Jeremia 31:27 - Tshwa Bible

²⁷ Langutani, a masiku ma hata, ku wula Jehova, lawa nzi to byaleta a tiko ga ka Israeli ni tiko ga ka Juda hi mbewu ya vanhu ni mbewu ya zihari.

Jeremia 31:27 Referans Kwoze

Hosea 2:23

Nzi ta ti byalela yena lomu tikweni, Lo-ruhama nzi ta mu zwela wuxinji, nziku ka Lo-ammi: Nwina mu vanhu va mina. Vona va taku ka mina: Wena u Nungungulu wa hina. Zak. 13:9; Rom. 9:25; 1 Ped. 2:10

Ezekieli 36:11

Hehla ka nwina nzi ta anzisa a vanhu ni zihari, zi ta anza zi beleka. Mu tava ni vaaki kota kusanguleni, nzi ta maha khwatsi ka nwina ni ku hunza kusanguleni ka nwina; mu ta zi tiva lezaku hi mina Jehova.

Ezekieli 36:9

Hakuva nzi na nwina, nzi ta mu hunzulukela, mu ta rimiwa mu byaliwa timbewu.

Zakaria 10:9

Nzi ta va xwanya xikari ka matiko, va ta nzi alakanya matikweni ya le kule. Va ta hanya ni vanana vabye, va ta tlhela va wuya.

Jeremia 30:19

Ku ta huma kona a kukhesa ni magezu ya litsako; Nzi ta va anzisa, va nga hunguleki; Nzi ta va kulisa, va nga ta ha kanyiswa.

Deuteronome 30:9

Na Jehova Nungungulu wa wena i ta anzisa makatekwa ya wena ka yontlhe mitiro ya mandla ya wena, i ta anzisa a pswalo wa miri wa wena, ni pswalo wa zifuyo za wena, ni mihanzu ya misava ya wena; hakuva Jehova i ta tlhela a tsaka ha wena a ku katekisa, khwatsi hi lezi a nga wa tsakile hi vararu va wena;

Ezekieli 36:10

Nzi ta anzisa a vanhu hehla ka nwina, a yindlu yontlhe ya ka Israeli. A miti yi ta akiwa, ni marumbi ma ta vuxiwa.

Tisimu 107:41

Yena i lo tlakusa lava va hlomulweko kuxanisekeni kabye, A enzelekisa mingango khwatsi mitlhambi.