Jeremia 31:18 - Tshwa Bible

¹⁸ Nzi zwile Efraime ku ti tsetsa, aku: U nzi tsayisile, nzi kwapiwa A ku fanana ni nkuzana yi nga tolovelangiko a muyoko; Nzi hunzuluse, kasi nza wuya, Hakuva hi wena Jehova Nungungulu wa mina.

Jeremia 31:18 Referans Kwoze

Jeremia 31:9

Va ta wuya na va kari va rila, Nzi va heleketa na va kari va khongela; Nzi ta va rangela micongweni ya mati, Hi ndlela yi basileko leyo va to kala a ku khunguvanyeka ha yona; Hakuva nzi dadani ka Israeli, Na Efraime hi matewula ya mina. Ekso. 4:22; Isa. 63:16

Tisimu 80:3

Nungungulu hi akise kambe, Maha a nghohe ya wena yi woninga, kasi hi hanyiswa.

Isaya 9:13

Kanilezi a vanhu a va tlhelelangi ka loyi a va bako, Ge, hambu ku lava Jehova wa tiyimpi.

Joba 5:17

Langutani, i katekile munhu loyi Nungungulu a mu lulekako: Hikwalaho u nga soli a xitsayiso xa Nyamintamu. Maheb. 12:5; Jak. 1:12; Kuv. 3:19

Kuvululelwa 3:19

Nzi kawuka ni ku tsayisa vontlhe lava nzi va ranzako; hikwalaho pinyama u hunzuluka. Mav. 3:11; Maheb. 12:5

Mitiro 3:26

Nungungulu i sangulile hi nwina, a mu humesela a Nanza gakwe Jesu, a mu rumela a ku ta mu katekisa, hi ku mu hunzulukisa nwentlhelele, mu tsika a zionho za nwina.

Luka 15:20

Yena i lo suka, aya ka raru wakwe. Kanilezi na a ha hi kule, a raru wakwe i lo mu wona, a mu zwela wusiwana; i lo tsutsuma a ya mu wukarela nhanwini, a mu pswopswa. Miti. 2:39; Efe. 2:13, 17

Hosea 5:15

Nzi ta tlhela nzi ya tshama wutshanweni ga mina, kala va wulela zionho zabye, va hlota a nghohe ya mina. Hlomulweni wabye va ta nzi hlotisisa.

Mikosi 5:21

Hi wuyise ka wena Jehova, kasi hi tlhelela ka wena; Hunzula masiku ya hina mava maswa khwatsi hi kusanguleni.

Jeremia 17:14

Nzi chume Jehova, nzi tava nzi chumilwe, Nzi hanyise, nzi tava nzi hanyisilwe; Hakuva hi wena a wudzunzo ga mina.

Tisimu 94:12

Jehova, i katekile a munhu loyi u mu layako, Loyi u mu gonzisako hi nawo wa wena, Joba 5:17; Maheb. 12:5

Tisimu 80:19

Jehova, Nungungulu wa tiyimpi, hi vuxe luswa; Maha a nghohe ya wena yi woninga, kasi hi hanyiswa.

Tisimu 80:7

Nungungulu wa tiyimpi, hi akise kambe, Maha a nghohe ya wena yi woninga, kasi hi hanyiswa.

Tisimu 32:9

Mu nge khwatsi mu mahaxi kutani timbongola, leti ti nga hiko na kupima; Leto a kufuya ka tona ku nga matomu ma ti khomako; Loku ti nga hi nawo a ti na ku tshinela ka wena. 2 Tih. 19:28; Mav. 26:3

Maheberu 12:5

Xana mu rivele a gezu ga kukhongotela, legi gi wulako ka nwina khwatsi hi loku gi wuliwa ka vana? ku ngalo: Nwananga, u nga kanyisi a kulaya ka Hosi, U nga mbheli ntamu loku u kawukwa hi yona; Mav. 3:11

Va le Filipi 2:13

Hakuva hi Nungungulu a vangako ka nwina a kuxuva ni kutira, hi kota ya wunene gakwe. Maheb. 13:21

Luka 1:17

Yena i ta ranga mahlweni kakwe hi moya ni ntamu wa Elija, a kuva a hunzulusa a timbilu ta vararu ka vana vabye, lava va hluwukileko a va tlhelisa wutlharini ga valulamileko; ni ku yi longisela Hosi a vanhu va longiselweko yona. Mal. 4:5; Mat. 11:14

Malaki 4:6

I ta tlhelisa a timbilu ta vadadani ka vanana vabye, ni timbilu ta vanana ka vadadani vabye, kasi nzi ngati nzi ta ba a tiko hi nzhukano. Mika 7:6

Zefania 3:2

A wu ingisangi gezu ni ginwe, a wu amukelangi a ziluleko, a wu tsumbangi Jehova, a wu tshinelangi ka Nungungulu wa wona.

Hosea 10:11

Efraime i thokazi legi gi gonzisilweko, gi ranzako ku hula mavele: kanilezi nzi vekile muyoko nhanwini ya gona yo saseka. Nzi ta veka mukhileli hehla ka Efraime; Juda i ta rima, na Jakobe a fayetela marukwani. Deut. 25:4; 1 Kor. 9:9

Hosea 4:16

Hakuva Israeli i na ni kanu khwatsi i thokazi ka xitlalu; makunu Jehova i ta va risa khwatsi i tiyivana wutshanwini gi anamileko.

Jeremia 31:6

Hakuva ku ta chikela a siku legi a varinzeli va le migangeni ya Efraime va to vitana ha gona, vaku: Sukani, a hi yeni Zioni ka Jehova, Nungungulu wa hina.

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Jeremia 3:25

A hi weni hasi tinganeni ta hi na, Hi fenengela tona; Hakuva hi onhele Jehova a Nungungulu wa hina, Hina zinwe ni vadadani va hina kusukela wusweni kala nyamutlha; A hi ingisangi a gezu ga Jehova a Nungungulu wa hina.

Jeremia 2:30

Nzi bile mahala a vanana va nwina, A va vumelangi ku kawukiwa. A supado ya nwina yi khadamule a vaprofeti va nwina, Khwatsi i nghala yi hlakahlako. 1 Tih. 19:10; Mat. 23:34

Isaya 53:7

I lo hlokiswa, hambu lezi a nga ti tsongahata, Na a nga vululi nomu wakwe; Khwatsi hi yivana leyi yi gulelwako kutlhabyiweni, Ni yivu leyi yi miyelako mahlweni ka mukayi, Hizalezo a nga vululangi nomu wakwe. Mat. 23:63; Joh. 1:29; Miti. 8:32

Isaya 51:20

A vana va wena va titivele, Va etlele mahanzakanyeni ya tindlela kota mangulwe lomu ziyweni. Va popilwe hi zanga ya Jehova, ni kukawuka ka Nungungulu wa wena.

Isaya 1:5

Hi yini mu ta nga nonohisa mu biwa, hi ku anzisa a kuhluwuka ka nwina? A hloko yontlhe ya babya, a mbilu yontlhe yi bayiseka.

Mavingu 29:1

Loyi a khanzakanyako ku kawukwa, a nonohisa nhamu, ta lobyiswa xikanwe, cima a nga ta hawukelwa.

Mavingu 26:3

A mhika nja haxi, ni matomu nja mbongola; i nhonga nja hlana wa xipumbu.

Mavingu 3:11

Nwananga, u nga kanyisi kulaya ka Jehova, nga tsanwiswi hi kukawuka kakwe: Maheb. 12:5; Kuv. 3:19

Tisimu 119:75

Jehova, nza zi tiva lezaku a kulamula ka wena ku lulamile, Lezaku u nzi hlokisile hi kutsumbeka.

Tisimu 85:4

Hi hunzulukele, Nungungulu wa kuhanyiswa ka hina, U tsika ku hi zangarela.

Isaya 63:16

Kasi u dadani wa hina, Hakuva Abrahama a nga hi tivi, Na Israeli a nga ha hi alakanyi. Wena Jehova, u dadani wa hina, A vito ga wena Mutiruli wa hina wa pinzukelwa.

Mitsengo 2:18

Le Muhlwa-gambo, ku tava mujeke wa wugovelo ga ka Efraime hi mitlawa yabye; a hosana ya vanana va ka Efraime hi Eliaxama a nʼwana wa Amihudi,

Tisimu 118:18

Jehova i nzi tsayisile, Kanilezi a nga nzi nyikelangi kufeni.

Tisimu 119:67

Na nzi nga se kuva hlomulweni nzi wa pengile, Kanilezi makunu nza gonga a mhaka ya wena.

Ezekieli 20:43

Lomo mu ta alakanya a mahanyela ya nwina, zi zontlhe zimaho za nwina lezi mu nga ti nyenyezisa ha zona; mu ta ti nyenya hi kota ya kontlhe kubiha loku mu ku mahileko.

Danieli 9:13

A khombo gontlhe legi gi hi wele khwatsi hilezi ku tsalilweko nayweni wa Mosi. Kanilezi a hi kombelangi a wuxinji ga Jehova a Nungungulu wa hina, hi ku tsika zigoho za hina, hi chela kota hi zinene za wena.

Jona 3:10

Laha Nungungulu a nga wona hi mitiro yabye, lezaku va hunzulukile ndleleni yabye ya kubiha, i lo hunzuluka a tlhelisa a khombo legi a nga wulile lezaku i ta va fumela gona, a nga ha gi wiseli hehla kabye. Gen. 6:8; Ekso. 32:14

Malaki 3:16

Zonake lava va chavako Jehova va wulawula munwe ka munwani, na Jehova i dembile ndleve a ingisela, ku tsaliwa a bhuku ka xialakanyiso mahlweni kakwe, ku tsaliwa lava va chavako Jehova ni lava va alakanyako vito gakwe.

Tisimu 31:15

A zikhati za mina zi le mandleni ya wena; Nzi hlangute mandleni ya valala va mina, ni lava va nzi xanisako.