu. Jer. 31:1, 9; Kuv. 21:7

Va le Roma 8:26

Hizalezo kambe a Moya wa hi vunetela a gomeni ga hina; hakuva hina a hi zi tivi a ku khongela kota lezi zi hi faneleko; kanilezi wona Moya wutsumbu wa hi khongotelela hi miketo leyi yi nga wulawulekiko. Mat. 20:22; Efe. 6:18; Zak. 12:10

Mateu 3:3

Hakuva hi yaloye a nga kanela ha yena muprofeti Isaya, aku ngalo: A gezu ga loye a bako hungu xiwuleni, giku: Longiselani a ndlela ya Hosi, Mahani magonzo ya yona ma lulama. Isa. 40:3; Mar. 1:3; Joh. 1:23

Hosea 12:4

I lwile ni ngelosi a yi hlula, na a kari a rila a yi khongela. I lo mu kuma le Beteli, i lo wulawula na hina laho.

Isaya 63:16

Kasi u dadani wa hina, Hakuva Abrahama a nga hi tivi, Na Israeli a nga ha hi alakanyi. Wena Jehova, u dadani wa hina, A vito ga wena Mutiruli wa hina wa pinzukelwa.

Deuteronome 32:6

Kaxana mu ta tlhelisela ka Jehova hi za kunghahi ke? Nwina vanhu va zipumbu, mu nga hiko na wutlhari? Kasi a hi yena dadani wa wena, loyi a ku mahileko ke? Hi yena a ku wumbileko a ku yimisa.

1 Kronekele 29:10

Hikwalaho i lo bonga Jehova mahlweni ka tlhangano wontihe, aku: A ku bongiwe Jehova Nungungulu wa ka Israeli, a dadani wa hina, kala kupinzuka ni kupinzuka!

Mitsengo 2:18

Le Muhlwa-gambo, ku tava mujeke wa wugovelo ga ka Efraime hi mitlawa yabye; a hosana ya vanana va ka Efraime hi Eliaxama a nʼwana wa Amihudi,

Tisimu 89:27

Futsi, nzi ta mu maha matewula ya mina, Nzi mu maha wahombe xikari ka tihosi ta misava.

Tisimu 107:7

I lo va rangela hi ndlela yi lulamileko, Kasi vaya mutini wo tshama kona.

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.

Isaya 43:20

Kasi a zihari za khwati zi ta nzi dumisa, A mahlolwa ni timbuwu, Hakuva nzi ta vanga mati lomu xiwuleni Ni micongo lomu xigwangweni, Kasi a vanhu va mina va hlawulekileko vanwa.

Isaya 45:11

Jehova loyi a Basileko wa ka Israeli, tlhelo Mumahi wakwe, i ngalo: Xana mu ta nzi wutisa xungetano hi lezi zi tako ka vana va mina ke? Mu ta nzi lelela xungetano hi ntiro wa mandla ya mina ke?

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Malaki 2:10

A hi vana va dadani munwe ke? A hi Nungungulu munwe a hi vangileko ke? Hikuyini munwe ni munwani wa hina a khohlisako nakulobye, hi tshova a xivumelwano xa vadadani va hina? Ekso. 19:5; Mat. 23:9; Efe. 3:15

Deuteronome 14:1

Nwina mu vanana va Jehova Nungungulu wa nwina. Mu nga tlhaveli tihlanga mirini wa nwina, hambu ni ku cinga phandla hi kota ya vafileko.