Jeremia 31:13 - Tshwa Bible

¹³ Zonake a vanhanyana va ta ti xa lalisa hi kukina, A majaha ni zikhosana va tsaka khatiginwe; Hakuva nzi ta hunzulusa kurila kabye kuva litsako, Nzi ta ya tangalisa nzi va tsakisa kuxanisekeni kabye.

Jeremia 31:13 Referans Kwoze

Tisimu 30:11

Lezo u hunzule a kurila ka mina kuva kukina, Wena u nzi tlhatlhile a nguwo ya xirilo, u nzi ambexa hi litsako,

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Isaya 51:11

Hikwalaho a vatirulweko va Jehova va ta tlhela, Va wuya Zioni hi tisimu ta migiyo; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:20, 22; Kuv. 21:4

Jeremia 31:4

Nzi ta ku aketa, u tava u akilwe, wena nhwana wa Israeli; U ta tlhela u ti longisela a zikhitsi, U huma u ya kina hi kutsaka. Ekso. 15:20; Vala. 11:34; Tis. 68:25

Johani 16:22

Na nwina mu na ni kuxaniseka makunu, kanilezi nzi ta mu wona kambe, zonake a timbilu ta nwina ti ta tsaka, a nga kona loyi a ta nga mu tekela a kutsaka ka nwina. Miti. 2:46; 1 Ped. 1:8

Isaya 51:3

Hakuva Jehova i ta zwela wusiwana Zioni, I ta zwela wusiwana a marumbi yakwe wontihe; A xiwula xakwe i ta xi maha xi fanana ni Edeni, Ni mapanya yakwe ma ta fanana ni simu ga Jehova. Ku tava kona kutsaka ni migiyo lomo, A zigingi ni magezu ya wucenje. Tis. 102:25; Lu. 21:33

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Tisimu 149:3

A va dumise a vito gakwe hi kukina, Va mu khesa hi tingomana ni zitende. Ekso. 15:20; 2 Sam. 6:14

Estere 9:22

ku nga masiku lawa a vaJuda va nga kuma kuhumula valaleni vabye, a hweti leyi a kuxaniseka kabye ku nga hunzulwa kuva litsako, a siku ga xirilo gi hunzulwa giva ka migiyo; va maha ha wona a mibuzo, va tsaka, va rumelana zinyikiwo, ni ku nyika zinyikiwo ka zisiwana.

Nehemia 12:43

Lego siku va lo nyikela miphahlo ya hombe, va tsaka, hakuva Nungungulu i wa va nyikile litsako la hombe; a vavasati ni vanana va lo tsakawu. Hikwalaho a litsako la Jerusalema ku lo zwala kule.

Nehemia 12:27

A xikhati xa kunyikelisiswa ka ligingisi la Jerusalema, ku lo vitaniswa vaLevi lomu mitini yontlhe, vaya Jerusalema, va ta nyikelisisa a ligingisi hi kutsaka, na va nyika kubonga, va yimbelela hi tingomana, ni timbila, ni zitende.

Zakaria 8:19

Jehova wa tiyimpi i ngalo: A masiku ya kuyila ka hweti ya wumune, ni ka ya wuntlhanu, ni ka ya wuntlhanu ni timbiri, ni ka ya wukhume, ma ta maha masiku ya litsako ni kunengela ka yindlu ya ka Juda ni mibuzo yo saseka; hikwalaho ranzani a zinene ni kurula.

Isaya 60:20

A gambo ga wena cima gi nga ta ha pela, Ni hweti ya wena yi nga ta hafa kambe; Hakuva Jehova i tava kuwonekela ka wena ka pinzukelwa, Ni masiku ya nkosi wa wena ma ta mbhela.

Ezra 6:22

Va lo maha a mubuzo wa zibaba zi nga hiko na comelo, 7 wa masiku na va tsakile; hakuva Jehova i wa va tsakisile, ni ku kucetela a mbilu ya hosi ya Asiria lezaku yi tiyisa a mandla yabye mitirweni ya yindlu ya Nungungulu wa ka Israeli.

Valamuli 21:21

Loku mu wona a vanhwana va le Xilo na va huma ku ta kina, mu ta humawu lomu zivineni, munwe ni munwani wa nwina a ti khomela sati xikari ka vanhwana va le Xilo, zonake mu ta tlhelela tikweni ga nwina le Benjamini.

Isaya 61:2

Ni ku tlhatlhambutela a lembe ga tipswalo ta Jehova, Ni siku ga ku ti photela ka Nungungulu wa hina: A ku chavelela vontlhe lava va rilako; Mat. 5:4; Lu. 6:21

Tisimu 126:5

Lava va byalako na va kari va rila mihloti, Va ta hula hi litsako.

Tisimu 148:12

Majaha ni vanhwana, Zikhosana ni vanana:

Isaya 12:1

A ka siku lego u taku: O Jehova, nza ku bonga! Hambu lezi u nga nzi zangarele, Kanilezi a zanga ya wena yi bohlile, U tlhela u nzi chavelela.

Jeremia 33:11

ku ta zwala a gezu ga nkulungwani ni ga litsako, a gezu ga muteki ni ga mutekiwa, ni gezu ga lava vange: Khesani Jehova wa tiyimpi, hakuva i nene, hakuva a wuxinji gakwe ga kala kupinzuka; ni magezu ya lava va nehako minyikelo ya kubonga a ndlwini ya Jehova. Hakuva nzi ta wuyisa lava va khomilweko ka legi tiko, va ta kotisa xikhatini xa kale, ku wula Jehova.