Jeremia 30:7 - Tshwa Bible

⁷ Yowe, mina zanga! A siku legi ga hombe, A ku na ginwani go fanana nago. Xikhati xa khombo a ka Jakobe, Hambu zi hi tano, i ta pona ka xona. Joeli 2:11; Am. 5:18; Zef. 1:15

Jeremia 30:7 Referans Kwoze

Danieli 12:1

Xikhatini lexo ku ta huma Mikaeli, a hosana leʼya hombe yi yimelako a vana va tiko ga wena; ku tava ni zikhati za zikarato lezi zi kalako zi nga se huma kusukela a kusanguleni ka mifumo kala xikhatini lexo. Xikhatini xwalexo a vanhu va wena va ta tlhatlhiswa, vontlhe lava va ta nga kunwa na va tsalilwe bhukwini. Mat. 24:1; Mar. 13:19

Malaki 4:1

Hakuva langutani, a siku gata, legi gi to vura ku fana ni pingo ga nzilo. Vontlhe a vamatshanza ni vontlhe a vamahi va kubiha va ta fanana ni byanyi gi womileko. A siku legi gi tako gi ta va hisa, ku wula Jehova wa tiyimpi, gi nga ta va siyela mutsu hambu liravi.

Danieli 9:12

I tiyisile a timhaka leti a nga ti wula ka hina, ni ka Valamuli va hina lava va nga hi lamula ni ku hi wisela a khombo ga hombe; hakuva lahasi ka tilo gontlhe a zi na nga maheka zo ringana ni lezi zi nga mahiwa ka Jerusalema.

Joeli 2:11

Zonake Jehova wa zwata a gezu gakwe mahlweni ka yimpi yakwe, hakuva a wugovelo gakwe ga hombe nguvu, hakuva i na ni ntamu loyi a mahako kulaya kakwe. A siku ga Jehova ga hombe, ga chavisa nguvu; himani a nga gi tiyelako?

Va le Roma 11:26

zonake a vaIsraeli vontlhe va ta hanyiswa, kota lezi ku tsalilweko, ku ngalo: Ku ta huma a Mutlhatlhisi hi le Zioni, I ta susa a zivi zontlhe ka Jakobe. Tis. 14:7; Isa. 60:15; Jer. 3:18

Marku 13:19

hakuva lawo masiku ma tava ni kuxaniseka, loku ku nga ngha ku nga hi kona hi kusanguleni ka tiko legi Nungungulu a nga gi vanga kala lezi, cima ku nga tava kona. Dan. 9:26; Mat. 24:21

Hosea 1:11

A vana va ka Juda ni vana va ka Israeli va ta tlhangana va ti yimisela hosi yinwe, va huma tikweni, hakuva gi tava ga hombe a siku ga Jezreeli. Joh. 10:16; Efe. 1:22

Mikosi 1:12

Xana a mu cheli kota ha zona, nwina vahunzi ke? A ha nga cuwukani, mu wona loku ku hi kona kuxaniseka kunwani ko ringana ni loku ku nzi weleko, Loku Jehova a nga nzi hlokisa ha kona hi siku ga khulo gakwe.

Jeremia 30:10

Hikwalaho u nga chavi, wena Jakobe, nanza ga mina, ku wula Jehova; U nga dzukiswi, wena Israeli; Hakuva nzi ta ku humesa tikweni ga le kule, Ni vana va wena tikweni ga wukhumbi gabye. Jakobe i ta wuya, a tshameka khwatsi, Ku nga tava kona wo mu chavisa.

Tisimu 34:19

A makhombo ya loyi a lulamileko manyingi; Kanilezi Jehova wa mu hlanguta ka wona wontihe.

Kuvululelwa 6:17

Hakuva a siku ga hombe ga khulo gabye gi chikele, himani a zi kotako ku yima ke? Tis. 76:7; Zef. 1:14

Mitiro 2:20

A gambo gi ta pfhupeliswa, A hweti yi hunzuka yi maha nkhata, Na gi nga se nga chikela a siku ga Hosi, Legi ga hombe ni gi dumileko. Mat. 24:29

Joeli 2:31

A gambo gi ta pfhupeliswa, a hweti yi hunzuka yi maha nkhata, na gi nga se nga chikela a siku lego ga hombe go tshisa ga Jehova.

Mikosi 4:6

Hakuva a xionho xa nhanyana wa tiko ga mina xa hombe ku hunza xionho xa Sodoma, Loyi a nga lobyiswa hi xitshuketi, na a nga tlhatekiwangi mandla ya munhu.

Mikosi 2:13

Nzi ta ku kustumunyela yini? nzi ta ku fananisa ni yini, wena nhwana wa Jerusalema? Nzi ta ku ringanisa ni yini, wena nhwana wa Zioni, kasi nza ku chavelela? Hakuva a mole wa wena ngwa hombe ku fana ni bimbi, himani a nga zi kotako ku ku chuma?

Tisimu 25:22

Nungungulu, tlhatlhisa Israeli Makhombyeni yakwe wontihe.

Genesisi 32:7

Zonake Jakobe i lo chava nguvu, a karateka; i lo avanyisa a vanhu lava a nga wa hi navo, ni tiyivu, ni tihomu, ni makameli, i lo maha mitlawa mimbiri.

Isaya 20:6

A ka siku lego a vaaki va tiko ga laha bimbini va taku: Langutani a kulobyiswa ka loyi hi nga mu tsumba, loyi hi nga tsutsumela ka yena kasi ku vuniwa ni ku tlhatlhiswa mandleni ya hosi ya le Assiria! Hinake, hi ta ponisa kuyini?

Jeremia 2:27

Lava va wulako ka dzanza, vaku: Wena u dadani wa mina, Vaku ka ribye: Mina nzi pswalilwe hi wena. Hakuva va nzi fularele, a va nzi cuwukeli; Kanilezi a xikhatini xa khombo va taku ngalo: Yima, u hi hlanguta!

Jeremia 2:28

Makunu va kwihi a vanungungulu va wena lava u ti maheleko ke? Hi nga va tsika va yima, hi wona loku va zi kota ku ku hanyisa xikhatini xa makhombo! Hakuva a vanungungulu va wena va ringana ni tsengo wa miti ya wena, o Juda. Deut. 32:37; Vala. 10:14

Jeremia 14:8

Wena loyi u nga kutsumba ka Israeli, Muhanyisi wakwe xikhatini xa zikarato, Hikuyini uku khwatsi u wamatiko tikweni, Kota muenzi loyi a hambukako kasi kuxwa wusiku ginwe ke?

Joeli 1:2

Zwanani lezi nwina zikhosana! Kangatelani ndleve nwina nwentlhe vaaki va tiko! Ku na nga dzuka ku humelela a zilo za lixaka lolu masikwini ya nwina, hambu kutani masikwini ya vadadani va nwina ke?

Joeli 1:15

Yowe, a siku legi! hakuva a siku ga Jehova gi tshinele, gita kota lobyiselelo hi ka Nyamintamu.

Zakaria 14:7

Kanilezi gi tava siku legi gi tibyiwako hi Jehova; gi nga tava ni hlikanhi hambu wusiku, kanilezi laha gambyeni ku tava kona kuwonekela.

Mika 4:9

Hikuyini u kanyulukako makunu ke? A wa ha hi na hosi ke? A sungukati ga wena gi lovile ke, lezi u khomilweko hi kubayiseka khwatsi wasati alunwako?

Habakuka 3:16

Nzi zi zwile, a mbilu ya mina yi rurumela, Hi gezu lego a milomu ya mina yi dzudzumela; Ku enghena kubola marambyini ya mina, na nzi kari nzi rurumela. Nzi yimelwe hi ku rinzela a siku ga khombo, A siku legi a tiko gi ta nga hlaselwa hi valala.