Jeremia 30:19 - Tshwa Bible

¹⁹ Ku ta huma kona a kukhesa ni magezu ya litsako; Nzi ta va anzisa, va nga hunguleki; Nzi ta va kulisa, va nga ta ha kanyiswa.

Jeremia 30:19 Referans Kwoze

Jeremia 33:22

Khwatsi hi yimpi ya tilo yi nga hlayiwiko, ni seke ga bimbi gi nga hiko na ku pimiwa, zakunghahi nzi ta anzisa a pswalo wa Davida a nanza ga mina, ni vaLevi lava va nzi tirelako.

Isaya 51:11

Hikwalaho a vatirulweko va Jehova va ta tlhela, Va wuya Zioni hi tisimu ta migiyo; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:20, 22; Kuv. 21:4

Isaya 60:22

Loyi tsongwani i ta enzeleka ava khume ga mazana, Ni loyi wa tsongwani nguvu i tava a tiko ga ntamu. Mina Jehova nzi ta zi hatlisisa zikhatini za zona.

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Ezekieli 36:37

Hosi Jehova i ngalo: Tlhatakumbiri, nza ha ta labyiwa hi yindlu ya ka Israeli a kuva nzi va mahela zona. Nzi ta enzelekisa a vanhu lezaku va fanana ni mitlhambi.

Zakaria 10:8

Nzi ta va swiyota, nzi tlhela nzi va tsombanyisa, hakuva nzi va tirule; va ta enzeleka va tala kota kale.

Jeremia 31:4

Nzi ta ku aketa, u tava u akilwe, wena nhwana wa Israeli; U ta tlhela u ti longisela a zikhitsi, U huma u ya kina hi kutsaka. Ekso. 15:20; Vala. 11:34; Tis. 68:25

Zakaria 12:8

Hi siku lego Jehova i ta vikela a vaaki va la Jerusalema; hi siku lego loye wa gome i ta ku khwatsi hi Davida, ni yindlu ya Davida yi ta ku khwatsi hi Nungungulu, yi ku khwatsi i ngelosi ya Jehova mahlweni kabye. 1 Sam. 17:50; 18:7; 2 Sam. 17:8

Zakaria 8:19

Jehova wa tiyimpi i ngalo: A masiku ya kuyila ka hweti ya wumune, ni ka ya wuntlhanu, ni ka ya wuntlhanu ni timbiri, ni ka ya wukhume, ma ta maha masiku ya litsako ni kunengela ka yindlu ya ka Juda ni mibuzo yo saseka; hikwalaho ranzani a zinene ni kurula.

Ezekieli 37:26

Nzi ta maha navo a xivumelwano xa kurula; xi tava xivumelwano xa simasima. Nzi ta va yimisa kona, nzi va anzisa; a yindlu ya mina yo basa yi tava kona xikari kabye kala kupinzuka. 2 Kro. 6:16; Jer. 31:31

Isaya 12:1

A ka siku lego u taku: O Jehova, nza ku bonga! Hambu lezi u nga nzi zangarele, Kanilezi a zanga ya wena yi bohlile, U tlhela u nzi chavelela.

Nehemia 8:12

A vanhu vontlhe va lo ti fambela va yaga, vanwa, va rumela zakuga ka vanwani, va ti tsakela, hakuva va wa ti pimile a timhaka leti ti nga wa tlhatlhambutelwe kabye.

Ezra 6:22

Va lo maha a mubuzo wa zibaba zi nga hiko na comelo, 7 wa masiku na va tsakile; hakuva Jehova i wa va tsakisile, ni ku kucetela a mbilu ya hosi ya Asiria lezaku yi tiyisa a mandla yabye mitirweni ya yindlu ya Nungungulu wa ka Israeli.

1 Pedro 1:7

leyi mu ringiwako hi yona kasi ku hlolwa a kukholwa ka nwina, loku ku nga ni tsengo wa hombe ku hunza nzalama leyi yi lovako, hambu loku yi hlohlwe hi nzilo, lezaku ku fela ku kumeka na ku hi ni kudzunzwa ni kukhesiwa ni wudumo hi siku ga kuwonekeliswa ka Jesu Kristu; Tis. 66:10; Zak. 13:9; Jak. 1:12

Isaya 60:19

A gambo gi nga ta hava kuwonekela ka wena ni hlikanhi, Ge hambu nweti wu nga ta ha ku woningela, Kanilezi Jehova i tava kuwonekela ka wena ka pinzukelwa, Ni Nungungulu wa wena i tava wumbhuri ga wena. 1 Joh. 1:5; Jak. 1:17; Kuv. 21:23

Isaya 52:9

Giyani, mu yimbelela khatiginwe, nwina marumbi ya Jerusalema; Hakuva Jehova i chavelele a vanhu vakwe, i tlhatlhisile Jerusalema!

Zakaria 2:4

yiku ka yona: Tsutsuma u ya byela a jaha legiya, uku: Jerusalema gi ta akiwa khwatsi hi miti leyi yi nga hiko na tigingisi, hi kota ya kutala ka vanhu ni zifuyo lezi zi ta ngava lomo.

Jeremia 31:27

Langutani, a masiku ma hata, ku wula Jehova, lawa nzi to byaleta a tiko ga ka Israeli ni tiko ga ka Juda hi mbewu ya vanhu ni mbewu ya zihari.

Isaya 51:3

Hakuva Jehova i ta zwela wusiwana Zioni, I ta zwela wusiwana a marumbi yakwe wontihe; A xiwula xakwe i ta xi maha xi fanana ni Edeni, Ni mapanya yakwe ma ta fanana ni simu ga Jehova. Ku tava kona kutsaka ni migiyo lomo, A zigingi ni magezu ya wucenje. Tis. 102:25; Lu. 21:33

Isaya 27:6

A ka zikhati zi tako Jakobe i ta mila mitsu; Israeli i ta pfepfa a hluka, I ta tata misava hi mihanzu yakwe.

Tisimu 53:6

O, loku ku wo khwatsi a kuhanyisa ka Israeli ku wa ta huma hi le Zioni! Laha Nungungulu a tlhelisako vanhu vakwe hi le kukhonweni; Zonake Jakobe i ta tsaka, na Israeli i ta nengela. Gen. 49:18; Lu. 10:24

Nehemia 8:17

Yontlhe hlengeletano ya lava va nga wa humele wukhumbini, yi lo aka mixaxa va tshama lomo; hakuva kusukela masikwini ya Jexua nʼwana Nuni kala lego siku, a vanana va ka Israeli va wa nga maha zo kota lezo. Ku wa hi ni kutsaka ka hombe nguvu.

Johani 17:22

A kungangamela loku u nzi nyikileko kona, nzi va nyikile, kasi va fela kuva munwe, kota hina hi nga munwe; Xip. 14:20; 1 Joh. 1:3; 3:24

Isaya 60:9

Hizinene, a matiko ya le bimbini ma nzi lavelela, Ku ranga a mataru ya le Tarxixi mata, Ma neha a vana va wena hi le kule Zinwe ni siliva yabye ni nzalama, Hi kota ya vito ga Jehova, Nungungulu wa wena, Ni Loyi a Basileko wa ka Israeli, loyi a ku kulisako.

Isaya 55:5

Languta, u ta vitana a matiko lawa u nga ma tiviko, Ni matiko lawa ma nga ku tiviko ma ta tsutsumela ka wena, Hi keta ya Jehova, Nungungulu wa wena, Ni Loyi a Basileko wa ka Israeli, loyi a ku dumisileko.

Jeremia 17:26

Va tata hi le mitini ya Juda, ni le matlhelweni ya Jerusalema, ni le tikweni ga Benjamini, ni mikoveni, ni le zitsungeni, ni le Dzongeni, va neha minyikelo yo hiswa ni miphahlo, ni minyikelo ya mapa, ni hlakati, ni minyikelo ya ku khesa lomu ndlwini ya Jehova.

Ezekieli 37:10

Nzi lo profeta khwatsi hilezi a nga wa nzi leletele, a moya wu lo enghena ka vona, va si hanya, va suka va yima hi milenge yabye, va wa hi yimpi ya tsanza-vahlayi.

Isaya 26:15

Jehova, u enzelekisile tiko, U enzelekisile tiko, u ti kulisa; U engetele yontlhe mimbhingano ya tiko.

Jeremia 3:16

Laha nwina na mu enzeleka mu tala tikweni ka lawo masiku, ku wula Jehova, cima ku nga ta ha wuliwa kambe hi arke ga xivumelwano xa Jehova; va nga ta ha gi alakanya hambu kuzwa kuhulukela, kambe va nga ta maha ginwani.