Jeremia 30:13 - Tshwa Bible

¹³ A nga kona a ku yimelako, Ni ku alaha a xilonza xa wena, U hava muri wo chuma.

Jeremia 30:13 Referans Kwoze

Jeremia 46:11

Kanziha uya Gileade u ya teka muri, Wena nhwana, nʼwana wa Gipite! U tirisa a miri yo tala mahala, A ku na kuchumiwa.

Jeremia 8:22

Xana a ku na muri le Gileadi, Ku hava nʼanga leyo ke? A mbanga ya nʼwana wa xisati wa vanhu va mina a yi holiswangi hikuyini ke?

Jeremia 33:6

Languta, nzi ta wu bohelela nzi wu chuma, ni ku va holisa; nzi ta va kombisa a wunyingi ga kurula ni zinene.

Jeremia 30:17

Hakuva nzi ta ku chuma, Nzi holisa a timbanga ta wena, ku wula Jehova; Hakuva u wuliwa Muhleleleki, Zioni loyi va nga mu khataleliko.

1 Johani 2:1

Vana vanga, nza mu tsalela timhaka leti lezaku kasi mu fela ku kala mu nga onhi. Kanilezi loku munhu a onha, hi na ni Muyimeli ka Dadani, a nga Jesu Kristu a lulamileko. 1 Tim. 2:5; Maheb. 9:24

1 Pedro 2:24

Hi yena a nga rwala zionho za hina mirini wakwe laha xihambanweni, lezaku hina na hi file hi tlhelo ga zionho, hi fela ku hanya kululameni. Nwina mu hanyisilwe hi tirimbiri takwe. Isa. 53:4-6, 11; Rom. 6:11

Nahume 3:19

A mbanga ya wena a yi na ku kanzetelwa, i mbanga; ya kufa. Vontlhe lava va zwako ha wena va ta phakatela mandla hi litsako; hakuva himani a kiyeleko a kubiha ka wena?

Hosea 14:4

Nzi ta chuma a kutlhelela kabye nzhako, nzi va ranza hi mbilu yontlhe ya mina, hakuva a zanga ya mina yi sukile kabye.

Hosea 6:1

Tanani hi tlhelela ka Jehova; hi yena a hi hanzuleko, i ta hi chuma; hi yena a hi lamatileko, i ta bohelela a timbanga ta hina. Deut. 32:39; 1 Sam. 2:6

Ezekieli 22:30

Nzi lavile a munhu xikari kabye loyi a ta nga bhiya lihlavu, a yima laha vangeni mahlweni ka mina a lwela tiko, lezaku nzi nga gi lovisi, kanilezi a nzi mu kumangi.

Isaya 59:16

I wonile lezaku a ku na muyimeli, A hlamala hikuva ku nga hi na muhlanguti. Hikwalaho a woko gakwe wutsumbu gi lo mu vunetela, Ni kululama kakwe ku lo mu seketela.

Isaya 1:6

Ku sukela mikonzweni kala hlokweni a gi kona wutshamu gi hanyako, saseka timbanga ni majuku ni timbirimbi ti bolileko; a ti hlaziwangi hambu ku bohelelwa, kutani ku oloviswa hi mafura.

Tisimu 142:4

Cuwuka reveni ga mina ga xinene u wona lezaku a ku na loyi a nzi tivako. A ku na laha nzi nga chavelako kona, Ku hava munhu a khatalelako muhefemulo wa mina.

Tisimu 106:23

Hikwalaho i lo wula lezaku i wa ta va lovisa, Loku Mosi a hlawulilweko wakwe, a wa nga yimangi mahlweni kakwe, Kasi ku rengisa a zanga yakwe, lezaku a nga va lovisi. Ekso. 32:11

Joba 34:29

Loku a va nyika kurula, himani a ta nga sola ke? Ni loku a fihla nghohe yakwe, himani a nga mu wonako? I fumela matiko ni vanhu hi ndlela yinwe,

Joba 5:18

Hakuva wa bayisisa, a tlhela a bohelela timbanga; Wa khuvaza, a mandla yakwe ma tlhela ma holisa.

Deuteronome 32:39

Cuwukani makunu lezaku hi mi na nzoce nzi nga Nungungulu, Lezaku a ku kona munwani nungungulu ahandle ka mina. Hi mina nzi dayako, hi mina nzi hanyisako; Nza balesa phanja, nzi tlhela nzi holisa; A ku na munhu loyi a tlhatlhisako canjeni ga mina. 1 Sam. 2:6; Isa. 45:5; Hos. 6:1

Eksodusi 15:26

Loku u ingisa a gezu ga Jehova. Nungungulu wa wena, u maha kululama mahlweni kakwe, ni loku u demba ndleve ka ziyimiso zakwe, ni ku hlayisa yontlhe milayo yakwe, cima nzi nga ta neha ka wena a zixaniso lezi nzi nga veka hehla ka vaGipite; hakuva hi mina Jehova loyi a ku chumako.

Jeremia 17:14

Nzi chume Jehova, nzi tava nzi chumilwe, Nzi hanyise, nzi tava nzi hanyisilwe; Hakuva hi wena a wudzunzo ga mina.

Jeremia 14:19

Xana Juda u mu tsikele magumo ke? Kutani u ngava u swirekile mbilu hi Zioni ke? Hikuyini u hi bileko lezaku hi nga zi koti ku chumiwa ke? Hi wa lavelele kurula, kanilezi a ku tangi kusasa; Hi lavelele xikhati xo chumiwa, kasi kuchava ku kona!

Jeremia 6:7

Kotisa a hlowo yi humesako a mati, Wu humesisa lezo a kubiha ka wona. A kuholova ni kuphanga za zwala ka wona, A wubabyi ni timbanga zi kona mahlweni ka mina.

Ezekieli 30:21

Nʼwana wa munhu, nzi tshovile a woko ga Faro a hosi ya le Gipite; languta, a gi bohelelwangi ni ku cheliwa muri, a gi tsonzelelwangi miceka kasi ku gi maha giva ni ntamu wo khoma a supado.

Mikosi 2:13

Nzi ta ku kustumunyela yini? nzi ta ku fananisa ni yini, wena nhwana wa Jerusalema? Nzi ta ku ringanisa ni yini, wena nhwana wa Zioni, kasi nza ku chavelela? Hakuva a mole wa wena ngwa hombe ku fana ni bimbi, himani a nga zi kotako ku ku chuma?