Jeremia 31:20 - Tshwa Bible

²⁰ Xana Efraime hi nwananga a ranzekako ke? a xiranzwa hi mbilu ke? Hakuva hambu loku nzi mu vukela nza mu khumbula hi ku tlula mpimo; A marumbu ya mina ma divitana hi kota ya yena, Futsi, nzi ta mu hawukela, ku wula Jehova.

Jeremia 31:20 Referans Kwoze

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Isaya 63:15

Cuwuka lahasi hi le tilweni, u wona Hi le ndlwini ya wena ya wubaswa ni kungangamela. Ku kwihi kupangama ka wena ni mitiro ya wena ya ntamu ke? A lixuve la mbilu ya wena ni wuxinji ga wena a za ha tiri ka mina.

Tisimu 103:13

Khwatsi hi dadani a hawukelako a vanana vakwe, Hilezo Jehova wa va hawukela lava va mu chavako. Isa. 63:16; 64:8; Jer. 31:9

Hosea 14:4

Nzi ta chuma a kutlhelela kabye nzhako, nzi va ranza hi mbilu yontlhe ya mina, hakuva a zanga ya mina yi sukile kabye.

Valamuli 10:16

Va lo susa xikari kabye vanungungulu va vamatiko, va khozela Jehova. Jehova a tsetselela va ka Israeli hi kota ya ku wona zikarato zabye.

Va le Filipi 1:8

Hakuva Nungungulu hi kustumunyu wa mina, lezaku nwina nza xuva ku mu wona hi liranzo la Kristu Jesu.

Luka 15:24

hakuva a nwananga loyi i wa file, kanilezi i tlhelile a hanya; i wa lahlekile, makunu i kumilwe. Va lo sangula ku tsaka. Efe. 2:1; 5:14; Kuv. 3:1

Jeremia 48:36

Hikwalaho a mbilu ya mina ya vuma kota nanga hi kota ya Moabi, ni vanhu va le Kir-heresi. Hakuva lezi va nga zi hlengeletele zi lahlekile.

Isaya 16:11

Lomu nzeni ka mina ka kowutana kota xitende hi kota ya Moabi, Ni mbilu ya mina hi kota ya Kir-harese.

Jeremia 31:9

Va ta wuya na va kari va rila, Nzi va heleketa na va kari va khongela; Nzi ta va rangela micongweni ya mati, Hi ndlela yi basileko leyo va to kala a ku khunguvanyeka ha yona; Hakuva nzi dadani ka Israeli, Na Efraime hi matewula ya mina. Ekso. 4:22; Isa. 63:16

Jeremia 3:19

Nzi waku: Nzi ta ku veka xikari ka vanana va mina, Nzi ta ku nyika a tiko gi xuvekako, A tshomba yo saseka nguvu xikari ka matiko. Nziku: Mu ta nzi vitana, muku: Dadani; Mu nga ta ha hambuka mu nzi siya.

Xizimba xa ka Solomoni 5:4

A muranziwa wa mina i lo enghenisa a woko gakwe hi laha moleni wa livati, Ni mbilu ya mina yi lo nyawukela yena.

Mavingu 3:12

Hakuva loyi Jehova a mu ranzako, wa mu kawuka, hwatsi hi dadani a tsayisako nʼwana loyi a mu ranzako.

1 Tihosi 3:26

Zonake a nwinyi wa nwanana loyi a hanyako i lo dzuka lomu mbilwini yakwe, aku ka hosi: Hosi yanga: Mu nyike a nwanana loyi a hanyako, va nga kali va mu daya! Kanilezi loyi munwani i te ngalo: Cima a nga ta kuva wa mina, hambu kuva wa wena, a panziwe hi laha xikari! Isa. 49:15

Deuteronome 32:36

Hakuva Jehova i ta yimela vanhu vakwe, Ni kambe i ta hawukela malanza yakwe, Laha a ta nga wona lezaku a ntamu wabye wu mbhelile. Ni lezaku ku nga ta sala ni munwe wa vona. 1 Tih. 14:10; 2 Tih. 14:26

Genesisi 43:30

Zonake Josefa i lo hatlisa a ya lava wutshamu go ya rila ka gona, hakuva a mbilu yakwe yi lo henyiwa hi liranzo ka nakulobye; i lo enghena ndlwini yakwe, a ya rila kona.

Luka 15:32

Kanilezi zi wa fanele ku va hi tsaka ni ku nengela; hakuva a nakuloni loyi i wa file, kanilezi i tlhelile a hanya; i wa lahlekile, makunu i kumilwe.

Jeremia 3:12

Yana, u ya kanela mahungu laya le Nwalungu, uku: Wuya Israeli, wena loyi u hambukileko, ku wula Jehova. Nzi nga ta ha mu zangarela, hakuva mina nzi na ni tipswalo, ku wula Jehova, nzi nga ta simamisa nzi zangara kala kupinzuka.

Jeremia 33:26

zonake nzi ta tsika a pswalo wa Jakobe ni wa Davida a nanza ga mina, lezaku nzi nga ha dzuki nzi teka xikari ka vana vakwe loyi a ta nga fumela a lixaka la Abrahama, Isaka na Jakobe, hakuva nzi ta wuyisa a vakhomiwa vabye nzi va hawukela.

Ezekieli 33:11

Wula kabye uku: Nza hlambanya hi kuhanya ka mina, ku wula Hosi Jehova, a nzi xalaliswi hi kufa ka wakubiha; kanilezi nzi xalaliswa hi kuhunzuluka ka wakubiha a ndleleni yakwe a hanya. Hunzulukani, hunzulukani mu suka tindleleni ta nwina to biha! Mu ta lova hikuyini, nwina va yindlu ya ka Israeli?

Levi 26:44

Kanilezi hambu loku va hi lomu ka matiko ya valala vabye, cima nzi nga ta va hoxa, hambu ni ku va tsika go kala nzi va mbheta, nzi tshova xivumelwano xa mina zinwe na vona; hakuva hi mina Jehova, Nungungulu wabye. Isa. 59:20; Rom. 11:26

Isaya 30:18

Hikwalaho Jehova i ta rinzela, a kala a zi kota ku mu tsetselela; i ta kuliswa kasi a fela ku mu zwela wusiwana. Hakuva Jehova hi Nungungulu a lulamileko, va katekile vontlhe va mu rinzelako.

Mikosi 3:22

Tipswalo ta Jehova lezaku hi nga se lova, Hakuva a wuxinji gakwe a gi mbheli.